ᱵᱩᱨᱦᱟᱱᱯᱩᱨ ᱦᱚᱱᱚᱛ

ᱵᱩᱨᱦᱟᱱᱯᱩᱨ ᱦᱚᱱᱚᱛ
ᱵᱩᱨᱦᱟᱱᱯᱩᱨ ᱦᱚᱱᱚᱛ
ᱢᱚᱫᱷᱭᱚ ᱯᱨᱚᱫᱮᱥ ᱨᱮᱱᱟᱜ ᱦᱚᱱᱚᱛ
	ᱪᱮᱛᱟᱱ: ᱵᱩᱨᱦᱟᱱᱯᱩᱨ ᱨᱮ ᱥᱟᱦᱤ ᱠᱤᱞᱟ; ᱞᱟᱛᱟᱨ: ᱟᱥᱤᱨᱜᱚᱲ ᱠᱤᱞᱟ
	; ᱢᱚᱫᱷᱭᱚ ᱯᱨᱚᱫᱮᱥ ᱨᱮ ᱵᱩᱨᱦᱟᱱᱯᱩᱨ ᱦᱚᱱᱚᱛ ᱨᱮᱱᱟᱜ ᱴᱷᱟᱶ
ᱫᱤᱥᱚᱢ	ᱥᱤᱧᱚᱛ
ᱯᱚᱱᱚᱛ	ᱢᱚᱫᱷᱭᱚ ᱯᱨᱚᱫᱮᱥ
ᱦᱟᱹᱴᱤᱧ	ᱤᱱᱫᱳᱨ
ᱛᱷᱟᱯᱚᱱ	᱑᱕ ᱚᱜᱚᱥᱴ ᱒᱐᱐᱓
ᱦᱮᱰᱠᱩᱣᱟᱴᱚᱨ	ᱵᱩᱨᱦᱟᱱᱯᱩᱨ
ᱥᱚᱨᱠᱟᱨ
• ᱦᱚᱱᱚᱛ ᱠᱚᱞᱮᱠᱴᱚᱨ	ᱵᱷᱚᱵᱽᱭᱟ ᱢᱤᱛᱛᱟᱞ (ᱟᱭᱤ.ᱮ.ᱮᱥ.)
• ᱞᱳᱠ ᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ ᱠᱚ	ᱠᱷᱟᱸᱰᱣᱟ
• ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ ᱠᱚ	ᱱᱮᱯᱟᱱᱚᱜᱚᱨ (᱑᱗᱙) ; ᱵᱩᱨᱦᱟᱱᱯᱩᱨ (᱑᱘᱐)
ᱮᱨᱤᱭᱟ
• ᱜᱩᱴ	3427 ᱠᱤᱢᱤ২ (1323 ᱜᱟᱺᱴ ᱢᱟᱭᱤᱞ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(᱒᱐᱑᱑)
• ᱜᱩᱴ	᱗᱕᱗,᱘᱔᱗
• ᱰᱮᱱᱥᱤᱴᱤ	220/ᱠᱤᱢᱤ2 (570/ᱜᱟᱺᱴ ᱢᱟᱹᱭᱤᱞ)
ᱰᱮᱢᱚᱜᱨᱟᱯᱷᱤ
• ᱥᱤᱠᱷᱱᱟᱹᱛ	᱖᱕.᱒᱘%
• ᱡᱟᱱᱟᱝ ᱡᱟᱹᱱᱤ	᱙᱐᱐
	IST (ᱭᱩᱴᱤᱥᱤ ᱐᱕:᱓᱐)
ᱣᱮᱵᱽᱥᱟᱭᱤᱴ	burhanpur.nic.in

ᱵᱩᱨᱦᱟᱱᱯᱩᱨ ᱦᱚᱱᱚᱛ ᱫᱚ ᱛᱟᱞᱢᱟ ᱥᱤᱧᱚᱛ ᱨᱮ ᱢᱚᱫᱷᱭᱚ ᱯᱨᱚᱫᱮᱥ ᱯᱚᱱᱚᱛ ᱨᱮᱱᱟᱜ ᱢᱤᱫᱴᱟᱹᱝ ᱦᱚᱱᱚᱛ ᱠᱟᱱᱟ ᱾ ᱵᱩᱨᱦᱟᱱᱯᱩᱨ ᱥᱚᱦᱚᱨ ᱫᱚ ᱦᱚᱱᱚᱛ ᱦᱮᱰᱠᱩᱣᱟᱴᱚᱨ ᱠᱟᱱᱟ ᱾

ᱵᱩᱨᱦᱟᱱᱯᱩᱨ ᱦᱚᱱᱚᱛ ᱫᱚ ᱑᱕ ᱚᱜᱚᱥᱴ ᱒᱐᱐᱓ ᱥᱟᱞ ᱨᱮ ᱠᱷᱟᱸᱰᱣᱟ ᱦᱚᱱᱚᱛ ᱨᱮᱱᱟᱜ ᱮᱛᱚᱢ ᱥᱮᱫ ᱠᱷᱚᱱ ᱵᱮᱱᱟᱣ ᱞᱮᱱᱟ ᱛᱟᱦᱮᱸᱫ ᱾ ᱛᱟᱯᱛᱤ ᱜᱟᱰᱟ ᱫᱚ ᱥᱟᱢᱟᱝ ᱠᱷᱚᱱ ᱯᱟᱪᱮ ᱥᱮᱫ ᱛᱮ ᱦᱤᱡᱩᱜᱼᱟ ᱾ ᱱᱚᱶᱟ ᱦᱚᱱᱚᱛ ᱠᱚᱧᱮ ᱨᱮ ᱠᱷᱟᱸᱰᱣᱟ ᱦᱚᱱᱚᱛ ᱠᱷᱚᱱ ᱥᱚᱛᱯᱩᱲᱟ ᱨᱮᱸᱡᱽ ᱛᱮ ᱦᱟᱹᱴᱤᱧ ᱟᱠᱟᱱᱟ, ᱡᱟᱦᱟᱸ ᱫᱚ ᱱᱚᱨᱢᱚᱫᱟ ᱜᱟᱰᱟ ᱜᱷᱟᱹᱴᱤ ᱟᱨ ᱛᱟᱯᱛᱤ ᱜᱷᱟᱹᱴᱤ ᱛᱟᱞᱟ ᱨᱮᱦᱚᱸ ᱦᱟᱹᱴᱤᱧ ᱠᱟᱱᱟ ᱾ ᱥᱚᱛᱯᱩᱲᱟ ᱞᱮᱠᱟᱛᱮ ᱥᱮᱱᱚᱜᱟᱜ ᱡᱟᱦᱟᱸ ᱫᱚ ᱵᱩᱨᱦᱟᱱᱯᱩᱨ ᱟᱨ ᱠᱷᱟᱸᱰᱣᱟ ᱡᱚᱲᱟᱣᱟ, ᱱᱚᱣᱟ ᱫᱚ ᱠᱚᱧᱮ ᱟᱨ ᱮᱛᱚᱢ ᱥᱤᱧᱚᱛ ᱡᱚᱲᱟᱣᱟᱜ ᱢᱤᱫ ᱢᱩᱬ ᱰᱟᱦᱟᱨ ᱠᱟᱱᱟ, ᱟᱨ ᱟᱥᱤᱨᱜᱚᱲ ᱠᱤᱞᱟ, ᱡᱟᱦᱟᱸ ᱫᱚ ᱱᱚᱣᱟ ᱰᱟᱦᱟᱨ ᱨᱮᱱᱟᱜ ᱫᱟᱵᱚᱱ ᱮᱫᱼᱟ, ᱱᱚᱣᱟ ᱫᱚ "ᱫᱚᱠᱠᱠᱚᱱ ᱨᱮᱱᱟᱜ ᱠᱟᱹᱴᱷᱤ" ᱞᱮᱠᱟᱛᱮ ᱵᱟᱰᱟᱭᱚᱜᱼᱟ ᱾

ᱱᱚᱶᱟ ᱦᱚᱱᱚᱛ ᱫᱚ ᱵᱟᱨᱭᱟ ᱩᱛᱷᱱᱟᱹᱣ ᱵᱚᱱᱚᱛ, ᱵᱩᱨᱦᱟᱱᱯᱩᱨ ᱟᱨ ᱠᱷᱚᱠᱱᱟᱨ, ᱟᱨ ᱯᱮᱭᱟ ᱛᱚᱦᱥᱤᱞ, ᱱᱮᱯᱟᱱᱚᱜᱚᱨ, ᱵᱩᱨᱦᱟᱱᱯᱩᱨ ᱟᱨ ᱠᱷᱚᱠᱱᱟᱨ ᱨᱮ ᱦᱟᱹᱴᱤᱧ ᱟᱠᱟᱱᱟ ᱾ ᱵᱩᱨᱦᱟᱱᱯᱩᱨ ᱦᱚᱱᱚᱛ ᱫᱚ ᱤᱱᱫᱳᱨ ᱠᱷᱚᱸᱰ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱠᱟᱱᱟ ᱾

ᱵᱩᱨᱦᱟᱱᱯᱩᱨ ᱫᱚ ᱫᱟᱣᱫᱤ ᱵᱳᱦᱨᱟ ᱥᱟᱶᱛᱟ ᱨᱤᱱ ᱦᱚᱲ ᱠᱚᱣᱟᱜ ᱢᱤᱫᱴᱟᱹᱝ ᱢᱩᱬ ᱴᱷᱟᱶ ᱠᱟᱱᱟ, ᱪᱮᱫᱟᱜ ᱥᱮ ᱵᱩᱨᱦᱟᱱᱯᱩᱨ ᱨᱮᱫᱚ ᱥᱟᱶᱛᱟ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱟᱨ ᱥᱚᱨᱮᱥ ᱫᱚᱨᱜᱟᱦ (ᱫᱚᱨᱜᱟᱦ-ᱮ-ᱦᱟᱠᱤᱢᱤ) ᱢᱮᱱᱟᱜᱼᱟ ᱾

ᱢᱟᱨᱮ ᱵᱩᱨᱦᱟᱱᱯᱩᱨ ᱥᱚᱦᱚᱨ ᱫᱚ ᱜᱚᱴᱟ ᱥᱮᱫ ᱛᱮ ᱜᱷᱮᱨᱟᱣ ᱟᱠᱟᱱᱟ, ᱡᱟᱦᱟᱸ ᱫᱚ ᱱᱚᱶᱟ ᱫᱚ ᱢᱤᱫᱴᱟᱹᱝ ᱠᱤᱞᱟ ᱞᱮᱠᱟ ᱜᱮ ᱧᱮᱞᱚᱜᱼᱟ ᱾

ᱚᱛᱱᱚᱜ

ᱵᱩᱨᱦᱟᱱᱯᱩᱨ ᱦᱚᱱᱚᱛ ᱨᱮᱱᱟᱜ ᱥᱤᱢᱟᱹ ᱫᱚ ᱮᱛᱚᱢ ᱟᱨ ᱮᱛᱚᱢ-ᱥᱟᱢᱟᱝ ᱨᱮ ᱢᱚᱦᱟᱨᱟᱥᱴᱨᱚ ᱯᱚᱱᱚᱛ ᱛᱮ ᱮᱥᱮᱫ ᱟᱠᱟᱱᱟ, ᱠᱚᱧᱮ ᱨᱮ ᱠᱷᱟᱸᱰᱣᱟ ᱦᱚᱱᱚᱛ ᱟᱨ ᱯᱟᱪᱮ ᱨᱮ ᱠᱷᱟᱨᱜᱚᱱ ᱦᱚᱱᱚᱛ ᱢᱮᱱᱟᱜᱼᱟ ᱾ ᱛᱟᱯᱛᱤ ᱜᱟᱰᱟ ᱫᱚ ᱱᱚᱣᱟ ᱦᱚᱱᱚᱛ ᱛᱟᱞᱟ ᱛᱮ ᱵᱚᱦᱮᱞ ᱟᱠᱟᱱᱟ ᱾ ᱱᱮᱯᱟᱱᱚᱜᱚᱨ, ᱥᱟᱦᱯᱩᱨ ᱟᱨ ᱤᱪᱷᱟᱯᱩᱨ ᱦᱚᱱᱚᱛ ᱨᱮᱱᱟᱜ ᱮᱴᱟᱜ ᱢᱩᱬ ᱥᱚᱦᱚᱨ ᱠᱟᱱᱟ ᱾

ᱦᱚᱲ ᱮᱞ

ᱦᱚᱲ ᱮᱞᱥᱚᱝ ᱱᱟᱜᱟᱢ
ᱥᱮᱨᱢᱟ	ᱦᱚᱲ.	±% ᱥᱮ.ᱯᱤ.
᱑᱙᱐᱑	᱑᱐᱖,᱙᱘᱕	—
᱑᱙᱑᱑	᱑᱒᱗,᱖᱙᱖	1.79%
᱑᱙᱒᱑	᱑᱒᱙,᱕᱑᱑	0.14%
᱑᱙᱓᱑	᱑᱕᱒,᱖᱐᱙	1.65%
᱑᱙᱔᱑	᱑᱖᱗,᱗᱓᱖	0.95%
᱑᱙᱕᱑	᱑᱗᱖,᱕᱘᱐	0.52%
᱑᱙᱖᱑	᱒᱓᱘,᱒᱔᱔	3.04%
᱑᱙᱗᱑	᱓᱑᱑,᱑᱘᱘	2.71%
᱑᱙᱘᱑	᱔᱒᱓,᱗᱙᱙	3.14%
᱑᱙᱙᱑	᱕᱓᱓,᱐᱖᱖	2.32%
᱒᱐᱐᱑	᱖᱓᱔,᱘᱘᱓	1.76%
᱒᱐᱑᱑	᱗᱕᱗,᱘᱔᱗	1.79%
source:^[᱑]

᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ ᱵᱩᱨᱦᱟᱱᱯᱩᱨ ᱦᱚᱱᱚᱛ ᱨᱤᱱ ᱦᱚᱲ ᱮᱞ ᱫᱚ ᱗᱕᱗,᱘᱔᱗ ᱦᱚᱲ ᱢᱮᱱᱟᱜ ᱠᱚᱣᱟ,^[᱒] ᱡᱤᱵᱩᱛᱤ ᱫᱤᱥᱚᱢ^[᱓] ᱟᱨᱵᱟᱝ ᱟᱢᱮᱨᱤᱠᱟ ᱨᱮᱱᱟᱜ ᱟᱞᱟᱥᱠᱟ ᱥᱟᱞᱟᱜ ᱥᱚᱢᱟᱱ ᱜᱮᱭᱟ ᱾^[᱔] ᱱᱚᱣᱟ ᱥᱤᱧᱚᱛ ᱨᱮ ᱔᱙᱐ ᱟᱱᱟᱜ (ᱜᱩᱴ ᱖᱔᱐ ᱠᱷᱚᱱ ᱫᱚ) ᱨᱮᱸᱠᱤᱝ ᱨᱮ ᱢᱮᱱᱟᱜᱼᱟ ᱾^[᱒] ᱦᱚᱱᱚᱛ ᱨᱮᱱᱟᱜ ᱦᱚᱲ ᱮᱞ ᱰᱮᱱᱥᱤᱴᱤ ᱫᱚ ᱒᱒᱑ ᱦᱚᱲ ᱜᱚᱴᱟ ᱜᱟᱺᱴ ᱠᱤᱞᱚᱢᱤᱴᱚᱨ (᱕᱗᱐ ᱜᱟᱺᱴ ᱢᱟᱭᱤᱞ) ᱢᱮᱱᱟᱜ ᱠᱚᱣᱟ ᱾^[᱒] ᱒᱐᱐᱑ᱼ᱒᱐᱑᱑ ᱨᱮᱱᱟᱜ ᱜᱮᱞ ᱥᱮᱨᱢᱟ ᱨᱮ ᱱᱚᱣᱟ ᱦᱚᱲ ᱮᱞ ᱜᱨᱚᱛᱷ ᱫᱚᱨ ᱫᱚ ᱑᱙.᱒᱓% ᱛᱟᱦᱮᱸ ᱠᱟᱱᱟ ᱾^[᱒] ᱵᱩᱨᱦᱟᱱᱯᱩᱨ ᱨᱮ ᱜᱚᱴᱟ ᱑᱐᱐᱐ ᱠᱚᱲᱟ ᱨᱮ ᱙᱐᱐ ᱛᱤᱨᱞᱟᱹ ᱭᱟᱜ ᱡᱟᱱᱟᱝ ᱡᱟᱹᱱᱤ ᱢᱮᱱᱟᱜᱼᱟ,^[᱒] ᱟᱨ ᱥᱮᱪᱮᱫ ᱫᱚᱨ ᱫᱚ ᱖᱕.᱒᱘% ᱢᱮᱱᱟᱜᱼᱟ ᱾^[᱒] ᱓᱔.᱓᱕% ᱦᱚᱲ ᱮᱞ ᱥᱚᱦᱚᱨᱤ ᱴᱚᱴᱷᱟ ᱨᱮ ᱠᱚ ᱛᱟᱦᱮᱸᱱᱟ ᱾ ᱥᱤᱰᱭᱩᱞ ᱡᱟᱹᱛᱤ ᱫᱚ ᱘.᱔᱘% ᱟᱨ ᱟᱹᱫᱤᱵᱟᱹᱥᱤ ᱫᱚ ᱓᱐.᱓᱖% ᱢᱮᱱᱟᱜ ᱠᱚᱣᱟ ᱾^[᱒]

ᱵᱩᱨᱦᱟᱱᱯᱩᱨ ᱦᱚᱱᱚᱛ ᱨᱮ ᱫᱷᱚᱨᱚᱢ ᱠᱚ (᱒᱐᱑᱑)^[᱕]
ᱫᱷᱚᱨᱚᱢ			ᱥᱟᱭᱠᱚᱲᱟ
ᱦᱤᱱᱫᱩ			72.91%
ᱤᱥᱞᱟᱢ			23.86%
ᱵᱩᱫᱫᱷᱚ			2.62%
ᱮᱴᱟᱜ ᱟᱨᱵᱟᱝ ᱵᱟᱭ ᱞᱟᱹᱭ ᱟᱠᱟᱱ			0.61%

ᱵᱩᱨᱦᱟᱱᱯᱩᱨ ᱦᱚᱱᱚᱛ ᱨᱮᱱᱟᱜ ᱯᱟᱹᱨᱥᱤ ᱠᱚ (᱒᱐᱑᱑)

ᱢᱟᱨᱟᱴᱷᱤ (26.97%)

ᱦᱤᱱᱫᱤ (17.18%)

ᱩᱨᱫᱩ (16.52%)

ᱠᱳᱨᱠᱩ (10.42%)

ᱵᱟᱨᱮᱞᱤ (6.23%)

ᱵᱷᱤᱞᱟᱞᱤ (5.33%)

ᱵᱚᱸᱡᱟᱨᱤ (3.78%)

ᱵᱷᱤᱞᱤ (2.81%)

ᱜᱩᱡᱽᱨᱟᱛᱤ (2.54%)

ᱱᱤᱢᱟᱲᱤ (2.24%)

ᱮᱴᱟᱜ ᱠᱚᱣᱟᱜ (5.98%)

ᱥᱤᱧᱚᱛ ᱨᱮᱱᱟᱜ ᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱚᱠᱛᱚ ᱨᱮ, ᱦᱚᱱᱚᱛ ᱨᱮᱱᱟᱜ ᱒᱖.᱙᱗% ᱦᱚᱲ ᱫᱚ ᱢᱨᱟᱴᱷᱤ, ᱑᱗.᱑᱘% ᱫᱚ ᱦᱤᱱᱫᱤ, ᱑᱖.᱕᱒% ᱫᱚ ᱩᱨᱫᱩ, ᱑᱐.᱔᱒% ᱫᱚ ᱠᱳᱨᱠᱩ, ᱖.᱒᱓% ᱫᱚ ᱵᱟᱨᱮᱞᱤ, ᱕.᱓᱓% ᱫᱚ ᱵᱷᱤᱞᱟᱞᱤ, ᱓.᱗᱘% ᱫᱚ ᱵᱚᱸᱡᱟᱨᱤ, ᱒.᱘᱑% ᱫᱚ ᱵᱷᱤᱞᱤ, ᱒.᱕᱔% ᱫᱚ ᱜᱩᱡᱽᱨᱟᱴᱤ ᱟᱨ ᱒.᱒᱔% ᱱᱤᱢᱟᱲᱤ ᱫᱚ ᱟᱡᱟᱜ ᱢᱟᱲᱟᱝ ᱯᱟᱹᱨᱥᱤ ᱞᱮᱠᱟᱛᱮ ᱨᱚᱲᱼᱟ ᱾^[᱖]