Waterford
| Waterford Port Láirge |
|
|---|---|
 Waterford |
|
 |
 |
| Staatâ | Irland täsiväldi |
| Prooviins | Munster |
| Kreivikodde | Waterford kreivikodde |
| Äigistielâs | UTC |
| – kesiäigi | UTC 1 |
Waterford (iirikielân Port Láirge) lii kaavpug Munster provinsist Irland maadâriddoost. Tot lii ässeelovo mield Irland täsivääldi viđâdin stuárráámus kaavpug Dublin, Cork, Limerick já Galway maŋa. Ive 2022 Waterfordist assii 60 079 olmožid.[1]
Nommâ
[mute | mute käldee]Kaavpug tááláš eŋgâlâskielâlâš nommâ puátá tuođânálásávt puáris tárukielâlii noomâst Veðrafjǫrðr, mon merhâšume lii viehâ epivises. Tot sáttá merhâšiđ "savzâvuonâ" teikâ "pieggiis vuonâ".
Kaavpug iirikielâlâš nommâ lii Port Láirge. Ton jurgâlus anarâškielân lii "luákkáás riddo".
Historjá
[mute | mute käldee]Waterford lii Irland puoh puárásumos kaavpug.[2] Viikiŋgeh vuáđudii tom ive 914.[3] Waterford lâi viikiŋgij vääldi vyelni ive 1170 räi.[2]
Ekonomia
[mute | mute käldee]Waterford ekonomia vuáđđun lii ton haammân, mii lii ohtâ Irland pyeremuin. Meid kuálástem lii tehálâš iäláttâs Waterford kuávlust.[4] Kaavpug lii kuittâg šoddâm tobdosin iänááš Waterford-kristallijn, moh láá rahtum tobbeen 1700-lovo rääjist.[5]
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Waterford.
Käldeeh
[mute | mute käldee]- ↑ Population Density and Area Size data.cso.ie. Čujottum 1.10.2024. (eŋgâlâskielân)
- ↑ 2,0 2,1 Waterford www.britannica.com. Čujottum 30.9.2024. (eŋgâlâskielân)
- ↑ About Our City web.archive.org. 6.12.2010. Waterford City Council. Čujottum 30.9.2024. (eŋgâlâskielân)
- ↑ Tiainen, Jorma O. & Mäkelä, Pekka: Tietojätti. Jyväskylä: Gummerus, 1994. ISBN 951-20-4372-6.
- ↑ Ahonen, Markus: Rannikkokylien taikaa. Aamulehti, 31.7.2013, s. B21.