Battagghia di Imera (480. a.C.)
| Battagghia di Imera (480. a.C.) parti dî guerri grecu-punichi | |||
|---|---|---|---|
| |||
| Lu cummattimentu di Imera ntî na rapprisintazzioni di èbbica rumantica. | |||
| Schieramenti | |||
| Cummannanti | |||
| |||
| Effittivi | |||
| |||
| Pèrditi | |||
| |||
La Battagghia di Imera, dû nomu di l'umònima culònia greca si svurgìu ntô 480 a.C. e vitti uppunuti Grechi e Cartagginisi. Secunnu Irodutu (Storî VII, 166) fu cummattutta ntô stissu jornu di la battagghia di Salamina. Pì Diudoru Siculu (XI, 24,1), ammeci, appi locu ntî lu stissu jornu di chidda dê Tirmòpili.
Ntî ssu stissu annu, apprufittannu di la nvasioni pirsiana ntâ Grecia, li Cartagginisi, cumannati di lu ginirali Amilcari, nvaderu la Sicilia cù nu granni asèrcitu di 300.000 òmini cumpunutu supratuttu di mircinari Lìbbici, Ibbèrici, Lìcuri, Corsi e Sardi. Li Grechi di li citati alliati (Girgenti e Sarausa) guidati di Giluni di Sarausa e Tiruni di Girgenti affruntaru li nvasuri a Imera, ntî la costa nort dâ Sicilia. L'asèrcitu cartagginisi vinni scunfiggiutu e li grechi arripurtaru na granni vittoria.
Doppu la vittoria, Giruni accuminza n'autra vota a dari la caccia a Amircari, nun arriniscennu a truvarilu. Pì quantu dici Erodutu, Amircari si jittau a mari e si desi focu picchì nun arrinisceva a attruvari nu prisaggiu favurevuli (omen) adduranti li sò assai sacrifici, e sapennu ca lu sò asèrcitu stavìa pì essiri scunfiggiutu. Lu sò corpu prubabbirmenti addivinni cinniri.
Pì tanti anni, doppu ddà battagghia, li Cartagginisi avissuru uffrutu sacrifici e allistutu beddi munumenti p'arricurdari Amircari, ntê culonî comu a Cartaggini.
Lijami isterni
[cancia | cancia la surgenti]
