Kurów

Kurów

Baselgia a Kurów

Posiziun

Kurów

Datas fundamentalas

Stadi

Pologna

Voivodat

Lublin

Circul (powiat)

Puławy

Surfatscha

11,32 km²

Coordinatas

51° 24′ n, 22° 11′ o

Populaziun

2'782 (30 da zercl. 2006)

Numer postal

24-170

Preselecziun

081

Numer da l'auto

LPU

Kurów (pronunzià ['kuruf]) è in vitg en il sid-ost da la Pologna tranter Puławy e Lublin, a las rivas dal flum Kurówka. El è la chapitala d'ina vischnaca (gmina) separada da medem num, ina regiun entaifer il voivodat da Lublin ed ha 2'782 abitants (en il 2006).

Istorgia

Insacura tranter 1431 e 1442 ha il vitg retschavì ils dretgs da citad sa basond sin la lescha da Magdeburg. Sco lieu privat era el in center da martgà da victualias da tut la regiun. Numerusas fabricas da tgirom eran plazzadas en la vischinanza. En il 15avel tschientaner era Kurow in center dal Calvinissem, dapi che blers dals Brethrens polacs èn partids per là. L'onn 1660 era la gronda part dals aabitants convertì tar il Arianissem.

Suenter 1660 parta la citad sia istorgia cun il rest da la regiun. L'onn 1795, suenter la terza spartiziun da la Pologna, è Kurow vegni annectà da l'Austria. L'onn 1809 è la citad daventada part dal ducadi da Warschau. L'onn 1815 è Kurow daventa ina part dal reginavel da la Pologna. Durant la revolta dal november en il favrer 1831 ha gì lieu la battaglia da Kurow, nua che las forzas da la Pologna sut General Jozef Dwernicki han battì in'armada russa. Durant la revolta dal schaner l'onn 1870 ha la citad pers ses dretg da citad che n'è betg pli vegnì stabilì enfin oz. Dapi l'onn 1918 è Kurow puspè part da la Pologna.

Ils 9 da settember 1939, durant l'invasiun da la Pologna ubain la guerra defensiva da la Pologna, ils nums polacs per l'entschatta da la Segunda guerra mundiala, è Kurow vegnì bumbardà grevamain da las forzas aviaticas tudestgas. Tranter ils lieus tutgads era in ospital civil (marcà cun cruschs cotschnas), nua che bleras unfrendas eran en tgira. Durant la secunda guerra mundiala han ils nazis tudestgs stabilì a Kurow dus champs da concentraziun. L'onn 1942 è vegnì erigì in "ghetto". Tuttina èn il blers dals praschuniers polacs da Kurow scappai ed en s'attatgads a l'armada polaca che operava dals guauds vischinants.

Attracziuns

Attracziuns turisticas remartgablas vegnan surpassadas da la baselgia en stil da Renaissance, stabilida l'onn 1692 cun la fossa da la famiglia Zbąski e sculpturas da Santi Gucci (1587).

Persunalitads

Kurow è era enconuschent sco lieu da naschientscha dal general Wojciech Jaruzelski.

Colliaziuns

Wiki davart Kurow (en polac)