ᱵᱮᱱᱟᱜᱟᱹᱲᱤᱭᱟᱹ
ᱵᱮᱱᱟᱜᱟᱹᱲᱤᱭᱟᱹ ᱫᱚ ᱯᱚᱪᱷᱤᱢ ᱵᱟᱝᱞᱟ ᱨᱮᱭᱟᱜ ᱥᱤᱢᱟᱹ ᱥᱩᱨ ᱨᱮ ᱢᱮᱱᱟᱜ ᱵᱷᱟᱨᱚᱛ ᱨᱮᱭᱟᱜ ᱡᱷᱟᱨᱠᱷᱚᱸᱰ ᱨᱮᱭᱟᱜ ᱫᱩᱢᱠᱟᱹ ᱦᱚᱱᱚᱛ ᱨᱮ ᱢᱮᱱᱟᱜ ᱢᱤᱫ ᱟᱹᱛᱩ ᱠᱟᱱᱟ᱾ ᱱᱚᱣᱟ ᱴᱚᱴᱷᱟ ᱨᱮ ᱟᱥᱚᱠᱟᱭᱛᱮ ᱥᱟᱱᱛᱟᱞ ᱦᱚᱲ ᱠᱚ ᱵᱟᱥᱟ ᱢᱮᱱᱟᱜ ᱠᱚᱣᱟ᱾ ᱱᱚᱣᱟ ᱟᱹᱛᱩ ᱨᱮ ᱱᱚᱨᱣᱮᱡᱤᱭᱟᱱ ᱞᱟᱨᱚᱥ ᱳᱞᱥᱮᱱ ᱥᱠᱨᱮᱯᱥᱨᱩᱰ ᱫᱚ ᱰᱮᱱ ᱦᱟᱱᱥ ᱯᱤᱴᱟᱨ ᱵᱚᱨᱥᱮᱱ ᱥᱟᱶ ᱥᱟᱶᱛᱮ ᱥᱟᱱᱛᱟᱞ ᱢᱤᱥᱚᱱ ᱞᱟᱹᱜᱤᱫ ᱯᱟᱹᱦᱤᱞ ᱤᱵᱷᱮᱱᱡᱮᱞᱤᱠᱟᱞ ᱢᱤᱥᱚᱱ ᱪᱟᱨᱪ ᱠᱤᱱ ᱛᱷᱟᱯᱱᱟᱣ ᱞᱮᱫᱟ᱾
ᱵᱮᱱᱟᱜᱟᱹᱲᱤᱭᱟᱹ ᱨᱮ ᱢᱤᱥᱚᱱ ᱤᱥᱠᱩᱞ ᱥᱩᱨ ᱨᱮ, ᱢᱤᱫ ᱪᱟᱨᱪ ᱛᱮᱭᱟᱨ ᱞᱮᱱᱟ ᱡᱟᱦᱟᱸ ᱨᱮ ᱒,᱐᱐᱐ ᱠᱷᱚᱱ ᱦᱚᱸ ᱵᱟᱹᱲᱛᱤ ᱦᱚᱲ ᱠᱚ ᱛᱟᱦᱮᱸ ᱫᱟᱲᱮᱭᱟᱜᱼᱟ᱾ ᱵᱤᱞᱰᱤᱝ ᱟᱨᱠᱤᱴᱮᱠ ᱫᱚ ᱦᱟᱱᱥ ᱯᱤᱴᱟᱨ ᱵᱚᱨᱮᱥᱮᱱ ᱛᱟᱦᱮᱸ ᱠᱟᱱᱟᱭ᱾ ᱵᱮᱱᱟᱜᱟᱹᱲᱤᱭᱟᱹ ᱨᱮ ᱤᱵᱷᱮᱱᱡᱮᱞᱤᱠᱟᱞ ᱪᱟᱨᱪ ᱫᱚ ᱑᱙᱖᱗ ᱥᱟᱞᱮ ᱥᱟᱱᱛᱟᱞ ᱢᱤᱥᱚᱱ ᱨᱮᱭᱟᱜ ᱑᱐᱐ ᱥᱮᱨᱢᱟ ᱥᱟᱞᱟᱜ ᱥᱟᱯᱲᱟᱣ ᱠᱟᱱ ᱱᱚᱨᱣᱮᱡᱽ ᱯᱚᱥᱴ ᱥᱴᱟᱢᱯ ᱨᱮᱭᱟᱜ ᱥᱟᱛᱟᱢ ᱛᱟᱦᱮᱸᱠᱟᱱᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱮᱱᱟᱜᱟᱹᱲᱤᱭᱟᱹ ᱨᱮ ᱤᱵᱷᱮᱱᱡᱮᱞᱤᱠᱟᱞ ᱪᱟᱨᱪ[permanent dead link]
- 24°11′13.04″N 87°36′42.24″E / 24.1869556°N 87.6117333°E ᱤᱵᱷᱮᱱᱡᱮᱞᱤᱠᱟᱞ ᱨᱮᱭᱟᱜ ᱢᱟᱨᱮ ᱪᱟᱨᱪ ᱨᱮᱭᱟᱜ ᱴᱷᱟᱶ᱾ ᱱᱟᱣᱟ ᱪᱟᱨᱪ, ᱵᱚᱨᱮᱥᱮᱱ ᱦᱚᱛᱮᱛᱮ ᱰᱤᱡᱟᱭᱤᱱ ᱟᱠᱟᱱᱟ, ᱱᱚᱣᱟ ᱠᱷᱚᱱ ᱥᱟᱢᱟᱝ ᱥᱮᱫ ᱨᱮ ᱢᱮᱱᱟᱜᱼᱟ᱾