ڈی جے
.jpg)
ڈی جے (ڈِسک جوکی) DJ، اوس انسان نوں کہیا جاندا اے جیہڑا سُݨݨہاراں لئی ریکارڈ شدہ موسیقی چلوندا اے ۔ ڈی جے کئی طرحاں دے ہُندے نیں جِداں : ریڈیو ڈی جے ، کلب ڈی جے ، موبائل ڈی جے ، وغیرا ۔
"ڈسک جوکی" وچ "ڈسک" دا لفظ فون گراف ریکارڈز تے وینائل ریکارڈز دی ڈِسک توں آیا اے تے اج کل ڈی جے دی اصطلاح سی ڈی توں اے ۔ ڈی جے مختلف قسم دے آڈیو ساز و سامان استعمال کردے نیں ۔ ڈی جے ریکارڈ شدہ موسیقی دے کعھٹ توں کعھٹ دو ذرائع کٹھے چلا لیندے نیں تے ریکارڈنگ چلوݨ دے مابین ہموار منتقلی پیدا کرن تے گاݨےآں دے انوکھے مکسچر نوں تیار کرن لئی ایہناں نوں کٹھا کرسکدے نیں ۔ اک گاݨے توں دوسرے گاݨے وچ ہموار منتقلی کر دے نیں ۔ ڈی جے اکثر اک گاݨے توں دوسرے گاݨے وچ مِکسِنگ یا منتقلی لئی خصوصی ڈی جے مکسر ، کراسفیڈر تے کیو فنکشن والے چھوٹے آڈیو مکسر استعمال کردے نیں ۔ مکسر ہیڈ فون وچ ریکارڈ شدہ موسیقی دے ذرائع نوں پہلاں توں سُݨݨ تے آوݨ والے ٹریک نوں ایڈجسٹ کرن لئی استعمال کیتا جاندا اے ۔ کنسول مکسر دی بجائے کمپیوٹر اُتے آڈیو فائلاں نوں ملوݨ لئی ڈی جے سافٹ ویئر دا استعمال ، ڈی جے کنٹرولر ڈیوائس نال کیتا جاسکدا اے ۔ ڈی جے سُݨݨہاراں (سامعین) نال گَل کرن واسطے مائیکرو فون وی ورتدے نیں ۔
اصل وچ "ڈسک جوکی" وچ موجود "ڈسک" نوں گراموفون ریکارڈاں نال منسوب کیتا جاندا اے پر ہُݨ "ڈی جے" دی اصطلاح اوہدے لئی ورتی جاندی اے جیہڑا کوئی ریکارڈ شدہ موسیقی نوں مِکس کردا اے چاہے اوہ فلیش ، موبائل فون ، کمپیوٹر ، لیپ ٹوپ یا کِسے ہور چیز وچ محفوظ ہووے ۔
ڈی جے عام طور تے نائٹ کلباں ، ڈانس کلباں ، ٹی وی یا ریڈیو براڈکاسٹنگ توں براہ راست سامعین لئی کارکردگی دا مظاہرہ کردے نیں ۔ ڈی جے مکس ، ریمکس تے ٹریک وی بݨوندے نیں جو بعد وچ فروخت یا تقسیم کرن لئی ریکارڈ کیتے جاندے نیں ۔
ہِپ ہوپ میوزک وچ ڈی جے پہلاں توں موجود ریکارڈاں توں نمونے واسطے ٹکراء دے وقفے ، بیس لائنز تے میوزیکل مواد ورتدے ہوئے تعمک پیدا کرسکدے نیں ۔
ہِپ ہوپ میوزک وچ ریپرز تے ایم سی ایہناں تعھمکاں نوں ریپ اوور کرن لئی استعمال کردے نیں ۔
کچھ ڈی جےاپݨے ناماں نال ڈی جے دا لفظ لا لیندے نیں ۔ پروفیشنل ڈی جے اکثر موسیقی دیاں مخصوص صنفاں ، جِداں ٹیکنو میوزک ، ہاوس میوزک یا ہِپ ہوپ میوزک وچ مہارت رکھدے نیں ۔ ڈی جے نوں عام طور تے میوزک دے بارے وچ وسیع علم ہُندا اے ۔
ڈی جے دیاں قِسماں
[سودھو]ریڈیو ڈی جے
[سودھو]ریڈیو جوکی (آر جے) ایف ایم ریڈیو ، اے ایم ریڈیو تے انٹرنیٹ ریڈیو اسٹیشناں توں موسیقی متعارف ، پلے تے نشر کر دے نیں ۔
کلب ڈی جے
[سودھو]کلب ڈی جے عام طور تے میوزیکل تقریبات وچ موسیقی بجوندے نیں ، جِداں میوزک دیاں جگہاں یا بارز وچ پارٹیاں ، میوزک فیسٹیولز ، کارپوریٹ تے نجی پروگراماں وچ ۔
موبائل ڈی جے
[سودھو]موبائل ڈی جے پارٹیاں ، شادیاں ، تہواراں ، جلسےآں ، سرکاری تے نِجی پروگراماں واسطے رکھے جاندے نیں ۔
ڈی جے دے آلات
[سودھو]- ہیڈ فون
- مائیکرو فون
- ٹرن ٹیبل
- کراسفیڈر
- کیو
- سوفٹ ویئر
- کنٹرولر
- سیمپلر
- اسمارٹ فون
- افیکٹس یونٹ
- سینتھیسائزر
- پاور ایمپلیفائر
- میوزک سیکوئینسر