Waterpolo
| Supkategoria di | deporte di ekipo, deporte akuátiko, wega di bala, Olympic sport  |
|---|---|
| Fecha di fundashon òf kreashon | 19. century |
| Deporte | deporte akuátiko |
| Authority | World Aquatics |
| Pais di orígen | United Kingdom of Great Britain and Ireland |
| Praktiká pa | water polo player, water polo coach |
| Ta utilisá | water polo ball |
| Simbolo Unicode | 🤽 |
| Alternative name | Waasserpolo |
Waterpolo ta un deporte akuátiko ku ta wòrdu hungá den tim. E partido ta konsisti di 4 kwart (òf periodo) den kua kada ekipo ta purba di skor gol dor di tira e bala den gol di e oponente i e ekipo ku mas gol na final di e partido a gana e partido. Un ekipo ta konsistí di 6 hungadó den vèlt i un kiper. Ekiponan mag tin hungadónan adishonal pa substituí e hungadónan den vèlt i un kiper pa substituí e kiper den vèlt. Normalmente waterpolo ta kedá hungá den un pisina hundu (normalmente unu di 1,8 m hundu òf 5,9 pia) i hungadónan ta rekeri kondishon i ambishon.
Waterpolo ta un deporte di kontakto. Foulnan menor ta sosodé frekuentemente i exclusion fouls (den kua e hungadó ta keda suspendé for di wega pa 20 sekònde) ta komun.
Aparatura spesial pa waterpolo ta inkluí un bala di waterpolo, kual ta drif riba awa; cap ku number i koló; i dos gol, kual sea ta drif riba awa òf ta mará na kantu.
E wega ta konsisti di landamentu (ku of sin e bala), uzando un forma spesial di miho konosí komo e eggbeater kick of "fiets", tiramentu, fangumentu i tiru riba gol. Tur esaki mester sosode uzando un solo man. Kada ekipo ta konsistí di 6 hungadó den vèlt i un kiper. Ku eksepshon di e kiper, tur hungadó ta partisipa den atake i defensa. Apresiabel ta pa kada hungadó tin tambe e abilidat di hungá den tur rol ofensivo i defensivo.
Tin bisá ku e wega a origina na Schotland den kabamentu di siglo 19 komo sifuera un estilo di "rugby den awa" Ta kredita William Wilson komo inventor di e deporte. Pues e wega a sigui krese ku formashon di e London Water Polo League i despues a sigui ekspande i krese, birando popular den varios país mundialmente, notabelmente Europa, Merka, China, Canada i Australia.