ଅନୁଭା ସୌର୍ଯ୍ୟା
ଅନୁଭା ସୌର୍ଯ୍ୟା | |
|---|---|
| ଜନ୍ମ | ଅନୁଭା ସୌର୍ଯ୍ୟା ୧୬ ଜୁଲାଇ ୧୯୯୨ |
| ବୃତ୍ତି | (ଓଡ଼ିଆ) ଅଭିନେତ୍ରୀ |
| ସକ୍ରିୟ ବର୍ଷ | ୨୦୧୧ରୁ-ଏବେଯାଏଁ |
| ପିତାମାତା(s) | ଲଲାଟେନ୍ଦୁ ନାରାୟଣ ଷଡ଼ଙ୍ଗୀ (ବାପା) ପୁଷ୍ପା ପଣ୍ଡା (ମାଆ) |
ଅନୁଭା ସୌର୍ଯ୍ୟା (ଜନ୍ମ: ୧୬ ଜୁଲାଇ ୧୯୯୨, ଖୋର୍ଦ୍ଧା) ଜଣେ ଓଡ଼ିଆ କଥାଚିତ୍ର ଅଭିନେତ୍ରୀ । ସେ ଅଭିନେତ୍ରୀ ପୁଷ୍ପା ପଣ୍ଡାଙ୍କର ଝିଅ । ଅନୁଭା ୨୦୧୧ ମସିହାରେ ହରିହର ଦାସଙ୍କ ସହ ଓଡ଼ିଆ କଥାଚିତ୍ର ମୁଁ ପ୍ରେମୀ ମୁଁ ପାଗଳ ଚଳଚ୍ଚିତ୍ର ଜରିଆରେ ଓଡ଼ିଆ କଥାଚିତ୍ର ଜଗତରେ ପ୍ରଥମ ଅଭିନୟ ଆରମ୍ଭ କରିଥିଲେ ।[୧] ଅନୁଭା ଓଡ଼ିଶୀ ନୃତ୍ୟଗୁରୁ ଗଙ୍ଗାଧର ପ୍ରଧାନଙ୍କ ଅଧିନରେ ଓଡ଼ିଶୀ ନୃତ୍ୟ ଶିକ୍ଷା କରିଥିଲେ । ସେ ଅନେକ ମଞ୍ଚରେ ଓଡ଼ିଶୀ ନୃତ୍ୟ ପ୍ରଦର୍ଶନ କରିଛନ୍ତି ।[୨]
ପ୍ରାରମ୍ଭିକ ଜୀବନ ଏବଂ ଶିକ୍ଷା
[ସମ୍ପାଦନା]ଅନୁଭା ସୌର୍ଯ୍ୟା ୧୯୯୨ ମସିହା ଜୁଲାଇ ୧୬ରେ ଜନ୍ମଗ୍ରହଣ କରିଥିଲେ । ତାଙ୍କର ବାପା ଲଲାଟେନ୍ଦୁ ନାରାୟଣ ଷଡ଼ଙ୍ଗୀ ଜଣେ ଇଞ୍ଜିନିୟର ଏବଂ ମାଆ ପୁଷ୍ପା ପଣ୍ଡା ଜଣେ ଓଡ଼ିଆ କଥାଚିତ୍ର ଅଭିନେତ୍ରୀ । ଅନୁଭାଙ୍କର ଗ୍ରାମ ଖୋର୍ଦ୍ଧାଜିଲ୍ଲାର ଏକ ପାହାଡ଼ପାଖ ରଣାପୁର ଗ୍ରାମରେ । ସେ ଚନ୍ଦ୍ରଶେଖରପୁରର ଡି.ଏ.ଭି ସ୍କୁଲରୁ ବିଦ୍ୟାଳୟ ଶିକ୍ଷାଗ୍ରହଣ କରିଥିଲେ ଏବଂ ପରେ ସେ ସିଲିକନ ବୈଷୟିକ ମହାବିଦ୍ୟାଳୟରୁ ଇଞ୍ଜିନିୟରିଂ କରିଛନ୍ତି ।
ଅଭିନୟ ଜୀବନ
[ସମ୍ପାଦନା]ଅନୁଭା ଜଣେ ଓଡ଼ିଶୀ ନର୍ତ୍ତକୀ । ସେ ଓଡ଼ିଶୀ ନୃତ୍ୟଗୁରୁ ଗଙ୍ଗାଧର ପ୍ରଧାନଙ୍କ ଅଧିନରେ ଓଡ଼ିଶୀ ନୃତ୍ୟ ଶିକ୍ଷା କରିଥିଲେ । ଛୋଟବେଳୁ ସେ ନୃତ୍ୟ ପ୍ରତି ଆଗ୍ରହୀ ଥିଲେ । ସେ ଛୋଟବେଳେ ଓଡ଼ିଆ ଗୀତ ମାଟି ଘୋଡ଼ା ଏବଂ ଆଖିର ଜନ୍ମରେ ଅଭିନୟ କରିଥିଲେ । ସେ କିଛି କାର୍ଯ୍ୟକ୍ରମରେ ଉପସ୍ଥାପିକା ଭାବରେ କାର୍ଯ୍ୟ କରିଥିଲେ ।
୨୦୧୧ ମସିହାରେ ଇଞ୍ଜିନିୟରିଂ କରୁଥିବା ବେଳେ ପ୍ରଥମ ଓଡ଼ିଆ ଚଳଚ୍ଚିତ୍ର ମୁଁ ପ୍ରେମୀ ମୁଁ ପାଗଳରେ ସେ ଅଭିନୟ କରିବାର ପ୍ରଥମ ସୁଯୋଗ ପାଇଥିଲେ ।[୩] ଇଣ୍ଡିଆଜ୍ ଗଟ୍ ଟ୍ୟାଲେଣ୍ଟର ଫାଇନାଲରେ ପହଞ୍ଚିଥିବା ହରିହର ଦାସ ମଧ୍ୟ ଅନୁଭାଙ୍କ ସହ ସେହି ଚଳଚ୍ଚିତ୍ରରେ ପ୍ରଥମ କରି ନାୟକ ଭାବରେ ଅଭିନୟ କରିଥିଲେ ।[୪] ୨୦୧୫ ମସିହାରେ ହିନ୍ଦୀ କଥାଚିତ୍ର କୌନ୍ କିତ୍ନେ ପାନିମେରେ ରାଜକୁମାରୀ ଭୂମିକାରେ ଅଭିନୟ କରିଥିଲେ । ଏହି ଚଳଚ୍ଚିତ୍ର ଜରିଆରେ ସେ ହିନ୍ଦୀ କଥାଚିତ୍ର ଜଗତରେ ଅଭିନୟ ଆରମ୍ଭ କରିଥିଲେ ।
ଏହି ଚଳଚ୍ଚିତ୍ରରେ ମୁକ୍ତିଲାଭ ପରେ ସେ ତାଙ୍କ ପାଠପଢ଼ାରେ ବ୍ୟସ୍ତ ରହିଲେ ଏବଂ ୫ ବର୍ଷ ଯାଏଁ କୌଣସି ଚଳଚ୍ଚିତ୍ରରେ ଅଭିନୟ କରିନଥିଲେ । ୨୦୧୬ ମସିହାରେ ଅନୁଭାଙ୍କ ଅଭିନୀତ ତିନୋଟି ଚଳଚ୍ଚିତ୍ର ମୁକ୍ତିଲାଭ କରିଥିଲା ।[୪] ଅଭିନେତା ପୁପିନ୍ଦର ଏବଂ ଲିପ୍ସା ମିଶ୍ରଙ୍କ ଅନୁଭା ସମୟ ବଡ଼ ବଳବାନ ଚଳଚ୍ଚିତ୍ରରେ ଅଭିନୟ କରିଥିଲେ ।[୫][୬] ଅଭିନେତା ବାବୁଶାନ୍ ଏବଂ ଅନୁ ଚୌଧୁରୀଙ୍କ ସହ ଅନୁଭାଙ୍କର ଅନ୍ୟ ଏକ ଚଳଚ୍ଚିତ୍ର ସୁଇଟ୍ ହାର୍ଟ ୨୦୧୬ରେ ମୁକ୍ତିଲାଭ କରିଥିଲା । ଅସୀତ ପତିଙ୍କ ପ୍ରଯୋଜିତ କଥାଚିତ୍ର ରିଭେଞ୍ଜରେ ଅନୁଭା ନାୟକ ଅଭିଶେକ ରଥଙ୍କ ଅଭିନୟ କରିଥିଲେ ।[୭][୮]
ଅଭିନୀତ କଥାଚିତ୍ର
[ସମ୍ପାଦନା]| ବର୍ଷ | ଚଳଚ୍ଚିତ୍ର | ଭୂମିକା | ମନ୍ତବ୍ୟ |
|---|---|---|---|
| ୨୦୧୧ | ମୁଁ ପ୍ରେମୀ ମୁଁ ପାଗଳ | ପ୍ରଥମ ଓଡ଼ିଆ କଥାଚିତ୍ର | |
| ୨୦୧୫ | କୌନ୍ କିତ୍ନେ ପାନିମେ | ରାଜକୁମାରୀ | ପ୍ରଥମ ହିନ୍ଦୀ କଥାଚିତ୍ର |
| ୨୦୧୬ | ସମୟ ବଡ଼ ବଳବାନ | ||
| ସୁଇଟ୍ ହାର୍ଟ | |||
| ରିଭେଞ୍ଜ | |||
| ବଜରଙ୍ଗୀ | [୯] | ||
| ୨୦୧୮ | ସାଥୀ ତୁ ଫେରିଆ | ||
| ୨୦୨୦ | ମୁଁ ପରଦେଶୀ ଚଢ଼େଇ |
ଦୂରଦର୍ଶନ
[ସମ୍ପାଦନା]ଅନୁଭା ସାର୍ଥକ ଟିଭିଦ୍ୱାରା ଆୟୋଜିତ କାର୍ଯ୍ୟକ୍ରମ ରଜ କୁଇନ୍ର ୨୦୧୬ ସଂସ୍କରଣରେ ଜଣେ ଉପଦେଷ୍ଟା ଭାବରେ ଜିନା ସାମଲ, ପ୍ରିୟା ଚୌଧୁରୀ ଏବଂ ପ୍ରକୃତି ମିଶ୍ର ସହ କାର୍ଯ୍ୟ କରିଥିଲେ ।
ପୁରସ୍କାର ଏବଂ ସମ୍ମାନ
[ସମ୍ପାଦନା]- ୨୦୧୧- ତରଙ୍ଗ ସିନେ ଆୱାର୍ଡ଼ - ଶ୍ରେଷ୍ଠ ନବାଗତା (ମୁଁ ପ୍ରେମୀ ମୁଁ ପାଗଳ)
- ୨୦୧୧- ଚିତ୍ରଲିପି ସମ୍ମାନ- ଶ୍ରେଷ୍ଠ ନବାଗତା
- ୨୦୧୧- ସିନେମା ସଂସାର- ଶ୍ରେଷ୍ଠ ନବାଗତା
- ୨୦୧୧- ବାଣୀଚିତ୍ର- ଶ୍ରେଷ୍ଠ ନବାଗତା
- ୨୦୧୩- ବିଜୁ ପଟ୍ଟନାୟକ ବୈଷୟିକ ବିଶ୍ୱବିଦ୍ୟାଳୟ ଛାତ୍ର ସଂଘ- ଯୁବ ପ୍ରେରଣ ସମ୍ମାନ
ଆଧାର
[ସମ୍ପାଦନା]- ↑ "ଏହି ବଡ଼ ନାୟିକାଙ୍କ ସହ ରୋମାନସ୍ କରିବେ ଓଲିଉଡ ନାୟକ ଜ୍ୟୋତି". sambad.in. 21 May 2018. Retrieved 6 June 2018.
- ↑ "New Face to Ollywood- Anubha Sourya Biography". E News ଓଡ଼ିଆ. 6 Septemberr 2016. Retrieved 29 March 2017.
{{cite news}}: Check date values in:|date=(help) - ↑ "ନିର୍ଦ୍ଦେଶକମାନେ ରିପିଟ୍ କରିନାହାନ୍ତି ଏଇ ଓଲିଉଡ ନାୟିକାଙ୍କୁ". sambad.in. 2 September 2017. Archived from the original on 11 September 2017. Retrieved 8 September 2017.
- ↑ ୪.୦ ୪.୧ "ପାଞ୍ଚବର୍ଷ ପରେ ତିନିଟି ସିନେମାରେ ନଜର ଆସିଛନ୍ତି ଅନୁଭା". ସମ୍ବାଦ. 18 December 2016. Retrieved 1 August 2017.
- ↑ "Samaya Bada Balaban". Odia Movie Database. Archived from the original on 12 March 2017. Retrieved 1 August 2017.
- ↑ "ରିଲିଜ୍ ହେଲା 'ସମୟ ବଡ଼ ବଳବାନ'". ସମ୍ବାଦ. 4 March 2016. Retrieved 1 August 2017.
- ↑ "Anubha Sourya- Established A Career in Odia Film Industry". E News ଓଡ଼ିଆ. 19 December 2016. Retrieved 28 March 2017.
- ↑ "ଅଭିଷେକଙ୍କ ରିଭେଞ୍ଜ". ସମାଜ (in ଓଡ଼ିଆ). ଭୁବନେଶ୍ୱର. 17 July 2017. p. 8. Archived from the original on 17 July 2016. Retrieved 23 July 2016.
{{cite news}}: CS1 maint: unrecognized language (link) - ↑ "ଅମ୍ଳାନଙ୍କ ନୂଆ ଅବତାର". ସାମଜ. 29 October 2017. Retrieved 29 October 2017.[permanent dead link]
ଅଧିକ ତଥ୍ୟ
[ସମ୍ପାଦନା]- ଇଣ୍ଟରନେଟ ମୁଭି ଡାଟାବେସରେ ଅନୁଭା ସୌର୍ଯ୍ୟା