Vanikoro
L'illa de Vanikoro es situada al sud de l'archipèla de las illas Santa Cruz (11° 37' sud e 166° 58' èst), la part orientala de las illas Salamon, dins l'Ocean Pacific.
Geografia
[modificar | Modificar lo còdi]
Vanikoro se compausa de doas illas :
- Banie l'illa principala
- Tevai o Teanu
Lo seu trescòl, lo mont Banie es un ancian volcan.
Populacion
[modificar | Modificar lo còdi]La populacion de Vanikoro es de gaireben 800 personas. Se compausa en majoritat de 500 melanesians, primièrs abitants de l'illa que parlan lo teanu, e d'una pichona populacion de 300 colons polinesians, venguts de l'illa de Tikopia pendent los sègles darrièrs.
Lengas
[modificar | Modificar lo còdi]Las lengas temotu de Vanikoro son del nombre de tres, lo teanu que ten 500 locutors, lo lovono e lo tanema. Las doas darrièras son en via d'extincion. Los Polinesians establits a Vanikoro parlan una lenga polinesiana, lo tikopian o fakatikopia.
Istòria
[modificar | Modificar lo còdi]
Es a Vanikoro que desapareguèron los membres de l'expedicion de La Peirosa en 1788. Peter Dillon trobèt traças e testimoniatges del naufragi en 1826. En 2005, s'identifiquèt las rèstas de la Boussole e de l'Astrolabe, e de traças d'un campament a tèrra ocupat pendent mai d'un an.
Economia
[modificar | Modificar lo còdi]Las ressorsas de Vanikoro venon de l'exportacion del peis, de fusta, del coprah, de l'òli de palma, de las favas de cacau e dels cauquilhatges.