Soto
| Soto | ||
|---|---|---|
Pueblo di  Kòrsou
| ||
| ||
| Divishon atministrativo | ||
| Pais | Kòrsou
| |
| Distrito | Bandabou | |
| Koordinatonan | 12°16′N 69°6′W / 12.267°N 69.100°W | |
| Geografia | ||
| Elevashon | 41 meter | |
| Mapa detayá di Soto | ||
| ||
Imágennan riba  Wikimedia Commons
| ||
| [Editá Wikidata] · [Manual] | ||
Soto ta un lugá chikitu den nort di Kòrsou, un área ku popularmente ta referí na dje komo Bandabou. E ta serka di e bahia di Santa Martha, un bahia hundu na e kosta nortost di e isla. E pueblo chikito di Santa Cruz ta situá net nortwest di Soto. Barber ta situá na nortost di Soto, na e otro banda di e kadena di seru ku ta ekstendé riba gran parti di e largura di e isla.
Historia
[editá | editá fuente]Soto a originá for di dos plantashon: Klein i Groot Santa Martha. E nòmber ta data for di e periodo spañó, i e plantashonnan tabata eksistí for di 1696, enbolbí den produkshon di salu i e kolekshon di baliña di dividivi pa prosesá kueru.[1]
E pueblo di Soto a lanta, despues di e abolishon di sklabitut na 1863, rònt di e skol fundá pa e mishon katóliko na 1848. Na 1925 un misa a wòrdu konstruí den e pueblo. Un konvento i un internat a wòrdu agregá despues banda di e misa.[2]
Den añanan 1940, e plantashon di Klein Santa Martha a wòrdu kumprá pa lanta un koperativa agrikultural ku Helfrichdorp komo su núkleo, pero e proyekto a frakasá i e área a kai den dekadensia.[3] Na 1995, e Fundashon di Kuido di Monumento a kuminsá restorá Klein Santa Martha.[4]
Resumen
[editá | editá fuente]Soto ta un lugá chikitu ku un bahada leve di poblashon. E ta un di e áreanan mas pober di Kòrsou.[5] E fasilidatnan di e pueblo ta rasonabel i e tin un funshon regional ku un skol básiko, tiendanan, klínika i misa.[6]
Na e bahia ta situá na e playa ku yama Playa Santa Martha. Na kaminda pa e playa, un seru ta ofresé un bista panorámiko di e laguna. E kompleho turístiko Sunset Waters a wòrdu konstruí riba e playa, pero ta bandoná i deteriorá.[7][8]
Fuente, nota i/òf referensia
|