ᱦᱩᱜᱽᱞᱤ ᱜᱟᱰᱟ
| ᱦᱩᱜᱽᱞᱤ ᱜᱟᱰᱟ ᱵᱷᱟᱜᱤᱨᱚᱛᱷᱤ-ᱦᱩᱜᱽᱞᱩ | |
|---|---|
 ᱦᱟᱵᱽᱲᱟ ᱦᱚᱱᱚᱛ ᱨᱮᱱᱟᱜ ᱵᱟᱞᱤ ᱥᱟᱦᱟᱨ ᱠᱷᱚᱱ ᱦᱩᱜᱽᱞᱤ ᱜᱟᱰᱟ ᱧᱮᱞ | |
 ᱦᱩᱜᱽᱞᱤ ᱜᱟᱰᱟ ᱨᱮᱱᱟᱜ ᱱᱚᱠᱥᱟ | |
| ᱫᱤᱥᱚᱢ | ᱥᱤᱧᱚᱛ |
| ᱯᱚᱱᱚᱛ | ᱯᱚᱪᱷᱤᱢ ᱵᱟᱸᱜᱽᱞᱟ |
| Physical characteristics | |
| ᱡᱤᱞᱤᱧ | ᱒᱖᱐ ᱠᱤᱞᱳᱢᱤᱴᱟᱨ units? |
| Depth |
|
| Basin features | |
| ᱯᱚᱞ | ᱵᱤᱫᱫᱟᱥᱟᱜᱚᱨ ᱦᱟᱠᱳ (ᱫᱚᱥᱟᱨ ᱦᱩᱜᱽᱞᱤ ᱥᱟᱠᱳ) ᱨᱚᱵᱤᱱᱫᱽᱨ ᱥᱮᱛᱩ (ᱦᱟᱵᱽᱲᱟ ᱵᱨᱤᱡ) ᱱᱤᱵᱷᱮᱫᱤᱛᱟ ᱥᱮᱛᱩ ᱵᱤᱵᱮᱠᱟᱱᱚᱱᱫ ᱥᱮᱛᱩ (ᱵᱟᱞᱤ ᱥᱟᱠᱳ) ᱥᱚᱢᱯᱨᱤᱛᱤ ᱥᱟᱠᱳ ᱡᱩᱵᱤᱞᱤ ᱥᱟᱠᱳ ᱤᱥᱥᱚᱨ ᱜᱩᱯᱛᱟ ᱥᱮᱛᱩ ᱜᱳᱣᱨᱚᱝᱜᱚ ᱥᱮᱛᱩ ᱨᱟᱢᱮᱫᱽᱨᱚ ᱥᱩᱱᱫᱚᱨ ᱛᱨᱤᱵᱮᱥᱤ ᱥᱮᱛᱩ ᱡᱚᱝᱜᱤᱯᱩᱨ ᱵᱷᱟᱜᱤᱨᱚᱛᱷᱤ ᱥᱟᱠᱳ |
ᱦᱩᱜᱽᱞᱤ ᱜᱟᱰᱟ ᱥᱮ ᱵᱷᱟᱜᱤᱨᱚᱛᱷᱤ-ᱦᱩᱜᱽᱞᱤ ᱜᱟᱰᱟ ᱯᱚᱪᱷᱤᱢ ᱵᱟᱸᱜᱽᱞᱟ ᱪᱮᱛᱟᱱ ᱛᱮ ᱟᱛᱳ ᱪᱟᱞᱟᱣ ᱟᱠᱟᱱᱟ ᱜᱟᱝᱱᱟᱹᱭ ᱨᱮᱱᱟᱜ ᱢᱤᱫ ᱥᱟᱵᱟ ᱱᱟᱹᱭ ᱠᱟᱱᱟ᱾[᱑] ᱱᱚᱣᱟ ᱜᱟᱰᱟ ᱒᱖᱐ ᱠᱤᱞᱳᱢᱤᱴᱟᱨ ᱡᱤᱞᱤᱝᱟ᱾ ᱢᱩᱨᱥᱤᱫᱟᱵᱟᱫᱽ ᱦᱚᱱᱚᱛ ᱨᱮᱱᱟᱜ ᱫᱷᱩᱞᱤᱭᱟᱱ ᱥᱟᱦᱟᱨ ᱥᱩᱨ ᱨᱮ ᱜᱟᱝᱱᱟᱹᱭ ᱯᱚᱫᱫᱟ ᱟᱨ ᱦᱩᱜᱽᱞᱤ ᱜᱟᱰᱟ ᱨᱮ ᱦᱟᱹᱴᱤᱝ ᱟᱠᱟᱱᱟ᱾ ᱱᱮᱛᱟᱨ ᱫᱚ ᱱᱚᱰᱮ ᱯᱟᱨᱟᱠᱠᱟ ᱵᱟᱱᱫᱽ ᱵᱮᱱᱟᱣ ᱦᱩᱭ ᱟᱠᱟᱱᱟ᱾ ᱯᱚᱫᱫᱟ ᱜᱟᱰᱟ ᱫᱚ ᱥᱟᱢᱟᱝ ᱱᱟᱠᱷᱟ ᱵᱟᱝᱞᱟᱫᱮᱥ ᱥᱮᱫ ᱟᱛᱳ ᱥᱮᱱ ᱟᱠᱟᱱᱟ ᱟᱨ ᱦᱩᱜᱽᱞᱤ ᱜᱟᱰᱟ ᱠᱚᱧᱮ ᱥᱮᱫ ᱯᱚᱪᱷᱤᱢ ᱵᱟᱸᱜᱽᱞᱟ ᱯᱚᱱᱚᱛ ᱪᱮᱛᱟᱱ ᱛᱮ ᱟᱛᱳ ᱪᱟᱞᱟᱣ ᱠᱟᱛᱮᱡ ᱵᱮᱸᱜᱚᱞ ᱫᱚᱨᱭᱟ ᱨᱮ ᱢᱮᱥᱟ ᱟᱠᱟᱱᱟ᱾ ᱦᱩᱜᱽᱞᱤ ᱜᱟᱰᱟ ᱨᱮᱭᱟᱜ ᱪᱮᱛᱟᱱ ᱯᱟᱦᱟᱴᱟ ᱫᱚ ᱵᱷᱟᱜᱤᱨᱚᱛᱷᱤ ᱟᱨ ᱞᱟᱛᱟᱨ ᱯᱟᱦᱟᱴᱟ ᱫᱚ ᱦᱩᱜᱽᱞᱤ ᱠᱚ ᱢᱮᱛᱟᱜ-ᱟ᱾
ᱟᱹᱲᱟᱹ ᱥᱤᱨᱡᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱷᱟᱜᱤᱨᱚᱛᱷᱤ ᱧᱩᱛᱩᱢ ᱫᱚ ᱟᱹᱰᱤ ᱥᱮᱫᱟᱭ ᱜᱮᱭᱟ᱾ ᱦᱟᱯᱨᱟᱢ ᱠᱚᱣᱟᱜ ᱠᱟᱛᱷᱟ ᱞᱮᱠᱟᱛᱮ ᱨᱟᱡᱟ ᱵᱷᱟᱜᱤᱨᱚᱛᱷᱤᱭᱟᱜ ᱧᱩᱛᱩᱢ ᱛᱮ ᱱᱚᱣᱟ ᱜᱟᱰᱟ ᱵᱷᱟᱜᱤᱨᱚᱛᱷᱤ ᱠᱚ ᱢᱮᱛᱟᱜ-ᱟ᱾
ᱱᱟᱜᱟᱢ ᱟᱨ ᱦᱟᱶᱦᱮᱫ ᱨᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱞᱤᱝᱜᱤ ᱦᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱜᱟᱝᱱᱟᱹᱭ ᱦᱮᱢᱟᱞ ᱵᱩᱨᱩ ᱠᱷᱚᱱ ᱞᱤᱝᱜᱤ ᱦᱮᱡ ᱠᱟᱛᱮᱡ ᱨᱟᱡᱢᱚᱦᱚᱞ ᱵᱩᱨᱩ ᱯᱟᱨᱚᱢ ᱢᱩᱨᱥᱤᱫᱟᱵᱟᱫᱽ ᱦᱚᱱᱚᱛ ᱨᱮᱱᱟᱜ ᱡᱚᱝᱜᱤᱯᱩᱨ ᱥᱟᱵᱰᱤᱵᱷᱤᱥᱟᱱ ᱴᱷᱮᱡ ᱯᱚᱪᱷᱤᱢ ᱵᱟᱸᱜᱽᱞᱟ ᱨᱮᱭᱟᱜ ᱥᱟᱹᱢᱩᱝ ᱚᱱᱪᱚᱞ ᱨᱮ ᱵᱚᱞᱚᱣᱠᱟᱱᱟ᱾ ᱚᱱᱟ ᱛᱟᱭᱚᱢ ᱫᱷᱩᱞᱤᱭᱟᱱ ᱥᱟᱦᱟᱨ ᱥᱩᱨ ᱵᱷᱟᱜᱤᱨᱚᱛᱷᱤ ᱟᱨ ᱯᱚᱫᱫᱟ ᱧᱩᱛᱩᱢ ᱛᱮ ᱵᱟᱨᱴᱷᱮᱱ ᱦᱟᱹᱴᱤᱝ ᱟᱠᱟᱱᱟ᱾ ᱦᱩᱜᱽᱞᱤ ᱜᱟᱰᱟ ᱨᱮᱭᱟᱜ ᱡᱟᱹᱥᱛᱤ ᱫᱟᱜ ᱜᱮ ᱯᱷᱟᱨᱟᱠᱠᱟ ᱵᱮᱨᱮᱡ ᱦᱚᱛᱮᱛᱮ ᱦᱤᱡᱩᱜ-ᱟ᱾ ᱯᱷᱟᱨᱟᱠᱠᱟ ᱵᱮᱨᱮᱡ ᱰᱮᱢ ᱠᱷᱚᱱ ᱜᱟᱝᱱᱟᱹᱭ ᱨᱮᱭᱟᱜ ᱫᱟᱜ ᱯᱟᱨᱟᱠᱠᱟ ᱠᱮᱱᱮᱞ ᱛᱮ ᱦᱩᱜᱽᱞᱤ ᱜᱟᱰᱟ ᱨᱮ ᱦᱤᱡᱩᱜ-ᱟ᱾ ᱦᱩᱜᱽᱞᱤ ᱜᱟᱰᱟ ᱨᱮᱭᱟᱜ ᱞᱤᱝᱜᱤ ᱦᱚᱨ ᱫᱷᱩᱞᱤᱭᱟᱱ ᱠᱷᱚᱱ ᱠᱚᱧᱮ ᱥᱮᱫ ᱢᱩᱨᱥᱤᱫᱟᱵᱟᱫᱽ, ᱵᱚᱦᱚᱨᱚᱢᱯᱩᱨ ᱥᱮᱫ ᱛᱮ ᱵᱚᱨᱫᱷᱚᱢᱟᱱ ᱦᱚᱱᱚᱛ ᱟᱨ ᱱᱚᱫᱤᱭᱟ ᱦᱚᱱᱚᱛ ᱨᱮᱱᱟᱜ ᱥᱤᱢᱟᱹᱱᱟ (ᱵᱚᱰᱟᱨ) ᱞᱮᱠᱟᱛᱮ ᱱᱚᱵᱚᱫᱫᱤ ᱦᱟᱹᱵᱤᱫ ᱱᱚᱣᱟ ᱵᱷᱟᱜᱤᱨᱚᱛᱷᱤ ᱧᱩᱛᱩᱢ ᱛᱮ ᱟᱨ ᱱᱚᱵᱚᱫᱫᱤ ᱠᱷᱚᱱ ᱟᱨᱦᱚ ᱠᱚᱧᱮ ᱥᱮᱫ ᱦᱩᱜᱽᱞᱤ ᱧᱩᱛᱩᱢ ᱛᱮ ᱦᱩᱜᱽᱞᱤ ᱦᱚᱱᱚᱛ, ᱠᱚᱧᱮ ᱒᱔ ᱯᱟᱨᱜᱟᱱᱟ ᱦᱚᱱᱚᱛ ᱦᱚᱛᱮᱛᱮ ᱪᱩᱪᱩᱲᱟ, ᱥᱨᱤᱨᱟᱢᱯᱩᱨ ᱥᱟᱦᱟᱨ ᱟᱨᱮ ᱛᱮ ᱞᱤᱝᱜᱤ ᱯᱟᱨᱚᱢ ᱟᱠᱟᱱᱟ᱾ ᱚᱱᱟ ᱛᱟᱭᱚᱢ ᱠᱚᱞᱠᱟᱛᱟ ᱦᱟᱵᱽᱲᱟ ᱥᱟᱦᱟᱨ ᱛᱟᱞᱟ ᱛᱮ ᱱᱚᱣᱟ ᱥᱟᱜᱚᱨᱫᱤᱯ ᱴᱷᱮᱱ ᱓᱒ ᱠᱤᱞᱳᱢᱤᱴᱟᱨ ᱚᱥᱟᱨ ᱛᱮ ᱵᱮᱸᱜᱚᱞ ᱫᱚᱨᱭᱟ ᱨᱮ ᱢᱮᱥᱟᱞ ᱟᱠᱟᱱᱟ᱾
ᱠᱟᱹᱣᱰᱤᱟᱹᱨᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱷᱟᱨᱚᱛᱤᱭᱚ-ᱦᱩᱜᱽᱞᱤ ᱜᱟᱰᱟ ᱯᱚᱪᱷᱤᱢ ᱵᱟᱸᱜᱽᱞᱟ ᱨᱮᱱ ᱦᱚᱲ ᱴᱷᱮᱱ ᱞᱟᱭᱤᱯ ᱞᱟᱭᱤᱱ ᱞᱮᱠᱟᱭ ᱠᱟᱹᱢᱩᱭᱟ᱾ ᱱᱚᱣᱟ ᱫᱟᱜ ᱰᱟᱦᱟᱨ ᱛᱮᱜᱮ ᱤᱥᱴ ᱤᱱᱰᱤᱭᱟ ᱠᱚᱢᱯᱟᱱᱤ ᱵᱮᱸᱜᱚᱞ ᱥᱟᱶ ᱥᱤᱧᱚᱛ ᱨᱮ ᱠᱚ ᱵᱮᱯᱟᱨ ᱵᱟᱱᱤᱡᱽ ᱮᱫ ᱛᱟᱦᱮᱱ ᱠᱚᱞᱠᱟᱛᱟ ᱥᱟᱦᱟᱨ ᱩᱱᱚᱠᱛᱚ ᱥᱤᱧᱚᱛ ᱨᱮᱭᱟᱜ ᱨᱟᱡᱽᱜᱟᱲ ᱞᱮᱠᱟ ᱛᱮ ᱠᱚ ᱵᱮᱱᱟᱣ ᱨᱟᱠᱟᱯ ᱞᱮᱫᱟ᱾ ᱯᱷᱨᱮᱸᱪ, ᱰᱟᱪ, ᱯᱚᱨᱛᱩᱜᱤᱡᱽ ᱮᱢᱟᱱ ᱵᱟᱨᱦᱮ ᱫᱤᱥᱚᱢ ᱨᱮᱱ ᱵᱮᱯᱟᱨᱤ ᱱᱚᱣᱟ ᱜᱟᱰᱟ ᱟᱨᱮ ᱨᱮ ᱜᱮ ᱵᱮᱯᱟᱨ ᱴᱷᱟᱣ ᱠᱚ ᱵᱮᱱᱟᱣ ᱞᱮᱫᱟ᱾
ᱱᱚᱣᱟ ᱜᱟᱰᱟ ᱠᱷᱚᱱ ᱜᱮ ᱯᱚᱪᱷᱤᱢ ᱵᱟᱸᱜᱽᱞᱟ ᱨᱮᱭᱟᱜ ᱥᱟᱹᱢᱩᱝ ᱚᱱᱪᱚᱞ ᱨᱮ ᱪᱟᱥ-ᱵᱟᱥ ᱟᱨ ᱥᱤᱞᱯᱚ ᱞᱟᱹᱜᱤᱫ ᱫᱟᱜ ᱧᱟᱢᱚᱜ ᱠᱟᱱᱟ᱾ ᱦᱩᱜᱽᱞᱤ ᱜᱟᱰᱟ ᱪᱮᱛᱟᱱ ᱛᱮ ᱞᱟᱹᱣᱠᱟᱹ ᱟᱨ ᱡᱟᱦᱟᱡᱽ ᱦᱮᱡᱽ ᱥᱮᱱ ᱡᱩᱛᱩᱜ ᱛᱮ ᱱᱚᱣᱟ ᱫᱚ ᱥᱤᱧᱚᱛ ᱨᱮᱭᱟᱜ ᱢᱩᱨᱩᱛ ᱡᱟᱹᱛᱤᱭᱟᱹᱨᱤ ᱫᱟᱜ ᱰᱟᱦᱟᱨ ᱠᱟᱱᱟ᱾
ᱥᱟᱠᱳ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱞᱟᱛᱟᱨ ᱨᱮᱭᱟᱜ ᱥᱟᱠᱳ ᱠᱚ ᱱᱟᱦᱟᱜ ᱚᱠᱛᱚ ᱦᱩᱜᱽᱞᱤ/ᱵᱷᱟᱜᱤᱨᱚᱛᱷᱤ ᱜᱟᱰᱟ ᱯᱟᱨᱚᱢ ᱟᱠᱟᱱᱟ᱾ (ᱥᱟᱜᱚᱨᱫᱤᱯ ᱠᱷᱚᱱ ᱮᱛᱚᱦᱚᱵ ᱯᱷᱟᱨᱟᱠᱠᱟ ᱵᱮᱨᱮᱡ ᱦᱟᱹᱵᱤᱫ) ᱺ
- ᱵᱤᱫᱫᱟᱥᱟᱜᱚᱨ ᱦᱟᱠᱳ (ᱫᱚᱥᱟᱨ ᱦᱩᱜᱽᱞᱤ ᱥᱟᱠᱳ) ᱦᱟᱵᱽᱲᱟ ᱟᱨ ᱠᱚᱞᱠᱟᱛᱟ ᱛᱟᱞᱟ ᱨᱮ
- ᱨᱚᱵᱤᱱᱫᱽᱨᱚ ᱥᱟᱠᱳ (ᱦᱟᱵᱽᱲᱟ ᱵᱨᱤᱡ) ᱦᱟᱵᱽᱲᱟ ᱟᱨ ᱠᱚᱞᱠᱟᱛᱟ ᱛᱟᱞᱟ ᱨᱮ
- ᱱᱤᱵᱷᱮᱫᱤᱛᱟ ᱥᱟᱠᱳ (ᱫᱚᱥᱟᱨ ᱵᱤᱵᱮᱠᱟᱱᱚᱱᱫ ᱥᱟᱠᱳ) ᱵᱟᱞᱤ ᱟᱨ ᱠᱟᱢᱟᱨᱦᱟᱴᱤ ᱛᱟᱞᱟ ᱨᱮ
- ᱵᱤᱵᱮᱠᱟᱱᱚᱱᱫ ᱥᱟᱠᱳ (ᱵᱟᱞᱤ ᱥᱟᱠᱳ, ᱦᱚᱨ ᱰᱟᱦᱟᱨ ᱟᱨ ᱨᱮᱞ ᱥᱟᱠᱳ) ᱵᱟᱞᱤ ᱟᱨ ᱠᱟᱢᱟᱨᱦᱟᱴᱤ ᱛᱟᱞᱟ ᱨᱮ
- ᱥᱚᱢᱯᱨᱤᱛᱤ ᱥᱟᱠᱳ (ᱱᱟᱣᱟ ᱡᱩᱵᱤᱞᱤ ᱥᱟᱠᱳ, ᱨᱮᱞ ᱥᱟᱠᱳ ᱮᱥᱠᱟᱨ) ᱵᱮᱱᱰᱮᱞ ᱟᱨ ᱱᱟᱳᱭᱦᱟᱴᱤ ᱛᱟᱞᱟ ᱨᱮ
- ᱤᱥᱥᱚᱨ ᱜᱩᱯᱛᱟ ᱥᱟᱠᱳ (ᱠᱚᱞᱞᱟᱱᱤ ᱥᱟᱠᱳ) ᱵᱟᱥᱵᱮᱲᱤᱭᱟ ᱟᱨ ᱠᱚᱞᱞᱟᱱᱤ ᱛᱟᱞᱟ ᱨᱮ
- ᱜᱳᱶᱨᱟᱝᱜᱚ ᱥᱟᱠᱳ ᱱᱚᱵᱚᱫᱫᱤ ᱟᱨ ᱠᱨᱤᱥᱱᱚᱱᱚᱜᱚᱨ ᱛᱟᱞᱟ ᱨᱮ
- ᱨᱚᱢᱮᱱᱫᱨᱚ ᱥᱩᱱᱫᱚᱨ ᱛᱨᱤᱵᱮᱫᱤ ᱥᱟᱠᱳ ᱠᱷᱟᱜᱲᱟᱜᱷᱟᱴ ᱟᱨ ᱵᱚᱦᱚᱨᱚᱢᱯᱩᱨ ᱛᱟᱞᱟ ᱨᱮ
- ᱡᱚᱝᱜᱤᱯᱩᱨ ᱵᱷᱟᱜᱤᱨᱚᱛᱷᱤ ᱥᱟᱠᱳ ᱨᱚᱜᱷᱩᱱᱟᱛᱷᱯᱩᱨ ᱟᱨ ᱡᱚᱝᱜᱤᱯᱩᱨ ᱛᱟᱞᱟ ᱨᱮ
ᱞᱟᱛᱟᱨ ᱨᱮᱭᱟᱜ ᱥᱟᱠᱳ ᱠᱚ ᱵᱮᱱᱟᱣ ᱵᱟᱝ ᱥᱟᱹᱛ ᱟᱠᱟᱱᱟ ᱺ
- ᱱᱟᱥᱤᱯᱩᱨ ᱨᱮᱞ ᱥᱟᱠᱳ (ᱨᱮᱞ ᱥᱟᱠᱳ ᱮᱥᱠᱟᱨ) ᱛᱷᱚᱨᱟ ᱵᱮᱱᱟᱣ ᱦᱩᱭ ᱟᱠᱟᱱᱟ,ᱟᱡᱤᱢᱜᱚᱧ ᱟᱨ ᱢᱩᱨᱥᱤᱫᱟᱵᱟᱫᱽ ᱛᱟᱞᱟ ᱨᱮ
- ᱠᱟᱞᱱᱟ - ᱥᱟᱱᱛᱤᱯᱩᱨ ᱥᱟᱠᱳ[᱒]
- ᱯᱷᱩᱞᱮᱥᱥᱚᱨ - ᱵᱚᱡᱵᱚᱡ ᱥᱟᱠᱳ[᱒]
ᱪᱤᱛᱟᱹᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]-
Boats and men on the banks of the Hooghly river, 1915 -
The Floatel in Kolkata located on the river -
The Prinsep Ghat which is located on the bank of the Hooghly River -
Char on the river at Bansberia, Hooghly district -
Boats on the river at Shimurali, Nadia district -
The river behind Hazarduari Palace in Murshidabad district -
The city of Kolkata lies along the banks of the Hooghly -
Boat seen from the bank of the Hoogly River at Kolkata
ᱵᱟᱨᱦᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ] |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱦᱩᱜᱽᱞᱤ ᱜᱟᱰᱟ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Hugli River - river, India".
- ↑ ᱒.᱐ ᱒.᱑ "Three river bridges in WB to boost trade, highlight culture". The Indian Express (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 2017-10-06. Retrieved 2018-03-12.