Aeropuerto Hato
 |
E articulo of seccion aki no ta referi na ningun fuente di publicacion acredita. Por fabor yuda haci e artikulo aki miho door di añadi fuentenan konfiabel. |
Mira Hato (pagina di referencia) pa un otro nificacion di topico.| Aeropuerto Internashonal Hato | ||||||||
|---|---|---|---|---|---|---|---|---|
| ||||||||
| ||||||||
| Lokalisashon | ||||||||
| Ta sirbi | Willemstad | |||||||
| Elevashon | 9 meter | |||||||
| Koordinata | 12°11′20″N 68°57′36″W / 12.18889°N 68.96000°W | |||||||
| Informashon básiko | ||||||||
| Tipo | Públiko | |||||||
| Situá na Kòrsou | ||||||||
| ||||||||
| Pista | ||||||||
| ||||||||
| Wèpsait | ||||||||
| Wèpsait ofisial | ||||||||
Imágennan riba  Wikimedia Commons
| ||||||||
| [Editá Wikidata] · [Manual] | ||||||||
Aeropuerto Internashonal Hato òf Aeropuerto Hato, ofisialmente Curaçao International Airport, ta e aeropuerto di Kòrsou ku ta situá na Hato, parti nort di e isla, 12 kilometer di Willemstad. E aeropuerto tin servisio pa Norteamérika, Sur Amérika, Oropa i Karibe ku un largura di pista di aterisahe ku ta hasi e aeropuerto number sinku di Karibe.
Historia
[editá | editá fuente]Inisialmente e aeropuerto tabata konosi komo "Vliegveld Hato Airport", segun e área den serkania, Hato. Dia 5 di yanüari 1954 e ta wòrdu duná e nòmber ofisial "Dr. Albert Plesman Airport", na honor di e direktor di KLM ku resien a fayesé. Popularmente e tabata wòrdu yama Aeropuerto Plesman of Plesman Airport, mientras e nomber di Hato tambe e keda den uso, hasta te awe. Na 1976, ku e desishon pa kambia e struktura hurídiko di e aeropuerto i ekspande su fasilidatnan, e disidí tambe di kambia e nòmber ofisial pa "Curaçao International Airport".[1]
Durante Di Dos Guera Mundial Aeropuerto Hato tabata un di e aeropuertonan mas importante den e área di Karibe.
E aeropuerto tabata un hub pa Dutch Antilles Expres i Antilliaanse Luchtvaart Maatschappij ku despues a bira Air ALM i su suksesor Dutch Caribbean Airlines te ora DCA a bai bankrut den 2004. Awendia e ta un base pa Insel Air i Divi Divi Air.
Terminal
[editá | editá fuente]Aeropuerto Hato tabata usa un terminal mas chikitu ku a wòrdu inougurá dia 1 di mart 1947 pa Gobernador Kasteel. Despues di tempu el a bin sera su portanan na kuminsamentu di 2006.
Na aña 2006 un terminal nobo a habri ku un kapasidat di 1,6 mion pasahero pa aña, ekipá pa tur tipo di avion. Ku e terminal nobo akí e aeropuerto ta purba mantené su bon reputashon riba tereno di efisiensia, komodidat i seguridat. Banda di esaki e aeropuerto konosé dos terminal di kargo ku un kapasidat di 11.000 tòn.
Kompania aéreo i destino
[editá | editá fuente]Aerolineanan ku ta sirbi Aeropuerto Hato ta bula destinonan prinsipalmente den Karibe i Sur Amérika ku flotanan chikitu te medio grandi. Esunnan ku mas moveshon i ku ta transportá mas pasahero ta entre otro Insel Air, KLM Royal Dutch Airlines, American Airlines i Arkefly i Copa Airlines i Jetblue Airways i Air Berlin.
Norteamérika
[editá | editá fuente]- American Airlines (Miami)
- JetBlue Airways (New York) kuminsando den desember
- Insel Air (Miami, Charlotte)
- Air Canada (Montréal–Trudeau)
Sur Amérika
[editá | editá fuente]- Estelar Airlines (Caracas)
- Avianca (Bogotá)
- Avianca/Aerogal (Bogotá)
- Avior Airlines (Caracas, Maracaibo [Venezuela] )
- Insel Air (Las Piedras/Punto Fijo, Paramaribo/Zanderij, Valencia [Venezuela] )
- Surinam Airways (Paramaribo/Zanderij,Port of Spain)
Karibe
[editá | editá fuente]- Divi Divi Air (Kralendijk, Boneiru)
- Z Air (Kralendijk, Boneiru)
- Insel Air (Kingston, Kralendijk, Boneiru], Oranjestad [Aruba], Philipsburg Sint Maarten, Port-au-Prince, San Juan Puerto Rico, Santo Domingo-Las Américas, La Romana Republika Dominikano
- Surinam Airways (Port of Spain, Paramaribo)
- Insel air Aruba (Georgetown, Aruba, Caracas, (Charter: St.Maarten)
Oropa
[editá | editá fuente]- Arkefly (Amsterdam)
- Blue Panorama Airlines (Milan-Malpensa) temporal
- KLM (Amsterdam)
- Air Berlin (Dusseldorf)
Servisionan temporal
[editá | editá fuente]- Air Canada Toronto
- Sunwing Airlines Toronto
- Wesjet Airlines Toronto
- GOL Airliners Sao Paulo, Caracas
Servisionan charter
[editá | editá fuente]- Insel Air
- Havana, Cuba
- Manaus, Brasil
- Orlando, Merka
- Panamá-stat, Panama
- Punta Cana, Republika Dominikano
- San José, Costa Rica
- Z Air
- Aruba
Karga
[editá | editá fuente]- Amerijet International
- Cargolux
- DHL Aero Expreso
- FedEx
- Líneas Aéreas Suramericana
- Lufthansa Cargo
- Martinair Cargo
Infrastruktura i servisio
[editá | editá fuente]
Pista di aterisahe
[editá | editá fuente]Aeropuerto Internashonal Hato tin un solo pista di direkshon 11/29 ku un largura di 3.410 meter i 60 meter di hanchura. 3.410 meter ta sufisiente pa por akapará tur tipo di avion den tur tipo di kondishon. Pista 11 tin 2.580 meter disponibel pa aterisá i 3.410 meter pa despehá ku un altura di 8 meter. Pista 29 tin 3.410 meter disponibel pa tantu aterisá komo despehá ku un altura di 9 meter.
Akseso
[editá | editá fuente]Transporte públiko
[editá | editá fuente]Aeropuerto Internashonal Hato tin un konekshon ku sentro di suidat pa medio di konvoi 2A, 2B òf 2C . Konvoi Punda-Hato-Souax ta hiba bo aeropuerto kada ora ku un durashon di kasi un ora. Servisio riba e trayektoria den siman i riba djasabra ta kuminsá for di 06:15 di mainta i ta terminá 10:15 di anochi. Riba djadumingu konvoi ta kore for di 08:15 di mainta te ku 10:15 di anochi. Konvoi 4B Otrobanda-Hato-Souax ta hiba bo aeropuerto kada ora saliendo for di 06:30 di mainta te 10:30 di anochi den siman i riba djasabra so. [1]
Wak tambe
[editá | editá fuente]Fuente, nota i/òf referensia
|