Jump to content

ډونا نېلسون

د ويکيپېډيا، وړیا پوهنغونډ له خوا

ډونا جې. نېلسون امریکايي کیمیا پوهه او د اوکلاهاما په پوهنتون کې د کیمیا د پوهنځي ښوونکې ده. نېلسون په عضوي کیمیا کې تخصص لري او په همدغه برخه کې څېړنې او تدریس کوي. نېلسون د بریکېنګ بډ په نامه د امریکا د اې ام سي ټلویزیوني سریال د علمي سلاکارې په توګه خدمت کړی. نوموړې په ۲۰۱۶ زکال کې د امریکا د کیمیا د ټولنې (ACS) مشره وه چې د مشرتابه چارو یې کیمیا ته په اړوندو ټولنو او د هغو په هدایت کولو تمرکز درلود. د نېلسون څېړنو په پنځو اصلي موضوعاتو تمرکز درلود چې په ټولیزه توګه په دوه برخو، علمي څېړنو او د امریکا د علمي چارو د چمتوالي په مواردو وېشل کېږي. د علمي څېړنو په برخه کې د نېلسون تر کار لاندې موضوعاتو کې د الکانونو د زیاتوالي غبرګونونه او همدارنګه د یو دیوال لرونکو کاربني نانو ټیوبونو تحلیل او تجزیه شاملېږي. د امریکا د علمي چمتوالي د چارو تر بحث لاندې نوموړې ټولنو ته په پام د ساینسي چارو په زده کړې او موثریت تمرکز درلود؛ په دغو کې په ټولګیو کې د ننه نوښتونه، د عضوي کیمیا د درسي کتابونو د تېروتنو تصحېح، د څېړنیزو پوهنتونونو د ساینس په مخکښو پوهنځیو کې قومي او جنسیتي تنوع (د نېلسون د تنوع سروې) او عامو وګړو ته د ساینس او ساینس پوهانو د غوره انځور وړاندې کول شامل وو. [۱][۲][۳][۴]

زده کړې او مسلک

[سمول]

نېلسون د اوکلاهاما په ایوفلا کې وزیږېده، هغه کوچنی ښار چې د موسکوجي کریک قبیلې د مرکز په توګه پېژندل کېږي. د هغې پلار د دغه ښار یوازنی ډاکټر و. هغې د اوکلاهاما پوهنتون د کیمیا له پوهنځي څخه د لیسانس سند ترلاسه کړ. وروسته یې د آسټین په تکزاس پوهنتون کې له مایکل جي اس. ډوار سره د دوکتورا په کچه زده کړې وکړې؛ له دوکتورا وروسته علمي چارې یې بیا په ۱۹۷۹ زکال کې د کیمیا د نوبل جایزې د ګټونکي هربرټ سي. براون سره یوځای په پورډو پوهنتون کې ترسره کړې. له دې وروسته نېلسون د اوکلاهما له پوهنتون سره د علمي غړې په توګه مل شوه. [۵][۶][۷]

نېلسون له ۱۹۸۹ زکال څخه تر ۱۹۹۰ زکال پورې د اوکلاهاما په پوهنتون کې د پروسټ دفتر د علمي پلاوي غړې وه. نوموړې په دغه پوهنتون کې لومړنۍ ښځینه علمي غړې او مرستیال ښوونکې وه، ورته مهال هغې په یو کال کې ارتقا وکړه. له دې وروسته انیټا هېل له پروسټ دفتر سره مل شوه. نېلسون په ۲۰۰۳ زکال کې له نانسي هاپکینز او په ۲۰۱۰ زکال کې له مایکل سټرانو سره د ماساچوستس د ټکنالوژۍ د انستیتوت افتخاري (میلمه) پروفیسوره وه. نوموړې په ۲۰۱۶ زکال کې د امریکا د کیمیا د ټولنې د مشرې په توګه خدمت وکړ.

جایزې او ویاړونه

[سمول]

نېلسون پریمانه جوایز او ویاړونه ترلاسه کړي. په دغو کې د امریکا د کیمیا د ټولنې (ACS) مشري (۲۰۱۶ زکال)، د کیمیا په برخه کې د سلطنتي ټولنې غړیتوب (۲۰۱۹ زکال)، د اډینبورګ پوهنتون څخه افتخاري دوکتورا (۲۰۲۱ زکال)، د اسرائیلو د کیمیا د ټولنې غړیتوب (۲۰۱۶ زکال)، د امریکا د کیمیا د ټولنې غړیتوب (۲۰۱۰ زکال)، د امریکا د کیمیا د ټولنې له خوا د تخصصي چارو لپاره د هنري هېل جایزه (۲۰۱۳ زکال)، د ګوګنهایم فیلوشېپ (۲۰۰۳ زکال)، د علومو د ملي بنسټ د خلاقانه چارو جایزه (۱۹۸۹ زکال)، د علومو د پراختیا لپاره د امریکایي ټولنې غړیتوب (۲۰۰۵ زکال)، د سېګما زي غړیتوب (۲۰۲۰ زکال)، د الفا چي سېګما د مشاهیرو تالار ته لارموندنه (۲۰۲۲ زکال)، د ښځو د ملي بنسټ له خوا د «شجاعې ښځې» جایزه (۲۰۰۴ زکال)، د فورډ بنسټ فیلوشېپ (۲۰۰۳ زکال)، فولبرایټ د زده کړو بورس (۲۰۰۷ زکال) او د ساینس د ملي بنسټ د مشرتابه پرمختللې جایزه (۲۰۰۶ زکال) شاملېږي. د بېزنس ډاټ اورګ (Business.org) ویب پاڼې له خوا نوموړې په ۲۰۱۸ زکال کې د هغو ۷۰ الهام بخښونکو ښځو په کتار کې شامله وبلل شوه چې پر نړۍ اغېز لري؛ همدارنګه په ۲۰۲۱ کې د تکزاس پوهنتون نوموړې «د تکزاس له ۱۲ تاریخ جوړونکو مېرمنو» څخه وبلله. نوموړې همدارنګه ګڼ شمېر نور ویاړونه او جایزې هم ترلاسه کړې دي چې په دغو کې د ACS نیلې جایزه (۲۰۱۱ زکال)، د ACS سټن اسرائیل جایزه (۲۰۱۱ زکال)، د SACNAS د ممتازې ساینس پوهې جایزه (۲۰۰۶ زکال)، د اوکلاهاما د لوړو زده کړو لرونکو مشاهیرو تالار ته د لار موندنې ویاړ (۲۰۱۳ زکال)، د ACS له خوا د اوکلاهاما د کال د کیمیا پوهې لقب (۲۰۱۲ زکال)، د اوکلاهاما د برحالې پروفیسورې جایزه (۲۰۰۵ زکال)، د ومن اي نیوز له خوا د ۲۱مې پېړۍ د ۲۱ مخکښو رهبرانو په کتار کې د شاملېدو ویاړ (۲۰۰۶ زکال)، د اقلیتي روغتیايي تخصصي بنسټ د مشاهیرو تالار ته د لار موندنې ویاړ (۲۰۰۵ زکال) او د سیګما زي ټولنې د علمي څېړنیزو چارو جایزه (۲۰۰۱ زکال) شاملېږي. [۸][۹][۱۰][۱۱][۱۲]

نېلسون د څېړنیزو چارو اړوند ۲۰۰ مقالې لیکلې او همدارنګه یې د مسلکي ټولنو او بنسټونو په ملي غونډو، پوهنتونونو، راډیو ګانو او تلویزیونونو کې په سلګونو ویناوې او مرکې کړې دي. په هغو رسنیو او رسنیزو خپرونو کې چې دې ورسره مرکې کړي ان پي آر، نیویارک ټایمز، وال سټریټ ژورنال، له جیمز لهرر سره خبري ساعت او مارکېټ پلېس مارنېنګ ریپورټ راډیويي پروګرام شاملېږي. د عضوي کیمیا د ژورنال د ۲۰۰۵ زکال د فبروري د ۴مې نېټې د ګڼې په مخ پاڼه د هغې د څېړنو یادونه شوې. د کیمیاوي میراثونو بنسټ (۲۰۰۹ زکال)، د علومو په برخه کې د شیکانو او بومي امریکايي وګړو د ودې ټولنې (۲۰۰۴ زکال) او همدارنګه د جسټ ګراسیا هېل بنسټ (۲۰۰۳ زکال) هر یو د هغې تاریخچه راغونډه کړه څو د خپلو مخکښو پوهانو د ژوند لیکونو په ټولګه کې یې اضافه کړي. نېلسون په ۲۰۲۰ زکال کې د امریکايي انقلاب د لوڼو (Daughters of the American Revolution) په ټولنه کې شامله شوه. [۱۳][۱۴][۱۵][۱۶][۱۷][۱۸][۱۹][۲۰]

علمي څېړنې

[سمول]

د یو دیوال لرونکي کاربني نانو ټیوب غبرګونونه

[سمول]

په ۲۰۰۵ زکال کې نلسون د یو دیوال لرونکي کاربني نانو ټیوب له غبرګونونو څخه ګټنه پیل کړه چې د الکانونو پر غبرګون باندې د ځای نیونکو د اغیز پرمټ د هغې د پخوانیو څېړنو پر بنسټ رامنځته شوی و. هغې د هستوي مقناطیسي رزونانس د طیف سنجۍ (nuclear magnetic resonance spectroscopy) څخه په ګټنې په کاربني نانو ټیوبونو باندې د ځای نیونکو اغېز وازمویه او په دغه چاره کې یې د الکولونو، امینونو، کتونونو، الدهایدونو او نایترو ترکیبونو په څېر له بېلابېلو عضوي مالیکولونو ګټنه وکړه. د دغې چارې په ترسره کولو سره نوموړې د کاربني نانو ټیوبونو د عملکردي توصیف او تجزیې په برخه کې د هستوي مقناطیسي رزونانس د طیف سنجۍ څخه د ګټنې له مخکښانو شوه. [۲۱][۲۲][۲۳][۲۴][۲۵][۲۶][۲۷][۲۸][۲۹][۳۰]

د الکانونو غبرګونونه

[سمول]

نېلسون د یوې فیزیکي عضوي کیمیا پوهې په توګه د الکانونو د اضافي غبرګونونو اړوند د میخانیکي اطلاعاتو د راغونډونې مصنوعي کړنلار رامنځته کړه. د هغې څېړنو د څو پېشنهادي میکانېزمونو څخه د یوه میکانېزم د انتخاب په موخه لار برابروله. دغه تخنیک د الکانونو د اضافي غبرګونونو لکه د هایدروبوراشین، اوکسی مرکوراشیون، بروماشیون، وېکر بهیر او د ویلکنسون د کتلستي غبرګون د میکانېزم ټاکنې لپاره لار برابروله. [۳۱] [۳۲][۳۳][۳۴] [۳۵][۳۶][۳۷][۳۸][۳۹][۴۰][۴۱][۴۲][۴۳]

د امریکا د علمي چمتوالي چارې

[سمول]

د ساینس زده کړه

[سمول]

د عضوي کیمیا د تدریسي کتابونو وده

[سمول]

نېلسون په ۲۰۱۱ زکال کې د لیسانس په کچه د عضوي کیمیا هغه جامع درسي کتابونه و ارزول چې دغه مهال ترې ګټنه کېدله، څو په دغو متنونو او همدارنګه څېړنیزو ادبیاتو کې د سایکلو هکزان د ترکیب اړوند د بیان شوو مواردو ترمنځ همغږي وټاکي؛ دوی په دغو درسي کتابونو کې د سایکلوهکزان کانفورمر په نوم اېښودنه کې د ګډوډیو او همدارنګه د هغو په جوړښتي ترسیم کې د یو لړ اصلاحاتو لارښوونه وکړه. هغې او د هغې زده کړیالانو د لیسانس په کچه د عضوي کیمیا د درسي کتابونو ارزونې ته دوام ورکړ څو له څېړنیزو ادبیاتو سره په ټکر کې د هغو محتوا ومومي او همدارنګه هغه ځانګړنې په کې په نغوته کړي چې د زده کړې په موخه ډېرې ګټمنې دی. [۴۴][۴۵]

په ټولګیو کې نوښتونه

[سمول]

نېلسون د عضوي کیمیا په پراخه مواردو کې د زده کړو د پراختیا او ارزونې په موخه له خپلو تجاربو ګټنه وکړه. هغې د شفاهي یا کتبي لارښوونو پر ځای انځوریزو لارښوونو (پریزنټېشنونو) ته مخه کړه؛ له دغو څخه دوه یې د خپروندویانو له خوا د عضوي کیمیا د پام وړ مهمو درسي کتابونو په خوا کې ومنل شول. نوموړې همدارنګه د هغو عواملو اړوند څېړنه وکړه چې پر مټ یې زده کړیالان یوه ساینسي څانګه خوشې کوي او یا هم په هغو کې پاتې کېږي. [۴۶][۴۷][۴۸][۴۹][۵۰][۵۱][۵۲][۵۳][۵۴]

سرچينې

[سمول]
  1. ↑ Hicks, Jesse (Summer 2013). "Bad Chemistry". Chemical Heritage Magazine. 31 (2): 40. Archived from the original on 21 February 2018. نه اخيستل شوی 5 December 2016.
  2. ↑ Appearance on OCAST's science radio show,"Oklahoma Innovations" Archived 2013-07-21 at the Wayback Machine., Nov. 7, 2009
  3. ↑ "Chemical industry hooked on TV show "Breaking Bad"". Reuters. July 15, 2011. نه اخيستل شوی 21 February 2018.
  4. ↑ Educational Television Association, Nov. 7, 2011, Norman, OK, aired Nov. 11, 2011.
  5. ↑ Domush, Hilary; Webb-Halpern, Leah (22 July 2008). Donna J. Nelson, Transcript of an Interview Conducted by Hilary Domush and Leah Webb-Halpern at University of Oklahoma Norman, Oklahoma on 21 and 22 July 2008 (PDF). Philadelphia, PA: Chemical Heritage Foundation.
  6. ↑ Donna Nelson faculty page; University of Oklahoma; [۱]; accessed May 23, 2013
  7. ↑ Center for Oral History. "Donna J. Nelson". Science History Institute.
  8. ↑ url=https://www.dropbox.com/s/9udpyoaoijs1k0p/v2 Donna Nelson - The University of Edinburgh.mp4?dl=0
  9. ↑ Nelson, Donna J. "Two-Year Extensions for Special Creativity" NSF Grant Proposal Guide, NSF 02-2, published December 2001
  10. ↑ University of Texas at Austin, 2021,
  11. ↑ Oklahoma Higher Education Hall of Fame, 2013
  12. ↑ "Fray International Sustainability Award". Flogen Star Outreach. 2017. نه اخيستل شوی 21 February 2018.
  13. ↑ "Current Topics, Issues, and Events in Diversity". Nelson Diversity Surveys. Diversity in Science Association. نه اخيستل شوی 2010-10-11.
  14. ↑ Nelson, Donna. "Diversity News and Talks". Diversity in Science Association. Archived from the original on July 2, 2010. نه اخيستل شوی 2007-06-01.
  15. ↑ Nelson, Donna; Ruibo Li; Christopher Brammer (2005-02-04). "Using Correlations to Compare Additions to Alkenes: Homogeneous Hydrogenation by Using Wilkinson's Catalyst". Journal of Organic Chemistry. 70 (3): 761–767. doi:10.1021/jo048968r. PMID 15675830. نه اخيستل شوی 2007-06-01.
  16. ↑ Ryssdal, Kai (2004-01-15). "Female chemist from University of Oklahoma will brief Congress on her study of women in academic science" (PDF). Marketplace (radio program). Minnesota Public Radio. Archived from the original (PDF) on September 3, 2006. نه اخيستل شوی 2007-06-01.
  17. ↑ Center for Oral History. "Donna J. Nelson". Science History Institute.
  18. ↑ Domush, Hilary; Webb-Halpern, Leah (22 July 2008). Donna J. Nelson, Transcript of an Interview Conducted by Hilary Domush and Leah Webb-Halpern at University of Oklahoma Norman, Oklahoma on 21 and 22 July 2008 (PDF). Philadelphia, PA: Chemical Heritage Foundation.
  19. ↑ "SACNAS Biography Project: Dr. Donna Nelson–Chemist". Sacnas News. 6 (2): 8. 2004. Archived from the original on 2006-09-04. نه اخيستل شوی 2023-11-16. {{cite journal}}: More than one of |archivedate= و |archive-date= specified (help); More than one of |archiveurl= و |archive-url= specified (help)
  20. ↑ "In Her Own Words". Progress Magazine. 1 (March 1, 2003). March 1, 2003.[مړه لينکونه]
  21. ↑ Donna J. Nelson, Shagufta, and Ravi Kumar. “Characterization of a tamoxifen-tethered single-walled carbon nanotube conjugate by using NMR spectroscopy”. Anal. BioanalChem. 2012, 404, 771–776.
  22. ↑ Donna J. Nelson and Christopher N. Brammer. "Fluorine-Related Nanoscience with Energy Applications". ACS Symposium Series 1064, American Chemical Society. Washington, DC, 2011.
  23. ↑ Nelson, Donna J.; Brammer, Christopher N.; Nagarajan, Panneer S.; Perumal Paramasivan T. "Association of Representative Amides and Aminoalcohols with SWCNT as Revealed by NMR. Fluorine-related Nanoscience with Energy Applications". ACS Symposium Series 1064, American Chemical Society. Washington, DC, 2011, p. 31.
  24. ↑ Nelson, Donna J.; Murugesan, M.; Brammer, Christopher N.; Nagarajan, P. "Effects of NaHCO3 Washing and Change in Reagent Order upon the Reaction of Single-Walled Carbon Nanotubes with Thionyl Chloride and PMMA". Polymer Preprints., Am. Chem. Soc. 2010, 51 (1), 191.
  25. ↑ Nelson, Donna J.; Murugesan, M.; Brammer, Christopher N. "Effects of Sodium Bicarbonate Treatment on the Structure of Single-walled Carbon Nanotube Brands, Studied by Raman and Ultraviolet-Visible Spectroscopy". Polymer Preprints., Am. Chem. Soc. 2010, 51 (1), 577
  26. ↑ Nelson, Donna J.; Brammer, Christopher N.; Nagarajan, Panneer S.; Perumal, Paramasivan T. "Effect of Single-Walled Carbon Nanotube Association upon 1H NMR Spectra of Representative Organonitrogen Compounds". J. Phys. Chem". C 2010, 114, 10140-10147.
  27. ↑ Nelson, Donna J.; Brammer, Christopher N. "Pristine Single-Walled Carbon Nanotube Purity Evaluation by using 1H NMR Spectroscopy". Anal. Bioanal. Chem. 2009, 394, 1079-1086.
  28. ↑ Nelson, Donna J.; Perumal, Paramasivan T.; Brammer, Christopher N.; Nagarajan, Panneer S. "Effect of Single-Walled Carbon Nanotube Association upon Representative Amides". J. Phys. Chem. C 2009, 113, 17378–17386.
  29. ↑ Jaisankar, Sellamuthu N.; Nelson, Donna J.; Brammer, Christopher N. "New Synthesis and Characterization of Ionic Polyurethane-urea Liquid Crystals". J Polymer. 2009, 50, 4775-4780.
  30. ↑ Nelson, Donna J.; Strano, Michael. "Saving the world with nanotechnology". Nature Nanotechnology. 2006, 1, 96.
  31. ↑ Soloshonok, Vadim; Nelson, Donna J. "Alkene Selenenylation: A Comprehensive Analysis of Relative Reactivities, Stereochemistry and Asymmetric Induction, and Their Comparisons with Sulfenylation".Beilstein J. Org. Chem. 2011, 7, 744-758.
  32. ↑ Nelson, Donna J.; Li, Ruibo; Brammer Christopher N. "Substituent Effects in Acid-Catalyzed Hydration of Alkenes, Measured Under Consistent Reaction Conditions". Tetrahedron Lett. 2009, 50, 6454-6456.
  33. ↑ Brammer, Christopher N.; Nelson, Donna J.; Li, Ruibo. "Substituent effects in additions of iodine thiocyanate to alkenes". Tetrahedron Lett. 2007, 48, 3237.
  34. ↑ Nelson, Donna J.; Li, Ruibo; Brammer, C. N. "Correlation of Relative Rates of Chromyl Chloride Oxidation and Chromic Acid Oxidation of Acyclic Alkenes Versus Alkene IPs and HOMOs". J. Phys. Org. Chem. 2004, 17, 1033 - 1038.
  35. ↑ Nelson, Donna J.; Li, Ruibo; Brammer, Christopher. "Correlation of Ionization Potentials or HOMO Energies Versus Relative Reactivities of Cl2, of Br2, and of I2 with Representative Acyclic Alkenes. Comparison with Other Additions to Alkenes". J. Org. Chem. 2001, 66, 2422.
  36. ↑ Nelson, Donna J.; Li, R.; Brammer, C. "The Correlation of Relative Rates of PdCl2 Oxidation of Functionalized Acyclic Alkenes Versus Alkene Ionization Potentials, HOMOs, and LUMOs". J. Am. Chem. Soc.. 2001, 123, 1564.
  37. ↑ Nelson, D. J.; Perng, Tamy. "The Use of Relative Magnitudes of Steric Effects to Explore Reactions of Molecular Halogens with Representative Acyclic Alkenes" Archived 2010-07-11 at the Wayback Machine.. Proceedings of the Oklahoma Academy of Science. 2000, 80, 141.
  38. ↑ Nelson, Donna J. "Selected Electrophilic Addition Reactions of Representative Acyclic Alkenes". Tetrahedron Lett. 1999, 5823.
  39. ↑ Nelson, Donna J.; Henley, Robert L. "Relative Rates of Permanganate Oxidation of Functionalized Alkenes and the Correlation with the Ionization Potentials of Those Alkenes". Tetrahedron Lett. 1995, 6375.
  40. ↑ Nelson, D. J.; Yao, Z.; Henley, R., Smith; T. "Diimide Reduction of Some Representative Alkenes and the Correlation of Their Relative Rates of Reduction with Their Corresponding IPs". Tetrahedron Lett. 1993, 5835-8.
  41. ↑ Nelson, Donna J.; Cooper, Penny J.; Soundararajan, R. J. "A Simplified Method of Ascertaining Steric Effects in Electrophilic Addition Reactions. A Comparison of Bromination, Oxymercuration, and Hydroboration". J. Am. Chem. Soc. 1989, 111, 1414-1418.
  42. ↑ Nelson, Donna J.; Soundararajan, R. "Using the Comparison of Steric Versus Electronic Effects to Infer Mechanistic Information in Stepwise Electrophilic Addition Reactions Involving Three-Membered Cyclic Intermediates". Tetrahedron Lett. 1988, 6207-6210.
  43. ↑ Nelson, Donna J.; Cooper, Penny, J.; Coerver, Judy A. "Comparison of the Relative Reaction Rates of Alkenes Toward Hydroboration and Toward Oxymercuration". Tetrahedron Lett. 1987, 943-944.
  44. ↑ Nelson, Donna J.; Brammer, Christopher N. (2011). "Toward Consistent Terminology for Cyclohexane Conformers in Introductory Organic Chemistry". Journal of Chemical Education. 88 (3): 292–294. Bibcode:2011JChEd..88..292N. doi:10.1021/ed100172k.
  45. ↑ Nelson, Donna J.; Kumar, R.; Ramasamy, S.; "Comparing Carbonyl Chemistry Across Undergraduate Organic Chemistry Textbooks". J. Chem. Educ. 2015, 92, 1171-1177.
  46. ↑ Fox, Marye Anne; Whitesell, James K.; Nelson, Donna J.; Study Guide and Solutions Manual to Accompany Organic Chemistry, Second Edition; Jones and Bartlett Publishers, Inc., Sudbury, MA, 1997.
  47. ↑ Fox, Marye Anne; Whitesell, James K.; Nelson, Donna J.; Study Guide and Solutions Manual to Accompany Core Organic Chemistry; Jones and Bartlett Publishers, Inc. Sudbury, MA, 1997.
  48. ↑ Nelson, Donna J.; Nucleophile / Electrophile Reaction Guide for Organic Chemistry Archived 2008-10-12 at the Wayback Machine.; Jones and Bartlett Publishers, Inc. Sudbury, MA, 1997.
  49. ↑ Nelson, Donna J.;An Organization Device for Visualizing Mechanisms and Regiochemistry Rationales in Electrophilic Aromatic Substitution[مړه لينکونه]. Chemical Educator 2001, 6, 142.
  50. ↑ Nelson, Donna J.; EAS-at-a-Glance. W.H. Freeman & Co. New York, NY, 2000.
  51. ↑ Nelson, Donna J.; "The Effect of the Nucleophile/ Electrophile Reaction Guide on the Performance of Undergraduate Organic Chemistry Students"; Chemical Education Journal. 2000, 4, 17.
  52. ↑ Nelson, Donna J.; "Teaching Devices to Make Undergraduate Organic Chemistry Easier" Archived 2016-03-03 at the Wayback Machine.. Proceedings of the Oklahoma Academy of Science. 2000, 80, 71.
  53. ↑ Frates, R. A.; Nelson, Donna J.; Friedrich, Craig; Rubowitz, Mark; Collins, Clay; "Formation of Inorganic Precipitates in Microgravity on the STS-40" Archived 2013-06-15 at Archive.is. Proceedings of the Oklahoma Academy of Science. 1996, 76, 75-82.
  54. ↑ Frates, Rodman A.; Nelson, Donna J.; Friedrich, Craig; Rubowitz, Mark; Collins, Clay; EXHIBIT: Formation of Inorganic Precipitates in Microgravity on the Getaway Special STS-40. Oklahoma Air and Space Museum 2001, permanent exhibit.
"https://ps.wikipedia.org/w/index.php?title=ډونا_نېلسون&oldid=322920" نه اخيستل شوی