Skuolfi
Skuolfi - lullisámegillii vaarhuge, jïjsenledtie, julevsámegillii guvggo, anárašgillii skyelfi, jievjâoppuv ja nuortalašgillii viõʹlǧǧeshõʹppi.
Skuolfi dahjege jievjaskuolfi (Bubo scandiacus, ovdal Nyctea scandiaca) lea skulffiide (Strigidae) gullevaš loddi. Dat gulai guhkká sohkii Nyctea ja lei dan soga áidna šládja, muhto ođđa genadutkamušain fuomašuvvui ahte jievjaskuolfi lea lidnuid (Bubo) lagaš fuolki ja dan dihte dat lea sirdojuvvon lidnuid sohkii.
