Fiskisjyelgčiävžui

Fiskisjyelgčiävžui; 'Tringa flavipes; (Gmelin, 1789)
Tile	LC (eellimvuáimálâš)
Tieđâlâš luokittâllâm
Doomeen	Sellâvááimusliih Eucarya
Kodde	Elleekodde Animalia
Uáiviráiđu	Savosuonâsiih Chordata
Vyeliráiđu	Čielgitávtáliih Vertebrata
Luokka	Lodeh Aves
Lahko	Riddolodeh Charadriiformes
Vyelilahko	Kalâččeijeeh Charadrii
Hiäimu	Miähástuvah Scolopacidae
Suuhâ	Čevžuuh Tringa
Šlaajâ	flavipes

Fiskisjyelgčiävžui (Tringa flavipes) lii kalâččeijee riddolodde, mii kulá čevžui suuhân. Tot lii harvii Suomâst, mut lii aiccum tassaažân kuittâg čiččii: ive 1978 Oulust, vyesimáánust 2006 Köyliöst, kesimáánust 2008 Lempääläst, vyesimáánust 2009 Kokkolast já Lempääläst, vyesimáánust 2017 Lohjast já vyesimáánust 2020 Porist.

Stuárudâh já tobdomeerhah

Fiskisjyelgčiävžui lii 23–25 cm kukke já tiäddá 67–94 g. Ton suájákejij koskâ lii 59–64 cm. Tast láá kuhes, fiskis jyelgih já ton tevkis, segis njune lii suullân siämmáá kukke ko ton uáivi-uv.

Lavdâm já pessim

Fiskisjyelgčiävžui lii Tave-Amerik boreaallii kuácceevyevdistiellâs lodde. Tobbeen tot pessee Alaskast Quebecân. Fiskisjyelgčiävžui tálvástâl Meksikoluovtâ riddoost já Maadâ-Amerikist. Jyehi ive motomeh kirdeh Euroopân, ovdâmerkkân suulân 5 fiskisjyelgčevžuu puátih Ovtâstum kunâgâskoodán ihásávt porgemáánust roovvâdmáánun.