Mnemoteknika

Teknikë mnemonike për mbajtjen në mend të numrit të ditëve për çdo muaj të Kalendarit Gregorian.

Detaj i statujës së Giordano Brunos në Romë. Bruno ishte i famshëm për mnemoteknikat e tij, disa prej të cilave i përfshiu në traktatet e tij De umbris idearum dhe Ars Memoriae.

Mnemoteknika është një lloj pajisje e kujtesës, e që njëkohësisht paraqet edhe një teknikë mësimore të mbamendjes, ruajtjes së informacionit ose rikthimit (në mend) në kujtesë (memorie). Mnemoteknika përdor dekodimin elaborativ, sugjerimet e marrjes dhe imazhet si mjete specifike për të koduar dhe dekoduar çdo informacion të dhënë në një mënyrë që lejon ruajtjen dhe rikujtimin efikas. Mnemoteknika ndihmon informacionin origjinal për t'u lidhur me diçka më të arritshme ose më kuptimplot - e cila, nga ana tjetër, siguron mbajtjen ose ruajtjen më të mirë të informacionit.

Teknika "mnemonike" rrjedh nga fjala e greqishtes së lashtë μνημονικός ( mnēmonikos ), që do të thotë "e kujtesës, ose që ka të bëjë me kujtesën" dhe si e tillë ajo është e lidhur me figurën mitologjike të perëndeshës Mnemosina ("perëndesha e kujtesës"), në mitologjinë e lashtë greke. Të dyja këto fjalë rrjedhin nga μνήμη (mnēmē), "kujtesë". Mnemonika në antikitet konsiderohej më shpesh në kontekstin e asaj që sot njihet si arti i kujtesës .

Sistemet mnemonike janë teknika ose strategji të përdorura me vetëdije për të përmirësuar kujtesën. Ato ndihmojnë në përdorimin e informacionit të depozituar tashmë në memorje afatgjatë për ta bërë memorizimin një detyrë më të lehtë.

Shih edhe

• Mësimi
• Mnemosina
• Të mësuarit
• Kujtesa
• Assembly