Leonardo Cremonini

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

Pitor.
Leonardo Cremonini a l'era nà a Bològna ai 25 ëd novèmber 1925. A l'era fieul d'un ferovié, artista diletant che a l'ha anviaralo a la pitura.

Dël 1935 ël pare a l'é trasferì e la famija a tramuda a Pàola, an Calabria.
Cremonini a l'é dotà e, titolar ëd na borsa dë studi, a peul ëstudié dal 1932 al 1936 a l'Academia dle bele art a Bològna, peui a l'Academia ëd Brera a Milan. Dël 1948 a espon a Veron-a.
Con n'àutra borsa dë studi, dël 1951 a va a sté a Paris e a fa soa prima esposission ambelelà al Sènter d'art italian. Soa prima esposission an galarìa a l'é dël 1952, a la galarìa Catherine Viviano ëd New York (andoa a esponrà quatr vire an des agn). Dël 1960 a espon a la galarìa dël Dragon a Paris, anté ch'a esponrà ancor soens.

Soa prima retrospetiva a l'é dël 1969, al Palass dle bele art ëd Brussel. Con j'agn a na farà d'àutre, dont a Paris, Praga, Tokyo, Basilea, Milan.
Dël 1983 a l'é nominà cap ëd laboratòri a la Scòla nassional superior dle bele art ëd Paris dal ministr ëd la coltura Jack Lang.

Leonardo Cremonini a l'é mòrt a Paris ai 12 d'avril 2010.

Sò stil

Anfluensà da Morandi, Sironi, Casorati, Francis Bacon, Bernard Lorjou, soe prime euvre a arpresento, ant un filon espressionista, dij còrp torturà e dij beu splà.

Pì tard, soa art a evòlv vers na pitura d'anspirassion pì anteletual, motobin sofisticà.