Sajos
| Sajos | |
|---|---|
 |
|
| Čujottâs | Menesjärventie 2a, 99870 Aanaar |
| Sajadâh | Aanaar |
| Koordinaateh | |
| Huksimpargo algâttum | 2010[1] |
| Huksimpargo vaalmâš | uđđâivemáánu 1. peeivi 2012[1] |
| Anonväldim | uđđâivemáánu 9. peeivi 2012[1] |
| Huksimkoloh | suulân 15 milj. eurod[2] |
| Vuávájeijee | HALO-arkkitehdit Oy |
| Urkkodeijee |
Keski-Suomen Betonirakenne Oy (vuáđudâs- já ruŋgourkkodeijee) Keski-Suomen Betonirakenne Oy (huksimurkkodeijee) |
| Kevttee | Sämitigge (válduláigulažžân), Säämi máttááttâskuávdáš, Anarâškielâ servi ry, Sämikirjerááju, Sämiarkkâdâh, Sámi Duodji ry, SámiSoster Rs já Čaiju |
| Julgâsijđomateriaal | muorâ, laasâ |
| Päikkisiijđoh | |
 |
|
Säämi kulttuurkuávdáš Sajos lii Anarist. Tot valmâštui kiävtun uđđâivemáánust 2012 já lekkâsij aalmugân vuossaargâ uđđâivemáánu 9. peeivi 2012.[3]
Sajosist tuáimih Sämitigge, Säämi máttááttâskuávdáš, Anarâškielâ servi ry, sämikirjerááju, Sämiarkkâdâh, Sámi Duodji ry já SámiSoster Rs. Sajosist lii meid kähviviäsu Čaiju.
Nommâ
[mute | mute käldee]Nommâ Sajos väljejui kišto peht já tom lii keksim Matti Morottaja. Tot lii anarâškielâ já uáivild orottuv tâi toorjâsaje.[3]
Arkkitehtuur
[mute | mute käldee]Saijoos arkkitehtuurkišto vuoitij oululâš HALO-arkkitehdit Oy, mii västidij meid táálu vistekáálvuin. Válduvuávájeijen tooimâi arkkiteht Janne Pihlajaniemi. Eres vuávájeijeeh lijjii arkkitehtuáppeeh Tuomas Niemelä, Milla Parkkali já arkkiteht Janne Laukka.[3]
Ráhtusvuávám rahtii Ramboll Finland Oy Jyväskylä já Oulu toimâttuvah.[3]
Rakânâs eromâš häämi lii finnim inspiraatio sämmilij anotiiŋgâin. Vuáđuhäämist puáhtá uáiniđ sämikappeer tâi veikkâba poccuu tyelji. Muorâ kevttim spejâlist sämikulttuur. Puoh kevttum muorâšlaajah kávnojeh aldakuávlust. Lättee lii beetoon já rakânâs ruŋgo lii meid beetoon.[3]
Pirâsustevlâšvuotâ
[mute | mute käldee]Sajos lieggân uđâsmuvvee energiain. Káidusliegâsvuotâ puátá lájádâsâst, mii kiävttá päikkieennâmlii puáldimamnâs, smááhuid.[3]
Kovegalleria
[mute | mute käldee]-
Sajos ive 2012 -
Kähviviäsu Čaiju Sajosist -
Sämikirjerááju Sajosist
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Sajos.
Käldeeh
[mute | mute käldee]- ↑ 1,0 1,1 1,2 Sajos / Historjá Sajos. Čujottum 7.9.2024.
- ↑ Uusi saamelaiskeskus avattiin Inarissa Rakennuslehti. 9.1.2012. Čujottum 7.9.2024. (suomâkielân)
- ↑ 3,0 3,1 3,2 3,3 3,4 3,5 Arkkitehtuur » www.sajos.fi. Čujottum 23.1.2023.