Häspen

Meene Häspe (Vespula vulgaris) bie'n Näästbau

Systematik

Klasse:	Insekten (Insecta)
Oardenge:	Häidjuuken-Insekten (Hymenoptera)
Unneroardenge:	Taillen-Häspen (Apocrita)
Uurfamilie:	Vespoidea
Familie:	Fooldenhäspen (Vespidae)
Unnerfamilie:	Äächte Häspen (Vespinae)

Do äächte Häspen (Vespinae) sunt een Unnerfamilie fon do Fooldenhäspen (Vespidae) un heere tou do Insekten. Fon do äächte Häspen rakt dät in Middeleuropa 61 Oarde, deerbie ju Düütske Häspe (Vespula germanica), ju Meene Häspe (Vespula vulgaris) un ju Doarne (Vespa crabro). Toumäts wäide uk do Fäildhäspen (Polistinae) deer bietou reekent.

Lieuwendswiese

Ju Neerenge fon Häspen gungt fon Blöitenstoaf un Nektar uur Fruchte un Plontensap bit tou Flask. Häspen baue een Pepier-Nääst, wierbie jo dät Pepier uut kaude Holt-Stukke. Deerbie unnerskat sik dät een bitje fon Oard tou Oard: Wäkke Häspen bruuke druuch Holt, wäkke nieme gjucht rotterch Holt. Wäkke hongje dät in een tjuusterch Sküül ap, wilst wäkke Häspenoarde dät Nääst ljauer eepen in'n Busk hongje. Juust so as Iemen bilgje do Häspen aan Stoat, wier masse Dierte strom organisierd touhoope lieuwje. Häspen häbe aan Stiekel (uk as "Ongel" beteekend). Die wäd bruukt, uum uur Insekten tou joagjen, man uk, uum sik juun Oungriepere tou ferdäägenjen. Wan een Häspe sik also betruuet fäilt - un besunners, wan ju Nood uum Nääst un Broud häd - stat ju uk Moanskene. Me skuul also nit tou ticht oun'n Nääst foarbiegunge, un wan een Häspe foarbie fljucht, skäl me bloot rauelk blieuwe, dan steete do normoalerwiese uk nit. Wan daach, is dät mäd n bitje Piene ferbuunen. Gefoarelk wäide kon dät bloot, wan me allergisk is of wan me't in'e Muule of in'n Strot oukriegen häd.