Pintura di paisahe

E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.

Paisahe ku Charon ta krusa e Styx, 1515–1524, un pintura di historia pa e flandes, Joachim Patinir (1480–1524), e pionero den e estilo di paisahe mundial.

Pintura di paisahe òf arte di paisahe ta presenta paisahenan natural, manera seru, vaye, mondi, kunukunan, kosta i kurpanan di awa. E obranan di arte aki por inkluí tambe figuranan òf strukturanan konstruí na man, ounke e medio ambiente natural ta keda e tema prinsipal. E shelu kasi semper ta inkluí e wer ku ta agregá na e gemut di e komposishon.

Miéntras ku elementonan natural a aparesé den arte for di tempu antiguo i klásiko, pintura di paisahe komo un género independiente no a aparesé den e tradishon osidental te ku e Renasementu di siglo 16. Na kontraste, den e tradishon oriental, e género ta data for di China di siglo 4 d.K. Den arte di Oost Asia, paisahenan tabata karga nifikashon spiritual, influensiá pa Daoismo i otro tradishonnan filosófiko. Na kontraste, arte di paisahe osidental no a abarká temanan spiritual eksplísitamente te na e era romántiko.

Paisahenan den arte por ta sea imaginario òf basá riba lugánan real, ku diferente grado di eksaktitut. Ora un pintura su propósito prinsipal ta pa presenta un lugá spesífiko, normalmente, ku edifisionan prominentemente, e ta wòrdu yamá un bista topografiko. Bistanan asina, tabata komunmente reprodusí komo un drúk den mundu Oksidente, i histórikamente tabata wòrdu konsiderá ménos prestigioso ku paisahenan di arte bunita, ounke e distinshon aki no ta semper kla. Aktitutnan similar tabata eksistí den arte Chines, kaminda pintornan di pintura literati tabata krea paisahenan imaginario, miéntras ku artistanan profeshonal tabata presentá esenanan real.

Historia

E Fresku di primavera di Akrotiri, ta e úniko pintura di muraya hañá na e sitio na Santorini, ku ta kubri tres muraya di e mesun kamber

Yagemento den kaña di papiro, rònt di 1350 p.K., un mural parsial di e tumba di Nebamun

Un fresku di hardin di e villa di Livia, Roma

Kana rònt den primavera (rònt di aña 600), un pintura di género artístiko, shan shui blou-bèrdè pa artista chinese Zhan Ziqian

Paisahenan di e kuater temporadanan, un pintura literati pa artista chines Shitao (1642–1707)

E promé formanan di arte rònt mundu masha poko tabata presentá paisahenan, ounke tin bia nan tabata inkluí indikashon di liñanan di tera òf horizonte, serunan, pal'i mata, òf otro karakterístikanan natural. E promé "paisahenan puru" konosí, obra di arte sin figuranan humano, ta e freskunan di arte Minoico, ku ta data di alrededor di 1500 p.K.

Esena di yagmentu, manera esnan di riu Nilo di Egipto antiguo, hopi biaha ta lanta ku'ne un sensashon pa ku e lugá. Sinembargo, nan enfoke ta sinta riba mata individual, figura humano, i bestia en bes di e ambiente di paisahe mas amplio. Un ehèmpel notabel ta e freskunan di e tumba di Nebamun ku ta data alrededor di 1350 p.K.

Kreashon di presentashonnan di paisahe koherente ta rekerí algun sistema di perspektiva òf eskala pa distansia. Evidensia literario ta sugerí ku e téknika aki a wòrdu desaroyá pa promé biaha durante e periodo helenístiko den Gresia antiguo, ounke no a resta ehèmpelnan di eskala grandi. Ehemplarnan mas táktil ta wòrdu hañá den arte romano antiguo, kuminsando den siglo 1 p.K. Freskunan, di sitionan manera Pompeii i Herculano, huntu ku mosaik ta presenta paisahenan detayá.

Den arte Chines, e estilo di pintamentu di paisahe medio di ink, shan shui ("awa di seru"), ta mustra paisahenan "puru". Hopi bes esakinan ta inclui djis un persona cu sabiduria of un hut chikitu pa mustra bida humano, cu fondonan detaya y cu masha poco figura. E tipo di pintura aki tabata un parti importante di arte Chines i ta wòrdu altamente balorá i kopiá.

Tantu tradishonnan romano komo chines frekuentemente tabata portretá panoramanan grandi imaginario, en kuadrá pa serunan impreshonante. Paisahenan chines frekuentemente tabata presentá pa waterval, miéntras ku obranan romano tabata inkluí laman, lago òf riu. E panoramanan aki a sirbi pa konektá esenanan di promé plano ku esenanan den fondo, solushonando e reto artístiko di konekta e serka i e mas aleu. E chinesnan tabata evitá e asuntu aki dor di presentá solamente bista leu òf usando neblina i "tera morto" pa skonde e transishonnan.

Un distinshon klave entre pintura di paisahe den Ost Asia i Oksidente ta sinta den nan status kultural. Den mundu oksidente, arte di paisahe tabatin un posishon abou den e herarkia di géneronan te ku siglo 19. Na kontraste, pinturanan chines di shan shui tabata wòrdu konsiderá e forma di mas altu di arte visual. Teorianan estétiko den tur dos region a priorisá imaginashon: den mundu oksidente, esaki a elevá pintura di historia, miéntras ku den Ost Asia, el a elevá e kreashon di paisahenan imaginario. Artistanan di paisahe renombrá chines i hapones tabata amatùrnan di pintura literati, inkluyendo emperadornan, ku tabata kombiná ekspreshonnan poétiko i artístiko.

Den arte oksidental, ora ta apropiá, pinturanan di historia tabata inkorporá fondonan di paisahe ekstenso. E integrashon aki a permití pintura di paisahe krese komo un género. Pa siglonan, artistanan a elevá paisahenan na e status di pinturanan di historia dor di agregá figuranan chikitu pa krea esenanan di kuenta religioso òf mitológiko.