Kondrolldaischung

Dialegd: Schbaimarisch

Die Kondrolldaischung (engl. illusion of control) ischn Deng'gfehla unn isch vunde U.S. Psischologin Ellen Langer unnasuchd worre. Die grundleschend Erwed zude Kondrolldaischung vunna,^[1] hoddse gzaischd, dass Laid ofd so hondln, als obse midd dem wasse dun, de Ausgong vun zufellische odda dursch Zufall bschdimmde Eraignss kondrolliere odda va'ännare kennden.

B'griff

Die Kondrolldaischung isch des Gfiehl vunde Laid, wuse hawwen odda krischen, desse die Fehischkaid hawwen, Eraignis kondrolliere zu kenne, wu nochwaislisch nedd b'oiflussd werre kennen.^[2]

Erglärung

Inna Schudje sinn Schdudende middna Virtual-Reality Uffzuch gfahre, umse gesche ihr Hejeonschd zi b'hondle. Denne, wuma gsachd hodd, dasse die Kondroll hedden, hawwen sisch g'nauso gfiehld, wie die wonnse tatseschlisch die Kondroll kabd hedden. Die onnare, dennema gsachd hodd, sie hedden kä Kondroll, hawwen sisch a so gfiehld.^[3] Deswesche deng'gdma, dass die Daischung doher kummd, dassde Laid ohne Selbschdb'obachdung die Oisischd fehld, obse Kondroll iwwa die Eraignis hawwen. Des isch donn a a;s Selbschdb'obachdungsdaischung b'kond. Schdaddesse b'urdailense ihrn Oifluss uffs Gscheje, dursch uuzuvalessische Brozess unn sejen sisch selwa inde Vaondwordung fa des, was do grad bassierd, wus awwa kenn odda bloßn gleene urseschlische Zommehong hodd.

Wirgung

Laid, wu dem erlischen, iwwaschedzn ihr Fehischkaide massiv, Oifluss uff Vorgäng nemme oddase kondrolliere zu kenne. Im Gliggsschbiel glaawen Laid donn zum Baisbiel, dassede Ausgong vum Schbiel b'oiflusse kennen, a wonns nochwaislisch roin zufellisch isch unn deswesche ganedd b'oiflussd werre konn.^[4]

Zum Baischbiel schedzen Laid ihr G'winnschose baim Loddo heha oi, wonnse die zahle selwa g'wehld hawwen. Gons allg'moin hodd sisch g'zaischd, dass Laid on ihr Kondroll unn Oifluss uff Eraignis glaawen, wonse irschdwass mache kennen. Wonnde Vasuchsuffbau sog'nonnde skill cues kabd hodd, des sinn Elemend, wu midd bschdimmde Ferdischkaide vabunne sinn, wie Auswehle, Kongurriere, sich middem Vorgong vadraud mache odda Endschaidunge dreffe, alla die Laid was zu due kabd hawwen, donn hawwense a g'glabd, dasse Zufallseraischnis kondrolliere unn b'oiflusse kennen.

Schbiela naischen baimem Werflschbiel d'zu schderga zu werfle, wonnse hohe Zahle hawwe wollen, unn waischa fa gleene Zahle. Innem Experimend sinn Vasuchspersone do'd'vu iwwazaischd, dasse än vollschdändisch zufellische Minswurf b'oiflusse kennen. Wonnse ä Serie vun Minswirf erfolschraisch vorausgschad hawwen, hawwense ogfonge zu glaawe, dasse guud roode kennen, alla hellsejarisch Fehischkaide hawwen unn dasses wischdisch isch sisch jedz bloß nedd ableng'ge zu losse.

Gugschd a uff

A. Bandura: Human Agency in Social Cognitive Theory. In: American Psychologist. Band 44, Nr. 9, 1989, S. 1175–1184.
A. Bandura: Self-efficacy: The exercise of control. W.H. Freeman and Company, New York 1997.
M. Fenton-O’Creevy, N. Nicholson, E. Soane, P. Willman: Traders - Risks, Decisions, and Management in Financial Markets. 2005, ISBN 0-19-926948-3.
M. Fenton-O’Creevy, N. Nicholson, E. Soane, P. Willman: Trading on illusions: Unrealistic perceptions of control and trading performance. In: Journal of Occupational and Organisational Psychology. Band 76, 2003, S. 53–68.
P. M. Gollwitzer, R. F. Kinney: Effects of Deliberative and Implemental Mind-Sets On Illusion of Control. In: Journal of Personality and Social Psychology. Band 56, Nr. 4, 1989, S. 531–542.
J. M. Henslin: Craps and magic. In: American Journal of Sociology. Band 73, 1967, S. 316–330.
C. R. Knee, M. Zuckerman: A nondefensive personality: Autonomy and control as moderators of defensive coping and self-handicapping. In: Journal of Research in Personality. Band 32, Nr. 2, 1998, S. 115–130.
E. J. Langer, J. Roth: Heads I win, tails it's chance: The illusion of control as a function of the sequence of outcomes in a purely chance task. In: Journal of Personality and Social Psychology. Band 34, 1975, S. 191–198.
E. J. Langer: The Illusion of Control. In: D. Kahneman, Paul Slovic, A. Tversky (Hrsg.): Judgment Under Uncertainty: Heuristics and Biases. Cambridge University Press, New York 1982.
R. Pacini, F. Muir, S. Epstein: Depressive realism from the perspective of cognitive-experiential self-theory. In: Journal of Personality and Social Psychology. Band 74, Nr. 4, 1998, S. 1056–1068.
S. E. Taylor, J. D. Brown: Illusion and Well-Being - a Social Psychological Perspective On Mental-Health. In: Psychological Bulletin. Band 103, Nr. 2, 1988, S. 193–210.
Daniel M. Wegner: The illusion of conscious will. MIT Press, Cambridge, MA 2002.
G. Whyte, A. Saks, S. Hook: When success breeds failure: The role of self-efficacy in escalating commitment to a losing course of action. In: Journal of Organizational Behavior. Band 18, 1997, S. 415–432.

Vawais

↑ Ellen Langer: The illusion of control. In: Journal of Personality and Social Psychology. Vol. 32, Nr. 2, 1975, S. 311–328.
↑ Thompson, Suzanne C. (1999), "Illusions of Control: How We Overestimate Our Personal Influence", Current Directions in Psychological Science, 8 (6): 187–190, doi:10.1111/1467-8721.00044, JSTOR 20182602, S2CID 145714398
↑ Christin Hobbs, Honeycutt, Kreiner, Brockman Hinds, The Illusion of Control in a Virtual Reality Setting, North American Journal of Psychology, 2010, 12(3)
↑ Vyse, Stuart A. (1997), Believing in Magic: The Psychology of Superstition, Oxford University Press US, ISBN 978-0-19-513634-0

[1] Ellen Langer: The illusion of control. In: Journal of Personality and Social Psychology. Vol. 32, Nr. 2, 1975, S. 311–328.

[2] Thompson, Suzanne C. (1999), "Illusions of Control: How We Overestimate Our Personal Influence", Current Directions in Psychological Science, 8 (6): 187–190, doi:10.1111/1467-8721.00044, JSTOR 20182602, S2CID 145714398

[Virtual_Reality_Illusion_of_Control-3] Christin Hobbs, Honeycutt, Kreiner, Brockman Hinds, The Illusion of Control in a Virtual Reality Setting, North American Journal of Psychology, 2010, 12(3)

[4] Vyse, Stuart A. (1997), Believing in Magic: The Psychology of Superstition, Oxford University Press US, ISBN 978-0-19-513634-0

[1]

[2]

[3]

[4]