La Ròca (AL)

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

La Ròca Stat: Italia Region: Piemont Provincia: Provincia ëd Lissandria Nòm 'n italian: Rocca Grimalda Coordinà: Latitudin: 44° 40′ 17.7′′ N Longitudin: 8° 38′ 56.0′′ E Autëssa: 273 m s.l.m. Surfassa: 15,46 km² Abitant: 1.503 (2018) Comun dj'anviron: Carpnèj, Cavirià, La Priosa, Ovà, Silvan, Tërseubi CAP: 15078 Prefiss tel.: 0143 Còdes ÌSTAT: 006147 Còdes fiscal: H414  Sant protetor: san Giaco  Festa dël borgh: 25 ëd luj  Sit istitussional La Ròca (Rocca Grimalda an italian, A Roca an lìgure) a l'é un comun dël Piemont ëd 1.503 abitant , ant la provinsa ëd Lissandria. Ël pais a resta an sël piuvent ossidental ëd la comba dël torent Òrba, an sla sima 'd na colin-a rocosa. Stòria Ël Castel Malaspin-a Grimàud Ël teritòri dla Ròca a l'é stàit abità fin da la Preistòria: a son stàit artrovà ij rest ëd sepulture ëd l'Età dla pera e a l'é probàbil ch'a fussa present n'ansediament ligurin an sla colin-a anté che ancheuj a s'aussa 'l borgh vèj. Le prime sorgiss ch'a documento l'esistensa dël pais a armonto al sécol ch'a fa X, quand che la Ròca a l'é dàita an feod al marchèis Aleram dël Monfrà da l'imperador Oton I ëd Sassònia. N'àutra part dël teritòri a l'é donà ai monio 'd San Quintin dë Spign ant l'at ëd fondassion dël monasté. Dël 1164 l'imperador Federich I Barbarossa a conced torna an feod la Ròca al marchèis Vielm ëd Monfrà ma për rason econòmiche ël feod a passa ai marchèis ëd Gavi dël sécol ch'a fa XIII. Contendùa për agn antra 'l Monfrà e la Comun-a 'd Lissandria, la Ròca a l'é goernà dai Malaspin-a, për concession ëd la Repùblica 'd Génoa che sempe pì soens an coj agn-lì a spantiava soa anfluensa ant ël Bass Piemont. Për chèich agn, la Ròca a ven libera Comun-a e a stabiliss n'aleansa con Lissàndria, ma dël 1355 a l'é torna concedùa al Marcheisà ëd Monfrà e, d'apress a l'ocupassion milanèisa, dël 1440 a passa an feod a la famija dij Tròt për volèj 'd Filipp Maria Viscont. Ël Palass Comunal Ël pais a l'é cità për agn tanme la Ròca Val d'Òrba o la Ròca dij Tròt. An séguit, ël feod a ven vendù a la famija Grimàud ch'a na resterà an possess fin a l'inissi dl'Eutsent. Ij Grimàud a difondo la coltura dla vis an sle colin-e dj'anviron, che fin antlora a l'ero curvùe 'd bòsch. Dël 1650 ël pais a ven assedià da le trupe fransèise ch'a campo giù le muraje fortificà dël pais. Ëdcò ant la guèra 'd sucession austrìaca, a l'inissi dël Setsent, ël pais a l'é anfestà da la guèra tra le armà fransèise, spagneule e austrìache. Dël 1736 ël pais a passa sota l'influensa dij Savòja e a intra ant ël Regn ëd Sardëgna. D'apress a l'época dla dominassion fransèisa ëd Napoleon Bon-a-part, dël 1815 la Ròca a torna ant ël Regn ëd Sardëgna, e dal 1859, an séguit a la riorganisassion aministrativa dël Decret Rattazzi (Lèj n.3702, 23 otóber 1859), a l'é aministrà sota a la Provinsa ëd Lissandria, al Sircondari d'Àich e al Mandament ëd Carpnèj. Aministrassion Ël sìndich a l'é Giancarlo Subbrero (dal 26/05/2014). Arcorense Ant ël temp ëd carlevé a balo jë spadoné e àutri përsonagi ant na dansa motobin articolà ciamà Lachera. Anliure esterne Sit istitussional Arferiment Vista dël pais da l'àut

Aiuto per la lettura Ayuda para la lectura Help for Reading Rintré ant la Piòla Contaté j'Aministrator Lìber për Amprende Coression ortogràfica Tastadura piemontèisa Portaj e Proget Agiut pr'ij Contributor Travajòt sempi