Turbina di biento
| Supkategoria di | architectural structure, power station, electric power source  |
|---|---|
| Parti di | wind farm |
| Nomber kòrtiku | ВЭУ |
| Ta kousa | wind turbine noise |
| Fecha di descubrimento of invencion | 1887 |
| Hashtag | Windkraftanlage |
| Karakterisá pa | height |
| Source of energy | wind power |
Un turbina di biento ta un turbina cu ta converti biento den electricidad pa medio di un generator. Esaki ta distingui e turbina di biento moderno for di e molina di biento tradicional, cu ta uza energia mecanico directamente pa, por ehempel, mula trigo of pomp awa. Turbinanan di biento ta birando dia pa dia mas importante como fuente di energia renobabel y ta wordo uza den hopi pais pa reduci costo di energia y dependencia riba energia fossiel. Ta uza turbina di biento mas tanto den parkenan di molina di biento.
Clasificacion
[editá | editá fuente]Dependiendo di su construccion y capacidad turbinanan di biento ta wordo parti den e siguiente tamaño:[1]
- chikito (of mini-turbina di biento) cu un mast te maximo 15 m halto y un capacidad di 0,5 te 10KW (kilowatt).
- mediano cu un mast for di 15 m halto y un capacidad di 10 te maximo 300KW.
- grandi cu un capacidad mas grandi cu 300KW; versionnan mas recien ta alcansa capacidadnan te 12 MW (megawatt).
Impacto ambiental
[editá | editá fuente]E turbina di biento sa tin impacto ambiental, apesar cu e ta un fuente di energia renobabel y cu su operacion no ta dañino pa medio ambiente. Tin hende cu ta considera cu turbinanan di biento ta ocaciona hopi ruido y tin un aparencia no-atractivo. Sinembargo, nan no ta wordo coloca mas cerca cu 300 m for di casnan residencial. Cu e distancia aki e zonido di un turbina di biento no ta mas duro cu e zonido averahe di un airco di cas.[2]
.jpg)
Introduccion na Islanan ABC
[editá | editá fuente]E prome turbinanan di biento ta wordo introduci na Antias Hulandes meymey di decada 1980 pa produci energia alternativa na un escala mas grandi. Na 1984 ELMAR Aruba a instala patras di su oficina den Wilhelminastraat e prome turbina di biento di Aruba cu capacidad di 60KW como proyecto di prueba.[3] Den e mesun aña e base militar di Marina Real na Kòrsou tabata dispone caba di un turbina di biento cu un capacidad di 300KW pa genera energia pa uzo propio.[4] Ambos proyecto no a duna e resultadonan spera y na 1989 ELMAR a desmantela e molina.[5]
Dia 18 di september 1985 Kodela NV, e compania di distribucion di awa y electricidad na Corsou awendia bou nomber di Aqualectra, a inaugura un turbina di biento di 30 m halto cu capacidad di 300KW riba e plano di San Pedro na Hato.[6]
Aunke for di 1986 WEB Boneiru a propone pa introduci e sistema di turbina di biento esaki no e keda realisa te 1993 ora e prome molina na Sorobon a keda entrega.[7][8]
Mira tambe
[editá | editá fuente]Link externo
[editá | editá fuente]- (en) www.windpowerorg Guided Tour on Wind Energy
- Global Wind Energy Council
- World's Largest Wind Turbine
- Harvesting the Wind (45 charla tocante turbina di biento pa profesor Magdi Ragheb
Fuente, nota i/òf referensia
|