Supraphon

   Централа: Praha Nove Mesto Palackeho 1

Supraphon — чешска комерчна музична значка. Зачаточно была хоснована про дакотры експортны записы нѣмецко-чешского музичного выдавательства Ultraphon, а пак тыж яко значка грамофонох. В току 1960-х тота значка поступно ся стала найвекшым музичным выдавательством свого часу.

История

Значка SUPRAPHON была зарегистрована в року 1932. Свого часу таку назву мав ай модерный електричный грамофон. Под тов значков чешскы грамофоновы дискы ишли на експорт и ширили славу передовшиткым чешской класичной музикы (Bedřich Smetana, Antonín Dvořák, Leoš Janáček) и великанох свѣтовой музикы. Тоты записы приготовляли найлѣпшы домашны и свѣтовы интерпреты, ансамблы и оркестры, ведены вызнамныма диригентами. В року 1949 быв SUPRAPHON знародненый и став ся штатнов експортнов фирмов, в року 1961 достав назву Gramofonové závody SUPRAPHON, од року 1969 — vydavatelství SUPRAPHON n. p. Добываюча все векшу славу значка стала ся симболом чешского грамофонового промыслу.

Днешность

Сучасна компания SUPRAPHON a.s. створена путьом приватизации штатного музичного выдавательства по року 1989. При тому обширный архив компании, найбогатшый музичный архив в Чешской Републицѣ, перешов до рук новых приватных властникох. Обще количество архивных записох перевысшать 100 000, из котрых около 55 000 — популарна музика, 30 000 — класична музика, 8 000 — фолк або дувна музика, 3 000 — джаз и 5 000 — говорене слово.

Жерела и одказы

• Supraphon: O NÁS. 2022. https://www.supraphon.cz/o-nas. [перевірено 2022-07-01]. чеш.
• Oficiální stránka Supraphonu. http://www.supraphon.cz/. [перевірено 2022-07-01]. чеш.