Tassareu

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

Tassareu Stat: Italia Region: Piemont Provincia: Provincia ëd Lissandria Nòm 'n italian: Tassarolo Coordinà: Latitudin: 44° 43′ 33.5′′ N Longitudin: 8° 46′ 11.6′′ E Autëssa: 250 m s.l.m. Surfassa: 7,04 km² Abitant: 656 (2017) Comun dj'anviron: Francavila, Gavi, Neuve, Pasturàuna CAP: 15060 Prefiss tel.: 0143 Còdes ÌSTAT: 006170 Còdes fiscal: L059  Sant protetor: san Ròch  Festa dël borgh: 16 d'ost  Sit istitussional Tassareu (Tassarolo an italian, Tascëreu an lìgure) a l'é un comun dël Piemont ëd 656 abitant , ant la provinsa ëd Lissandria. As treuva ai bòrd ëd l'Apenin Lìgure, an sle colin-e ch'a separo la val ëd la Scrivia da cola dël torent Lèm, ch'a cala giù për la provinsa 'd Lissandria fin a campesse ant l'Òrba. Stòria Ël dongion dël castel Contut ch'ël teritòri dl'atual pais a sìa stàit abità fin da l'época roman-a, coma ch'a testimònio j'artrovament archeològich, le prime sorgiss ch'a documento l'esistensa dël pais a armonto al 1143, quand ch'ël papa Inocens III a cita 'l pais antra ij possediment dël monasté 'd Santa Maria 'd Castion a Parma. A parte dal Dosent, la presensa d'ën castel e soa posission stratégica a l'han fàit sì ch'ël pais a fussa contendù da genoèis e lissandrin e che a sìa stàit oget d'assedi e 'd devastassion. Dël 1367 ël castel e soa giurisdission a son vendù a tre frèj dla famija Spìnola. Dël 1532 l'imperador Carl V d'Asborgh a conced ofissialment l'anevestidura dël feod a jë Spìnola. Dël 1560 l'imperador Ferdinand I d'Asborgh a crea la Contea 'd Tassareu e a nòmina Marcantòni Spìnola col tìtol ëd Cont Palatin, con drit ëd bate moneda. La Contea a sarà Feod Imperial (valadì feod dipendent diretament da l'imperador) fin al 1736, quand ch'ël feod a passa sota la giurisdission dël re Carl Emanuel III ëd Savòja, mantnisend però soa autonomìa. Ij cont Spìnola a goerno 'l pais fin al 1797, quand che Napoleon Bon-a-part a aboliss ij drit feodaj. D'apress a l'época dla dominassion fransèisa, dël 1815 Tassareu a intra ant ël Regn ëd Sardëgna, e dal 1859, an séguit a la riorganisassion aministrativa dël Decret Rattazzi (Lèj n.3702, 23 otóber 1859), a l'é aministrà sota a la Provinsa ëd Lissandria, al Sircondari ëd Neuve e al Mandament ëd Castlèt d'Òrba. Aministrassion Ël sìndich a l'é Paolo Mario Castellano (da l'08/06/2009, scond mandà dal 25/05/2014). Anliure esterne Sit istitussional Arferiment La cesa parochial ëd San Nicolàu

Aiuto per la lettura Ayuda para la lectura Help for Reading Rintré ant la Piòla Contaté j'Aministrator Lìber për Amprende Coression ortogràfica Tastadura piemontèisa Portaj e Proget Agiut pr'ij Contributor Travajòt sempi