Enkapsulimi (Programimi i orientuar ne objekte)

Në gjuhët programuese, enkapsulimi përdoret për t'iu referuar dy nocioneve të lidhura mes veti por te cilat dallojne nga njera tjera, dhe ndonjëherë kombinimit të tyre:

• Një mekanizëm i gjuhës i cili kufizon qasjen në disa komponente të objekteve.
• Nje konstrukt i gjuhës që mundëson mbledhjen e të dhenave dhe metodave që veprojnë mbi ato të dhëna.

Definicioni i dytë është motivuar nga fakti se në shumë gjuhë te orientuara në objekte fshehja e komponentëve nuk është automatike, kështu që fshehja e informatave është e definuar si nocion i ndarë nga ata të cilët e preferojnë definicionin e dytë.

Si mekanizëm për fshehjen e informatës

Nën këtë definicion, enkapsulim do të thotë që struktura e brendshme e objektit është e fshehur prej jasht definicionit te objektit. Vetëm metodat e objekteve munden direkt të shohin ose të manipulojnë në ato fusha. Disa gjuhë si Smalltalk dhe Ruby lejojnë hyrjen vetëm nëpërmjet metodave të objektit, por shumica (si C , C#, ose Java) i ofrojnë programerit një shkalle të kontrollit në lidhje se çfarë do të fshehet, zakonisht përmes shprehjeve sikur public ose private.

Më poshtë është një shembull në C# që tregon si të krijohet qasje në fushat e të dhënave të cilat mund të jenë të kufizuara përmes përdorimit të fjalës kyçe private:

class Program {
	public class Llogari {
		private decimal bilanciLlogarise = 500.00m;
 
		public decimal ShikoBilancin() {
			return bilanciLlogarise;
		}
	}
 
	static void Main() {
		Llogari llogaria = new Llogari();
		decimal bilanci = llogaria.ShikoBilancin();
 
		/* Nga metoda Main mund të shohim bilancin e llogarisë
		* përmes metodës publike "ShikoBilancin" në klasën "Llogari",
		* por nuk mund ta ndryshojmë vlerën e "bilanciLlogarise" */
	}
}

Definicioni i përgjithshëm

Në përgjithësi, enkapsulimi është një nga katër shtyllat e programimit të orientuar në objekte. Enkapsulimi kupton bashkimin e të dhënave me metoda të cilat veprojnë mbi to. Enkapsulimi përdoret për të fshehur strukturën e të dhënave brenda klasës, duke parandaluar palët e pa autorizuara të kenë qasje direkte në to.