ଅମିୟ ରଞ୍ଜନ ପଟ୍ଟନାୟକ
ଅମିୟ ରଞ୍ଜନ ପଟ୍ଟନାୟକ | |
|---|---|
| ବୃତ୍ତି(ସମୂହ) | ପ୍ରଯୋଜକ, ନିର୍ଦ୍ଦେଶକ, ବ୍ୟବସାୟୀ |
| ସକ୍ରିୟ ବର୍ଷ | ୧୯୮୪-୨୦୧୮ |
| ବୈବାହିକ-ସାଥୀ | ସୀମା ପଟ୍ଟନାୟକ |
| ସନ୍ତାନ | ଅନୁପମ ପଟ୍ଟନାୟକ |
ଅମିୟ ରଞ୍ଜନ ପଟ୍ଟନାୟକ (୧୯୫୫ - ୧୯ ଅକ୍ଟୋବର ୨୦୧୮) ଜଣେ ଓଡ଼ିଆ ଚଳଚ୍ଚିତ୍ର ନିର୍ମାତା, ପ୍ରଯୋଜକ, ନିର୍ଦ୍ଦେଶକ ଓ ବ୍ୟବସାୟୀ ଥିଲେ । ପ୍ରଥମ କରି ୮୦ ଦଶକରେ ସେ ଚଳଚ୍ଚିତ୍ର ନିର୍ମାଣ ଆରମ୍ଭ କରିଥିଲେ । ତାଙ୍କ ନିର୍ମିତ ପ୍ରଥମ ଚଳଚ୍ଚିତ୍ର ୧୯୮୪ ମସିହାରେ ନିର୍ମିତ ହାକିମ ବାବୁ ଜାତୀୟ ଚଳଚ୍ଚିତ୍ର ପୁରସ୍କାର ପାଇଥିଲା ।[୧] ପ୍ରଣବ ଦାସଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ରକୁ ରାଜ୍ୟ ଏବଂ ଜାତୀୟ ପୁରସ୍କାର ମିଳିଥିଲା । ୧୯୮୫ରେ ସେ ଓଡ଼ିଆ ଚଳଚ୍ଚିତ୍ର ମମତା ମାଗେ ମୂଲରେ ପ୍ରଥମ କରି ନିର୍ଦ୍ଦେଶନା ଦେଇଥିଲେ । ତାଙ୍କ ନିର୍ମିତ ଆଉ କେତେକ ଜଣାଶୁଣା ଚଳଚ୍ଚିତ୍ର ହେଲା ପୁଅ ମୋର କଳା ଠାକୁର, ଚକା ଆଖି ସବୁ ଦେଖୁଛି, ଆସୁଛି ମୋ କାଳିଆ ସୁନା, ଚକାଡୋଳା କରୁଛି ଲୀଳା, ପରଦେଶୀ ବାବୁ, ରାଜାରାଣୀ ଏବଂ ତୁଳସୀ ଅପା ଆଦି ।[୨] ୨୦୧୫ ମସିହାରେ ମୁକ୍ତିଲାଭ କରିଥିବା ତୁଳସୀ ଅପା ଥିଲା ତାଙ୍କର ଶେଷ ଚଳଚ୍ଚିତ୍ର ପଟ୍ଟନାୟକ ୩୦ ବର୍ଷ ଧରି ଚଳଚ୍ଚିତ୍ର ନିର୍ମାଣରେ ସକ୍ରିୟ ଥିଲେ ।[୩] ସେ ପରୀ ମହଲ ଓ ପରଦେଶୀ ବାବୁ ଚଳଚ୍ଚିତ୍ରର କାହାଣୀ ମଧ୍ୟ ରଚନା କରିଥିଲେ ।[୪] ସେ ଥିଲେ ନିରଞ୍ଜନ ପଟ୍ଟନାୟକ ଓ ସୌମ୍ୟରଞ୍ଜନ ପଟ୍ଟନାୟକଙ୍କ ଭାଇ ।[୫] ତୁଳସୀ ଅପା ଚଳଚ୍ଚିତ୍ର ଲାଗି ସେ ଶ୍ରେଷ୍ଠ ନିର୍ଦ୍ଦେଶକ ଭାବେ ରାଜ୍ୟ ଚଳଚ୍ଚିତ୍ର ପୁରସ୍କାର ପାଇଥିଲେ । ଗୋଟିଏ ମନର କୋଟିଏ ସ୍ୱପ୍ନ ନାମରେ ଏକ ଦୂରଦର୍ଶନ ଧାରାବାହିକ ନିର୍ମାଣ କରିଥିଲେ ।[୬] ଜଣେ ମଞ୍ଚକାର ଭାବେ ସେ ରିଜିଓନାଲ ଇଞ୍ଜିନିୟରିଂ କଲେଜ, ରାଉରକେଲାରେ ଛାତ୍ରାବସ୍ଥାରେ "ଟେକନୋଆର୍ଟସ" ନାମକ ଏକ ମଞ୍ଚଦଳ ଗଠନ କରିଥିଲେ । ସେଠାରେ ସେ ପୃଥକ ପୃଥିବୀ, ବ୍ୟାଭିଚାର ଆଦି ନାଟକ ନିର୍ମାଣ କରିଥିଲେ । ବ୍ୟାଭିଚାର ନିମନ୍ତେ ତାଙ୍କୁ ଲୋକ କଳା ମହୋତ୍ସବରେ ଶ୍ରେଷ୍ଠ ନିର୍ଦ୍ଦେଶକ ପୁରସ୍କାର ମିଳିଥିଲା । ସେ ପ୍ରଥମ କରି ଓଡ଼ିଆ ମଞ୍ଚରେ ପ୍ରଥମ କରି ସ୍ଲୋ ମୋସନ ବୈଷୟିକ କଳା ଆରମ୍ଭ କରିଥିଲେ ।[୧]
୧୯ ଅକ୍ଟୋବର ୨୦୧୮ରେ ଦିଲ୍ଲୀଠାରେ ଅଗ୍ନାଶୟ କର୍କଟ ରୋଗରେ[୧] ଚିକିତ୍ସାଧୀନ ଅବସ୍ଥାରେ ତାଙ୍କର ଦେହାନ୍ତ ହୋଇଥିଲା ।[୭]
ଓଡ଼ିଆ କଥାଚିତ୍ରରେ ଅବଦାନ
[ସମ୍ପାଦନା]- ହାକିମ ବାବୁ - ୧୯୮୫(ପ୍ରଯୋଜନା)
- ପୁଅ ମୋର କଳା ଠାକୁର - ୧୯୮୮(ପ୍ରଯୋଜନା)
- ଚକା ଆଖି ସବୁ ଦେଖୁଛି - ୧୯୮୯(ପ୍ରଯୋଜନା)
- ଆସୁଛି ମୋ କାଳିଆସୁନା - ୧୯୯୮(ପ୍ରଯୋଜନା)
- ଚକାଡୋଳା କରୁଚି ଲୀଳା - ୧୯୯୦(ପ୍ରଯୋଜନା)
- ରାଜା ରାଣୀ - ୧୯୯୯(ପ୍ରଯୋଜନା)
- ପରି ମହଲ - ୧୯୯୯(ପ୍ରଯୋଜନା)
- ମମତା ମାଗେ ମୂଲ - ୧୯୮୫(ପ୍ରଯୋଜନା ଓ ନିର୍ଦ୍ଦେଶନା)
- ପରଦେଶୀ ବାବୁ - ୧୯୯୮(ପ୍ରଯୋଜନା ଓ କାହାଣୀ)
- ତୁଳସୀ ଅପା - ୨୦୧୫(ନିର୍ଦ୍ଦେଶନା)
ଓଡ଼ିଆ ମଞ୍ଚନାଟକରେ ଅବଦାନ
[ସମ୍ପାଦନା]- ବ୍ୟଭିଚାର
- ଏକଲବ୍ୟ
- ପଳାତକ
- ବାରବଧୂ
- ନିଶିପଦ୍ମ
- ମୃଗନାଭି
- ରୁଧୀରକାବ୍ୟ
- ନର୍କରେ ଚହଳ[୮]
ଆଧାର
[ସମ୍ପାଦନା]- ↑ ୧.୦ ୧.୧ ୧.୨ "Odia filmmaker Amiya Patnaik passes away at 63". The New Indian Express. 19 October 2018. Retrieved 20 October 2018.
- ↑ "ବିଶିଷ୍ଟ ଚଳଚ୍ଚିତ୍ର ନିର୍ମାତା ଓ ନିର୍ଦ୍ଦେଶକ ଅମୀୟ ପଟ୍ଟନାୟକଙ୍କ ପରଲୋକ - SamajaLive.in". SamajaLive.in. 19 October 2018. Retrieved 20 October 2018.
- ↑ "ପରଲୋକରେ ଫିଲ୍ମନିର୍ମାତା ଅମୀୟ ପଟ୍ଟନାୟକ". Eenadu English Portal (in Bengali). 19 October 2018. Retrieved 20 October 2018.[permanent dead link]
- ↑ "ଚଳଚ୍ଚିତ୍ର ନିର୍ମାତା ଅମୀୟ ପଟ୍ଟନାୟକଙ୍କ ପରଲୋକ ! | Kanak News". Kanak News. 19 October 2018. Retrieved 20 October 2018.
- ↑ "ବିଶିଷ୍ଟ ଚଳଚ୍ଚିତ୍ର ନିର୍ଦ୍ଦେଶକ ଓ ପ୍ରଯୋଜକ ଅମୀୟ ପଟ୍ଟନାୟକଙ୍କ ପରଲୋକ". khabarodisha.com. 19 October 2018. Retrieved 20 October 2018.
- ↑ Bureau, Odisha Sun Times. "Veteran Odia filmmaker Amiya Patnaik passes away | OdishaSunTimes.com". odishasuntimes.com. No. 19 October 2018. Retrieved 20 October 2018.
- ↑ Singhdeo, Saswat (19 October 2018). "Noted Odia film producer & director Amiya Patnaik passes away". odishatv.in. Retrieved 20 October 2018.[permanent dead link]
- ↑ "ଅମିୟଙ୍କ ସୃଷ୍ଟି ସମ୍ଭାର". No. ସମ୍ବାଦ ୨୯/୧୦/୨୦୧୮ଭୁବନେଶ୍ୱର ସଂସ୍କରଣ ପୃଷ୍ଠା ୪. Retrieved 29 October 2018.[permanent dead link]
ବାହାର ଲିଙ୍କ
[ସମ୍ପାଦନା]- ଇଣ୍ଟରନେଟ ମୁଭି ଡାଟାବେସରେ ଅମିୟ ରଞ୍ଜନ ପଟ୍ଟନାୟକ