Amoc
Amoc (Mikkâl Antti Morottaja ađai Kuobžâ-Saammâl Maati Mikkâl, š. juovlâmáánu 24. peeivi 1984, Aanaar, Suomâ) lii anarâš ráppájeijee. Nommâ Amoc puátá saanijn Aanar Master of Ceremony (Aanaar seremoniamiäštár). Amoc lii šoddâm tobdosin tast, et sun ráppáá anarâškielân. Sun keikkaastâl tyelli tälli pirrâ Säämi já motomin meid Maadâ-Suomâst.
Karrieer
[mute | mute käldee]Amoc vuossâmuš single Šaali almostui juovlâmáánu 13. peeivi 2006. Amoc vuossâmuš studioalbum Amok-kaččâm, mii siskeeld single Šaali, almostui kuovâmáánu 6. peeivi 2007. Skiäru pyevtittij Tuupa Records. Ive 2016 almostui uđđâ single Kiälláseh, mon ohtâvuođâst almostui meid muusikvideo. Siämmáá ive loopâst almostui Kuobârpoolvâ maŋa, mast lává kyessilávlon Sofia Jannok já Niillas Holmberg.
Diskografia
[mute | mute käldee]Taat lii Amoc diskografia:[1]
Studioalbumeh
[mute | mute käldee]- 2007 – Amok-kaččâm
Singleh
[mute | mute käldee]- 2006 – Šaali
- 2016 – Kiälláseh
- 2018 – Čuđeh oovtâst Niki Rasmusáin já Heidi Gauriloffáin
- 2020 – Horagállis oovtâst Ailu Vallein
- 2022 – Steehlaz kååvas oovtâst Ailu Vallein, Hildá Länsmanáin já Heidi Gauriloffáin
- 2024 – Šamána oovtâst Yungmiquin