Lej ëd Faraday dl'eletrolisi

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

Dle mzure quantitative mnà da Faraday dël 1833 a l'han contribuì a la comprension dij process ch'as dësrolo ant le cele eletrolìtiche e a l'ha mostrà na relassion amportanta antra 'l comportament eletrolìtich e le propietà chìmiche ëd vàire sostanse. Faraday a l'ha stabilì le doe lej dl'eletrolisi sì-dapress:

Prima lej: la massa m ëd na sostansa separà ant l'eletrolisi a l'é proporsional a la quantità Q=It d'eletricità ch'a passa.
Sconda lej: la massa dla sostansa deposità a l'é proporsional a l'equivalent chìmich c dël jon, visadì a la massa atòmica dël jon dividù për soa valensa.

Donca

m=kcQ=zQ=zIt

anté che k a l'é na costanta ëd proporsionalità, dont ël valor a dipend mach da j'unità implicà.
Nopà z a l'é na costanta për na dàita sostansa, dita equivalent eletrochìmich ëd la sostansa considerà: a l'é la massa deposità për unità ëd caria.