Bajing

Bajing
Bajing Hawuk Wétan, Sciurus carolinensis
Klasifikasi ilmiah
Karajaan:	Animalia
Filum:	Chordata
Kelas:	Mammalia
Ordo:	Rodentia
Kulawarga:	Sciuridae
Genera
Loba, mangga buka artikel Sciuridae.

Bajing mangrupa ngaran umum pikeun rodensia ti kulawarga Sciuridae (Yun. skia "kalangkang" jeung oura "buntut"). Sacara husus, di urang bajing téh biasana nujul ka anggota genera Sciurus jeung Tamiasciurus, nyaéta bajing tangkal pituin Éropa, Asia, jeung Amérika. Anapon Sciuridae, ngawengku ogé bajing hiber jeung bajing taneuh.

Jenis

Bajing Sciurus vulgaris ti buana Éropah

Aya sababaraha bajing anu boga ciri mandiri: 'Bajing Beureum Éropa' Sciurus vulgaris, 'Bajing Careuh' S. niger, 'Bajing Hawuk Wétan' S. carolinensis, 'Bajing Hawuk Kulon' S. griseus, 'Bajing Douglas' Tamiasciurus douglasii, jeung 'Bajing Beureum Amérika' Tamiasciurus hudsonicus. Di wewengkon Ontario, Quebec, Maryland, Virginia, jeung sababaraha tempat lianna aya Bajing Hideung, nu sabenerna mangrupa varian ti Bajing Hawuk Wétan; jadi hideung sigana salaku adaptasi sangkan bisa nyerep panas leuwih loba.

Populasi Bajing Beureum di Inggris, Irlandia, jeung Italia kiwari nyirorot, utamana alatan karuksakan habitat sarta kompetisi jeung Bajing Hawuk. Tarékah ngajaga kahirupan alami Bajing beureum dijalankeun ku miara leuweung konifér nu dipikaresep ku Bajing Beureum.

Di Indonésia, nu paling ilahar nyaéta Bajing Hawuk. Ku para pangebon kalapa mah dianggap hama, sabab sok ngaruksak tatanénna.

Cara jeung kabiasaan barang dahar

Salah sahiji sipat anu loba dipikawanoh tina sababaraha spésiés bajing tayalian néangan jeung nunda kakacangan pikeun usum tiis. Ieu bajing, tayalian maranéhna ngumpulkeun kacang tuluy disumputkeun di sababaraha tempat anu gampil ditéang ku manéhna, biasana ieu kacang sok dikubur. Panalungtikan anyar ngébréhkeun yén ieu bajing mibanda ingetan anu kuat pikeun manggihan tempat-tempat panundaan kacang-kacang téa.

Rujukan

• Squirrel, Wikipédia édisi basa Inggris (13 Juni 2006).
• Davidson, Alan. Oxford Companion to Food (1999), "Squirrel". kaca 750 ISBN 0-19-211579-0

Tumbu kaluar

• Raising a Squirrel
• Full list of the Sciuridae
• Squirrel Taxidermy and Squirrel Forms
• Save the Red Squirrel Archived 2006-06-19 di Wayback Machine
• Jon's World o' Squirrels
• Looking to rehabilitate a baby Squirrel? Go here
• Those Darn Squirrels -- Squirrel Photography
• Squirrel Fishing
• Albino Squirrel Preservation Society
• Info about black squirrels in Canada Archived 2006-05-23 di Wayback Machine
• Northern Ireland Forest Service - Red Squirrel Action Plan Archived 2006-05-16 di Wayback Machine
• Giant squirrels and flying squirrels of India Archived 2006-06-19 di Wayback Machine

Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.