Puágui
| Puágui Tetrastes bonasia (Linnaeus, 1758) |
|
|---|---|
.jpg) |
|
| Tile | LC (eellimvuáimálâš) |
| Tile Suomâst | VU (hiäjulum)[1] |
 |
|
 |
|
Tieđâlâš luokittâllâm |
|
| Doomeen | Sellâvááimusliih Eucarya |
| Kodde | Elleekodde Animalia |
| Uáiviráiđu | Savosuonâsiih Chordata |
| Vyeliráiđu | Čielgitávtáliih Vertebrata |
| Luokka | Lodeh Aves |
| Lahko | Känilodeh Galliformes |
| Hiäimu | Puigâkäänih Phasanidae |
| Vyelihiäimu | Meccikäänih Tetraonidae |
| Suuhâ | Pogguuh Tetrastes |
| Šlaajâ | bonasia |
Puágui lii puigâkaanij hiäimun kullee meccikänilodde.
Stuárudâh já tobdomeerhah
[mute | mute käldee]Puágui lii uccâ, 34–39 cm kukkosâš meccikänilodde, mii tiäddá suulân 250–450 g. Tot lii ruškis-, ränis-, vielgis- já čapiskirjáá. Pogguu jienâ lii 4- tâi 5-staavvâlsâš njuurgâs.[2]
Lavdâm já eellimpiirâs
[mute | mute käldee]Puágui lii Euroop já Aasia boreaallii kuácceevyevdistiellâs lodde. Suomâst tot iälá masa ubâ enâmist, mut Säämist kuosâ ordârääji paajaabeln tot lii härvinâš.[3] Puágui lii päikkilodde, mii iälá muorriis vuovdijn, eromâšávt kuosâvuovdijn. Suomâ puáguinääli lii áárvu mield 400 000–500 000 paarrâd.[2]
Lasanem
[mute | mute käldee]Pogguu piervâl lii táválávt uccâ muorâ teikkâ miestuu vyelni. Niŋálâs mannee vyesimáánust 9–10 manneed já láálá taid 25–27 peivid. Uđâgááh kirdeškyetih jo neelji peeivi ahasâžžân.[2]
Raavâd
[mute | mute käldee]Puágui porá umolijd, uurbijd, versoid já muorjijd.[2]
Miäcástem
[mute | mute käldee]Pogguu miäcástem lii loválâš čohčuv ubâ Suomâst.[4]
Käldeeh
[mute | mute käldee]- ↑ Valkama, Jari: Puágui – Tetrastes bonasia Suomen Lajitietokeskus. 2019. Čujottum 30.3.2022. (suomâkielân)
- ↑ 2,0 2,1 2,2 2,3 Luontoportti.fi Čujottum 10.5.2021 (suomâkielân)
- ↑ Suomen lintuatlas Čujottum 10.5.2021 (suomâkielân)
- ↑ Suomen riistakeskus Čujottum 10.5.2021 (suomâkielân)