Apirtura 1812

L'Apirtura 1812 e na òpira d'urchestra rializzata dû cumpusituri russu Piotr Ilich Tchaikovsky (1840-1893). La sò mota discrivi la vittoria dâ Russia ntê verri napuliònichi. Vinni sunata pâ prima vota ntâ cattidrali di Cristu lu Sarvaturi (Mosca) lu 20 di austu dû 1882.

L'òpira accumenza cu na miludìa riliggiusa dâ crèsia ortudossa russa, c'arricorda comu la dichiarazzioni di verra contra â Francia fu nutificata ô pòpulu pû menzu dâ missa nta tutta la Russia. Nu cànticu sullenni veni sunatu sùbbutu dû dissideriu di vittoria. Sti nutizzî e la riazzioni dû pòpulu vìnniru riflittati ntô rumanzu Verra e paci, di Lev Tolstòi (chi discrivi puru lu cummattimentu di Borudinu (lu 7 di sittèmmiru dû 1812, unni Napuliuni Bonaparti vinci contra li forzi russi e attacca Mosca).

Lu pezzu cuntìnua cu na marcia prisintata dî trummi, unni si sèntunu l'asèrciti 'n marcia. L'innu nazziunali francisi La Marsigghisa servi pi dinutari lu caràttiri francisi di l'asèrcitu mmasuri e la vittoria di Napuliuni supra li russi.

Nu tema folclorìsticu russu cummìmura na battagghia unni li muscuviti vinceru contra Napuliuni. La ritirata di Mosca (â fini d'uttùviru 1812) è rapprisintata cu nu diminuendo).

Lu focu dê cannuna annuncia l'avanzata dê russi nzinu a quasi la fruntera dû mpiru francisi.

A fini dû cunfrittu si sèntunu li campani e li bummi a festa pi la vittoria e la libbirazzioni dâ Russia di l'accupazzioni francisa. Si senti puru l'innu nazziunali russu Diu sarvassi lu zar, 'n contrappuntu finali di l'innu francisi chi s'avìa ntinnutu prima.