Иводжима

Военска база

Иво́джима
яп. 硫黄島
Иво́джима з воздуха
География
Найвысша точка	169 м н. м.
Довжка	8 км
Ширина	4 км
Розлога	21 км2
Координаты	24°47′N 141°19′E
Администрация
Юрисдикция	Япония
Обывательство	военскый персонал
Иво́джима на Викискладѣ

Иво́джима,  высловность (файл), яп. 硫黄島 Остров сѣркы — вулканичный остров, котрый належить Японии. На островѣ умѣщена военска база США.

География

Остров лежить на юг од Токиа в оддалѣню 1250 км. Входить до групы необываных вулканичных островох, а административно належить подпрефектурѣ Огасавара префектуры Токио. Плоха острова 21 км², найвекша довжка 8 км, ширина — 4 км. В южной части острова лежить вулкан Сурибачи, вышка конуса 169 м, послѣдна вулканична активность зафиксована в року 2012.

История

Первый западный навщѣвитель острова быв испанскый мореплавець Бернардо де ла Торре (1543).

В року 1944 цивилне обывательство, котре ся занимало добываньом сѣркы, пестованьом цукровой тростины и ловом рыбы (над 1000 особ), было насилно выселене японсков администрациев, зостала ту выбудована силна военска база з летиском. Понеже летиско заинтересовало америцкых военных як опорный пункт охраны морскых сил, во фебруарѣ и марцу 1945 ту ся точили тяжкы бои. Остров став ся познатым на цѣлый свѣт, коли фотограф Джо Розентал од агенции Ассошиейтед Пресс сфотографовав здвигнутя заставы США на верху Сурибачи. Америцка окупация острова од марца 1945 закончила ся 26. юна 1968, коли Америчане вернули остров Японии.

Жерела и одказы

• Brand, Donald D. The Pacific Basin: A History of its Geographical Explorations The American Geographical Society (New York, 1967) p.123.
• Roger Schlueter (July 31, 2015). U.S. returned hard-won islands to Japan to strengthen ties (по англицкы). Belleville News-Democrat. https://www.bnd.com/living/liv-columns-blogs/answer-man/article29658646.html. [перевірено 2019-11-14]. 

Референции

Тоты даны суть часточно або цалком основаны на перекладї статї Iwo Jima на анґліцькій Вікіпедії.