Bockrem

Wappe	Daitschlandkard
	49.6047222222228.1825160
Basisdate
Dialekt:	Rhoifrängisch
Hääptvariant:	Pälzisch
Bunnesland:	Rhoilond-Palz
Landkrääs:	Dürkheim
Vabandsgmäänd:	Grienschdadd-Land
Heche:	160 m ü. NHN
Fleche:	11,2 km²
Aiwohner:	2097 (31. Dez 2013).
Bevelkerungsdicht:	187 Eiwohner je km²
Boschtläätzahl:	67278
Voawahl:	06359
Kfz-Kennzääche:	DÜW
Gmäändschlüssel:	07 3 32 006
Gmäändgliderig:	2 Ordsdeel
Adress vun de Verbandsverwaltung:	Industriestraße 11 67269 Grünstadt
Websait:	www.bockenheim.de
Ortsbürgermeister:	Kurt Janson
Laach vun de Ortsgemeinde Bockrem im Landkrääs Derkem
Kard

Bockrem (amtlich Bockenheim) is en Ort in de 1972 gebild Verbandsgemää Grienschdadd-Land im Londkrääs Derkem im ehemålige Regierungsbeziag Palz. Es laid im Nordweschde vun de europäisch Medropolregion Rhoi-Negga.

Laach unn Endschdehung

Es pälzisch Winzerdorf Bockrem mit seine viele alde Heef laid am Afang vun de 85 km lang Deitsch Woischdroos. Bockrem is zammegewachse aus Groosbockrem un Klääbockrem.

Bockrem laid an de B271 unn hot iwwer de Bohnhof Bockrem-Kinnerem Ohschluss an die Bahnstreck vun Munsem nooch Grienschdadt.

Gschischd

Bockrem is erschd 1956 dorsch zammelejung vun de Ordsdääl Groosbockrem unn Klääbockrem endschdånne. Baide Siedlunge sinn noch de frängische Londnahm aus klääne ÕÕsiedlunge endschdånne, welle sisch aus frängische Gudshef endwiggeld hawwe. Baide Orde sinn 770 im Lorscher Codex es erschdemol erwähnd worre.

Im Pälzische Baurekriesch 1525 hot sisch in Bockrem de Bockremer Haufe gebild, weller sisch de annere Uffschdännische õõgschlosse hot.

Bis 1969 hot Bockrem zum Londkrääs Frongedahl gherd, weller awwa im selwe Johr uffgeleesd worre is. Die Gemää is donn zum naigschaffene Londkrääs Derkem kumme unn 1972 zur naie Verbondsgemää Grienschdadd-Lond. (amtlich Bockenheim)

Gemäänderaad

Die Wahle zum Gemääneraat vum 13. Juni 2004 hatten folgendes Ergebnis:

1. SPD 47,3 % ( 1,3 %) / 8 Leid ( 1)
2. CDU 28,1 % ( 2,4 %) / 4 Leid (=)
3. FWG 24,6 % (-3,7 %) / 4 Leid (-1)

Paddnaschafde

Bockrem hot ä Paddnaschafd midd em fronzesische Ord Grandvilliers im Département Oise.

Sehenswirdischkaide unn Kuldur

Haus vun de Daitsch Woischdroos

Ausm 11. Johrhunnerd is de Torm vun de Maddinskärsch erhalde. Daneewe sinn die Iwwerreschde vun Emischsbursch vun de Loininger Grafe, welle noo de erschde Zerschderung als Schloss widda uffgebaud worre is unn en zwäddes Mol zerschderd worre is.

1995 hot mer als Gejeschdigg zum 1936 erbaude Daitsche Woitor in Schwaische, welles es Siedend vun de Daitsche Woischdrooß markierd, es Haus vun de Daitsche Woischdrooß arischded. Dohinn is en Restaurant midd 120 Plädz midd Seeterrass unn mehrere Verõõschdaldungsraim.

In Bockrem dudd said 1953 jede Oggdowa de Pälzische Mundarddiscchdaweddschdraid schdaddfinne. Bai de annem Maiwocheend schdaddfinnende Mundarddaache werd iwwer Mundarde unn referierd unn dischgudierd

Wärdschafd unn Infraschdruggdur

Bockrem is en aldes Winzadorf, wo said 1200 Johr Woireewe åågebaud werre. De Woibau is aa haid noch de wischdigschde Wärdschfdszwaig im Ord. ÕÕgebaud werd uff ä Fläsch vun 400 Heggdar, was mehr als en Driddl vun de gonze Ordsfläsch is.

Iwwer die B271, welle midde dorsch de Ord gehd, hot mer Õõschluss zur seggs Kilomeder ssiedlische gelejene A6 (Monnem-Saarbrigge). Esdlisch vum Ord duud die Båånschdregg vun de Pälzische Nordbåån Monsem-Grinnschdadt verlaafe. De Haldepungd Bockrem-Kinnrem werd vun Reschionalbååne bediend. De effendlische Nååvakea liesch im Tarifgebied vum VRN.

Websaide

•  Commons: Bockrem – Sammlung vun Bilder, Video un Audiodataie
• Gemää Bockrem
• Informadsione iwwer Bockrem
• Bockremer Gschischd
• Informadsione iwwer Bockrem