Konkordanz

N Konkordanz is ne alpahabetiske Lieste fon do Woude in n Bouk of n uur Stuk skriftelke Oarbaid, touhoope mäd ju deertou heerende Uumtext. Weegen ju Tied un ju Moite un ju Kossenge nöödich tou dät Moakjen fon n Konkordanz in ju Foar-Komputer-Tied, is dät domoals bloot moaked wuuden foar Wierke fon besunnere Betjuudenge, do Vedas, ju Biebel, die Koran un do Wierke fon Shakespeare.

Sogoar mäd dän Gebruuk fon Komputere un n Konkordanzprogram kostet dät Moakjen fon n Konkordanz (juust so goud ap Papier as in dän Komputer) n Masse Hondwierk, deeruum dät do oafte touheerend Materioal uumfoatje, as Kommentoare ap of Definitione fon do indeksierde Woude. Wan oawers ju Text fon n Wierk in n Komputer is, kon ne Säike-Funktion dän Gruundapdraach fon n Konkordanz uutfiere un dan is ju in wäkke Apsichte sogoar fuulsiediger as aan ap Papier.

Anfang fon dän Konkordanz fon ju Geskichte Do lääste Holloundsgungere (Ls349 un 350).

Seelter Konkordanze

Wan eenmoal in n Komputer ounbroacht (digitalisierd), konnen uk fon seelter Texte licht Konkordanze moaked wäide. Deerbie konnen do Woude alphabetisk wiesd wäide (middelste Spalte in dät Biespil), touhoope mäd do touheerende Satse. Gjuchts fiende sik do Noomen fon do Wällendoatäie (hier Ls249 un Ls351), as moaked mäd WConcord.

Ap ju Wiese kon me uk fuul moor Doatäie touhoope bekiekje. Wan me deertou aal digitalisierde seelter Doatäie touhoopebrangt, kon me älk Woud in fuul Funktione studierje. Dät is nutselk foar dät Skrieuwen fon Woudebouke, man änthaalt in sik oafte fuul moor Information as in n Woudebouk apnuumen wäide kon, wan uk uk fuul minner strukturierd.

Ferbiendengen

Konkordanze fon „Konkordanz“ in dän Gemeensoamen Ferbuundkatalog
„Using concordance programs in the Modern Foreign Languages classroom“, tou Konkordanze in dän Froamdsproakenunnergjucht

Software toun Häärunnerleeden (Uutwoal)

„WordSmith Tools“, kostenplichtich (Demo-Modus uumfoatet aal Funktione, Uutgoawe ap 25 Träffere je Säikfoargong bekniepen)
„Lingofox“, kostenplichtich (Demo-Modus foar 20 Deege fräi, sunner Spieker- un Drukfunktion)
EXAKT, kostenfräi, Konkordanz-Software foar Transkriptione fon spreekene Sproake
„AntConc“, kostenfräi
„Simple Concordance Program“ kostenfräi
Bible Verse Collection Editor (BibleVCE), Open-Source-Software
WConcord 3.0 (Concordancer for Windows) kostenfräi

Online-Software (Uutwoal)

„COSMAS II“, an dät Institut für Deutsche Sprache, kostenloose Anmäldenge ärfoarderelk
„Digitales Wörterbuch der Deutschen Sprache“ (DWDS), Woudeboukiendraage, Konkordanzen un Kollokatione (Konkordanze fon n Säikbegriep ferskiene ätter Aktivierenge fon dät Menüpunkt „Corpora“ in Uutwoal; fulkeemene Apliestenge ätter kostenfräie Anmäldenge)
„Corpus Matching online“ (CoMOn), kostenfräi, neen Anmäldenge nöödich; ferföigboare Korpora u. a. Oold Testament (hebräisk, griechisk), Näi Testament (griechisk), Koran (arabisk, düütsk), G. Grass: „Die Blechtrommel“, M. Twain: „Tom Sawyer, Huckleberry Finn“