1260 – Hao Jing, kurir pamingpin Mongolia Kublai Khan dibui ku paréntah kanselor tinggi Tionghoa, Jia Sidao di pangadilan Dinasti Song nu Kaésar Lizong nalika keur badami jeung Song.
1281 – Serangan kadua Kublai Khan ka Jepang dimimitian ku serangan ka Pulo Tsushima tapi nandangan perlawanan tohaga; pasukanna kapaksa mundur.
1703 – Daniel Defoe dipanjara pikeun dakwaan panghasutan.
1758 – Budak umur 10 taun, Mary Campbell diculik ku Lenap di Pennsylvania wanci Perang Perancis Indian. Manéhna dipulangkeun sanggeus genep satengah taun ti harita.
1792 – Kubah lava rebah di Gunung Unzen, deukeut Kota Shimbara, Pulo Kyushu, Jepang, ngabalukarkeun tsunami maut nu nelasan ampir kana 15.000 jiwa.
1809 – Poé kahiji Patempuran Aspern-Essling antara tentara Austria pingpinan Archduke Charles jeung tentara Perancis pingpinan Napoléon I.
1864 – Rusia nyatakeun ahir tina Perang Rusia-Kirkasia sarta loba urang Kirkasia nu dibuang paksa. Poé ieu katelah minangka Poé Muyung Kirkasia.
1871 – Pasukan Perancis nyerang Komune Paris sarta patelak dina campuh jalanan. Dina tungtung minggu getih ieu, kira-kira 20.000 urang ti Kaum Komune perlaya sarta 38.000 ditahan.
1904 – The Fédération Internationale de Football Association (FIFA) diadegkeun di Paris.
1917 – Kahuruan Raya Atalanta taun 1917, ngakibatkeun karugian $5,5 juta, ngancurkeun 300 acre kaasup 2.000 imah, wangunan, dadagangan jeung garéja, ngungsikeun 10.000 jalma, tapi najan kitu ngan saurang nu maot, éta gé alatan serangan jantung.
1932 – Cuaca goréng maksa Amelia Earhart pikeun ngadarat di tegal jukut di Derry, Irlandia Kalér, manéhna jadi wanita munggaran nu hasil ngapung sosorangan meuntas Samudera Atlantik.
1991 – Manten PM India Rajiv Gandhi ditelasan ku saurang awéwé palaku bom maéhan manéh di deukeut Madras.
1991 – Mengistu Haile Mariam, présidén Républik Démokratik Éthiopia, miang ti Éthiopia, sacara éféktif mungkas Perang Sodara Éthiopia.
1994 – Républik Démokratik Yaman gagal hayang papisah ti Républik Yaman; perang dimimitian.
1996 – Kapal féri MV Bukoba tilelep di Pacaian Tanzania di Dano Victoria, nelasan ampir 1.000 jalma.
1998 – Présidén Suharto mundur tina jabatan présidén sabada panémbakan ka mahasiswa Universitas Trisakti saminggu saméméhna micu kana démonstrasi gedé-gedéan di Jakarta. Waprés Habibie naék jadi panggantina.
2001 – Hukum Taubira Perancis ditanjeurkeun, sacara resmi ngaku yén perdagangan budak jeung perbudakan minangka ngalawan kana kamanusaan.
2003 – Lini 6,8 Mw Bourmerdés ngeundeuk-ngeundeuk Aljazair. Leuwih ti 2.200 jalma palastra sarta hiji tsunami sedeng susulan nilemkeun parahu-parahu di Kapuloan Balearic.
2005 – Roller coaster pangluhurna di dunya, Kingda Ka dibuka di Six Flags Great Adventure di Jackson Township, New Jersey.
