Barbie

Barbie nyaéta ngaran salah sahiji bonéka anu geulis, panonna biru jeung sukuna panjang^[1].

Sajarah

Bonéka barbie mimiti aya kurang leuwih taun 1945 ti salah sahiji kulawarga nu resepeun pisan kana bonéka^[1].Kulawarga ieu mimiti kainspirasi ti budak awéwéna anu resep ulin bonéka keretas^[1]. Tuluy indungna anu ngaranna Ruth Handler ngarasa karunya ka budakna anu ngaranna Barbara Handler anu teu weléh kingkin nalika bonéka karetasna suék^[1]. ku sabab kitu, indungna miboga kereteg hayang nyieun cocooan anyar pikeun budakna anu bisa lila dipakéna.^[1]. Tuluy nyieun bonéka awéwé geulis anu buukna pirang jeung panonna biru. Suku jeung leungeunna panjang nepi ka éta bonéka katingali langsing jeung sampurna^[1]. Awak Barbie dipercaya salaku wangun awak awéwé anu idéal dina ukuran leutikna^[1]. ku sababa kitu, loba awéwé anu hayang boga awak kawas awak Barbie^[1]. Barbie mimiti diproduksi taun 1945 ku pausahaan bonéka kulawarga Handler, anu ngaranna Mattel Toy Company di Amerika Serikat^[1]. Éta bonéka dibéré ngaran luyu jeung budak awéwé kulawarga Handler nyaéta Barbara^[1]. Tapi ngaran tukangna diganti jadi Barbara Millicent Robert, anu biasana disebut Barbie^[1]. Kua ayana bonéka anu geulis ieu, langsung dipikaresep ku masarakat^[1].Méh kabéh budak awéwé di dunya resepeun ka bonéka Barbie^[1]. ku lantaran kitu nyieun deui leuwih loba bonéka barbie aya ogé anu diimpor ka sakuliah dunya malah mah nepi ka nagara-nagara nu aya di Timur Tengah^[1]. Ti harita modél Barbie ogé mekar jadi leuwih modérn ti mimiti modél baju nepi ka modél buuk^[1]. Malah di Jepang mah leuwih antusias kana ngaproduksi modél-modél baju Barbie, ti mimiti baju renang, baju ulin, baju gawé, nepi ka baju saré ogé ku maranéhna dijieun pikeun Barbie^[1]. Nalika taun 1961, pausahaan bonéka Mattel Toy Company nyieun bonéka lalaki pikeun jadi papacanganana Barbie ku sabab karunya si bonéka Barbie teu boga batur hirup^[1].Bonéka lalaki ieu dijieun ku Barbara Handler, anak awéwé anu jadi inspirasi bonéka Barbie^[1]. Manéhna hayang nyieun bonéka lalaki anu dibéré ngaran Ken, ngaran saurang lalaki anu jadi lalaki kameumeut Barbara Handler nalika SMA^[1]. Tapi hanjakal éta lalaki teu miboga rasa katrésna ka Barbara^[1]. ku sabab kitu, Barbara ngaabadikeun katrésnana dina wangun bonéka anu jadi papacanganana Barbie^[1].

Nalika libur sakola, biasana loba film-filma anu ngirut ati salah sahijina film Barbie^[2] Bonéka Barbie anu difilmkeun geus aya sababaraha judul, di antarana Barbie in the Nutcracker, Barbie as Rapunzel, Barbie Mariposa, Barbie Fairytopia: Magic of the Rainbow, jeung Barbie and the Magic of Pegasus^[2].

Referensi

↑ ^a ^b ^c ^d ^e ^f ^g ^h ⁱ ^j ^k ^l ^m ⁿ ^o ^p ^q ^r ^s ^t ^u Sejarah Terciptanya Boneka Cantik Barbie Archived 2011-11-27 di Wayback Machine(diakses 19 November 2011)
↑ ^a ^b Barbie Awalnya Hanya Sebuah Boneka Kertas Archived 2021-09-23 di Wayback Machine (diakses 19 November 2011)

Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.

[sumber1-1] ↑ ^a ^b ^c ^d ^e ^f ^g ^h ⁱ ^j ^k ^l ^m ⁿ ^o ^p ^q ^r ^s ^t ^u Sejarah Terciptanya Boneka Cantik Barbie Archived 2011-11-27 di Wayback Machine(diakses 19 November 2011)

[sumber2-2] Barbie Awalnya Hanya Sebuah Boneka Kertas Archived 2021-09-23 di Wayback Machine (diakses 19 November 2011)

[1]

[2]