Jump to content

Amigoe

Di Wikipedia, e ensiklopedia liber
E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.
Amigoe
Fecha di fundashon òf kreashon1883 Editá
TítuloAmigoe Editá
Miembro diInter American Press Association Editá
Place of publicationKòrsou Editá
Pais di orígenHulanda Editá
Idioma di obra/nomberHulandes Editá
Newspaper formatbroadsheet Editá
Wèpsait ofisialhttp://www.amigoe.com Editá
Zona di operashonKòrsou, Boneiru Editá

Amigoe ta un korant vespertino di Kòrsou na idioma hulandes. E ta wòrdu distribuí tantu na Kòrsou, Aruba, Boneiru i Hulanda. E korant ta esun mas bieu den eksistensia na Kòrsou.[1]

Historia

[editá | editá fuente]

E korant, inisialmente ku e nòmber Amigoe di Curaçao, a ser fundá na desèmber 1883 dor di kleronan di e Orden di Dominikano. El a inisia komo revista semanal katóliko pa e islanan di Kolonia Kòrsou. E promé edishon a sali publiká dia 5 di yanüari 1884 bou enkargo di redaktor pater Jordanus Onderwater.[2][3] E sirkulashon na Aruba ta kuminsa na 1884.[4] Inisialmente e korant tabata sali semanalmente na idiomanan hulandes i papiamentu.[5] Komo e kombinashon di idioma tabata un problema a lanta La Cruz komo korant na papiamentu. Na 1935 a kuminsa publiká dos bes pa siman, esta riba djarason i djasabra.[6] Entrante 1 di mart 1941 Amigoe a bira un diario ku publikashon tur dia eksepto djadumingu.[7] Dia 8 di yanüari 1985 a funda un version riba Internet di e korant.[8]

Fin di añanan setenta di siglo 20 e korant a keda transferi na aksionistanan priva, entre nan e kompania CITCO.[1] Seguidamente e ta wòrdu atkerí pa Jackie Voges, kende a dirigí esaki pa basta aña.[9] Aktualmente Michael Voges ta direktor. Norman Serphos tabata hefe di redakshon di mei 2019 te 1 di yanüari 2024.[10]

Amigoe ta establesé na Kaya Fraternan di Skèrpènè z/n, Scherpenheuvel.

Eks-redaktor i reporteronan

[editá | editá fuente]
[editá | editá fuente]
For di "https://pap.wikipedia.org/w/index.php?title=Amigoe&oldid=131460"