Icco de Tarde

Icco (Ἴκκος; Tarde, V sechele n.C. – ...) ha state 'nu mediche (iatros) greche andiche  ginnasiarche e maestre de le chciù valende ginnaste de l'epoca soje.

Figghie de Nicolaide, vevìe a Tarde jndr'à 'u periode de cchiù granne floridità d'a cetate e devendò rettore d'u famose Ginnasie d'a polis. Ha state condemboranèe de 'n'otre granne mediche tarandìne, Filolao de Tarde.

Ninde ne rumane de jidde, ce none quacche cenne de Platone, ca avere state quase 'nu condemboranèe sue, jndr'à 'u Protagora e jndr'à Le Leggi; de Claudio Eliano; de Pausania; de Eustazio de Epifane e de Stefano Bizantino.

Icco ha state 'n'atlete assaije famose, vingitore d'u pentathlon jndr'à 77° Olimbiade (472 n.C.). Pe stu fatte l'avenìe dedicate 'nu monumende jndr'à 'u tembie de Era a Olimpia.

Ha state famose cumme esembie de vite sobrie e sostenitore d'a temberanze fiseche e psichiche apprime de le gare, espresse cu astinenze da le rapporte sessuale e cu 'a continenze alimendate, attenende a 'nu reggime dietetiche semblice e frugate ditte Ikkou deipnon o Icci Coena.

'A fame de Icco cumme ginnasiarche e fisioterapeute ave avute 'na larie diffusione jndr'à 'u munne classeche, e ha state repigghiate jndr'à 'u Rinascimende da Gerolamo Mercuriale.

Jè da ritenerse 'u funnatore d'a ginnasteche mediche e d'a diete atletiche: capìe pe prime 'a granne influenze d'a ginnasteche sus 'a medicine e sus 'a dietetiche, mettìe l'alimendazione a 'a base d'a preparazione atletiche e applecò ste prengipie jndr'à palestre d'u ginnasie, prengipie pò svolte ambliamende da Erodico, a 'u quale se attribbuisce jndr'à 'nu mode sbagliate 'u merite de essere state 'u funnatore d'a ginnasteche mediche.

Bibbliografije

• William Smith. Iccus in Dictionary of Greek and Roman Biography and Mythology. 1849.

'Ndruche pure

• Personalità legate a Tarde