Asics

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

ASICS (アシックス, ashikkusu) a l'é n'asienda d'artìcoj sportiv nàita dël 1949 quandi Kihachiro Onitsuka a l'ha ancaminà a prodùe scarpe sportive a Kobe, an Giapon. Asics a fa scarpe da fótbal, atlética, ténis, cricket, gòlf, wrestling e vàire àutri spòrt. Le scarpe sportive Asics a son ruvà ant jë Stat Unì dël 1977 con ël nòm ëd "Tiger".

A l'achit l'asienda as ciamava Onitsuka Tiger e a fasìa nomach scarpe da bala a sësta peui, ai 21 ëd lùj dël 1977, la società a l'é unisse con la GTO e la JELENK an fasend la ASICS Corporation. Cost nòm a l'era gnente d'àutr che l'acrònim latin "Anima Sana In Corpore Sano", na frase na frisa diferenta da l'original "Mens Sana In Corpore Sano".

Dël 2006, ASICS a l'ha vendù 'd material për 171 miliard, an vagnand an tut 13 miliard. Squasi la metà dël material a l'é stàit vendù an Giapon antramentre che 'l rest a l'é vendusse për ël 18% an América e për ël 29% an Euròpa. Al di d'ancheuj la companìa a l'ha 3800 dipendent.

Sponsorisassion

Asics a l'é sponsor técnich ëd vàire squadre masculin-e e femenine ëd la NAIA e dla NCAA, coma 'dcò ëd le selession nassionàj ëd: Brasil, Canadà, Italia, Giapon, Spagna e Svessia. A l'ha 'dcò sponsorisà ij Gieugh Olìmpich Invernaj nùmer XX ch'a son fasse a Turin.

Anliure esterne

Sit uffisial