آمريڪا ڪئنيڊا آزاد واپار جو ٺاهه

يو ايس -ڪئنيڊا فري ٽريڊ اگريمينٽ (U.S- Canada Free Trade Agreement, UCFTA) يا آمريڪا- ڪئنيڊا آزاد واپار جو ٺاهه 4 آڪٽوبر 1988ع تي ٻنهي ملڪن وچ ۾ ٿيو هو. هن ٺاهه تي جنوري 1989ع ۾ عمل شروع ٿيو. هن تنظيم جو مقصد ٻنهي صحيون ڪندڙ ملڪن وچ ۾ واپار جي حوالي سان لاڳو مُختلف پابنديون ختم ڪرڻ، آزاد واپار لاءِ بهتر ماحول ڏيڻ، سيڙپ لاءِ آزاد ماحول ڏيڻ، ٺاهه تي عمل لاءِ بهتر سرشتو جوڙڻ ۽ وڌيڪ سهڪار لاءِ ماحول پيدا ڪري آزاد واپار جو سرشتو قائم ڪرڻ آهي.