Prehistoria

E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.

Prehistoria 3 mion aña pasa –3300 a.K.
Eskultura diseña cu piedra den wesu di animal.
Prehistoria
Époka plioceno Evolushon humano
Edat antiguo
Edat media
Renasementu
Edat moderno
Imágennan riba Wikimedia Commons

Prehistoria (di latin: præ-, "antes di", i di historia, "historia, investigashon, notisia", e último prosedente di griego: ιστορία) ta un periodo den e historia di e ser humano. Segun e definishon tradishonal e ta for di e tempu ku e promé hominidonan, antesesornan di Homo sapiens, a aparesé te e tempu ku a haya prueba di eksistensia di dokumentonan skirbí, algu ku a sosodé promé den Medio Oriente serka di 3300 a.K., i despues den resto di e planeta. No opstante prehistoria, den su sentido klásiko, tin un konekshon ku un prehistoria ligá na historia natural. Segun otro outornan, den algun region di mundu prehistoria lo a termina mas promé; esta for di e aparishon di sosiedatnan kompleho, ku na nan turno a duna lugá na e promé estado i sivilisashonnan.

Mapa mundial di migrashon di Homo sapiens, ku e Polo Norte komo sentro. E patronnan di migráshon ta basá riba estudio di ADN mitokondrial (matrilineal). E sifranan ta representá miles di aña. Afrika ta e punto di partida, lesa for di e parti ariba robes te na Sur Amérika na e parti drechi.