Golongan getih

Golongan getih (atawa golongan darah, atawa tipe getih) maksudna dadaran ciri-ciri sél getih beureum hiji jalma dumasar jenis zat (karbohidrat jeung protéin) dina mémbran sélna. Klasifikasi golongan getih manusa pangpentingna nyaéta ABO jeung faktor Rhesus (faktor Rh). Aya ogé 46 antigén lianna, tapi lolobana mah leuwih jarang batan ABO jeung Rh. Transfusi getih ti golongan nu teu cocog bisa ngabalukarkeun réaksi transfusi imunologis mangrupa anémia hémolitik, gagal ginjal, shock, malah bisa nepi ka maot. Golongan getih ABO ogé aya di simpanseu.

Dasar

Golongan getih ditangtukeun ku antigén (épitop) dina beungeut sél geih beureum, di antarana aya nu mangrupa protéin, boh nu murni atawa nu meungkeut polisakarida. Euweuhna marka ieu bakal ngarangsang produksi antibodi pikeun ngalawan marka ieu. Mun getih nu asup golonganana salah/béda, getih nu diasupkeun bakal geuwat diruksak. Sésa-sésana ieu nu ngabalukarkeun kasakit.

Élmuwan Austria Karl Landsteiner boga jasa gedé tina papanggihanana ngeunaan sistim golongan getih (ABO) taun 1901; anjeunna dileler Hadiah Nobel widang Fisiologi jeung Kadokteran taun 1930. Sabenerna, taun 1907, ahli serologi Céko Jan Janský sacara mandiri geus mitambeyan klasifikasi getih manusa kana opat golongan, tapi n leuwih diaku mah papanggihan Landsteiner. Landsteiner ngadadarkeun A, B, jeung O; Decastrello jeung Sturli manggihan golongan kaopat, AB, taun 1907. Landsteiner jeung Alexander S. Wiener lajeng manggihan sét antigén pangpentingna kadua, sistim Rhesus, taun 1937 (publikasi taun 1940).

Sistim ABO

Golongan getih turunan

Indung\Bapa	O	A	B	AB
O	O	O, A	O, B	A, B
A	O, A	O, A	O, A, B, AB	A, B, AB
B	O, B	O, A, B, AB	O, B	A, B, AB
AB	A, B	A, B, AB	A, B, AB	A, B, AB

Baca ogé

• Donor getih
• Sistem sirkulasi

Rujukan

• Blood type, Wikipédia édisi basa Inggris per 24 Pébruari 2006.
• Landsteiner, K. 1900. Zur Kenntnis der antifermentativen, lytischen und agglutinierenden Wirkungen des Blutserums und der Lymphe. Zentralblatt Bakteriologie 27:357-62.
• Landsteiner, K. & A.S. Wiener. 1940. An agglutinable factor in human blood recognized by immune sera for rhesus blood. Proc. Soc. Exp. Biol. Med. 43:223-224.
• [Benes93] Beneš, J. Člověk. Praha: Mladá fronta, 1993.

Tumbu kaluar

• OMIM 110300 (ABO) and OMIM 111680 (Rh/D)
• Racial & Ethnic Distribution of ABO Blood Types - bloodbook.com
• Blood book
• Racial and Ethnic distribution of Rh blood types
• Red Cross Blood Information Archived 2005-12-27 di Wayback Machine
• ABO World Archived 2005-12-27 di Wayback Machine Téori Jepang pikeun nangtukeun golongan getih
• Definition of Blood Group Archived 2007-09-27 di Wayback Machine
• Alternative Definition of blood group Archived 2006-02-16 di Wayback Machine
• Rare blood groups Archived 2006-09-26 di Wayback Machine

Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.