Porpre

Porpre comun (Octopus vulgaris), espècia frequenta en Mediterranèa.

Lei porpres (var. lagast, lagast de mar, pofre, popre, poupre) son un ensemble de cefalopòdes bentics, de l'òrdre deis Octopoda, que presentan de caracteristicas fisicas similaras coma de tentaculs prensils, una intelligéncia avançada, una capacitat de camoflatge per adaptacion de sa color de pèu, un còrs sople e un bèc de quitina.

Pasmens, lo tèrme es pas scientificament rigorós car recampa d'espècias de genres diferents. En causa d'aquela origina populara, la lista dei porpres varia donc segon leis autors e lei regions. Leis espècias presentas dins la lista aiçí dessota i son generalament presentas :

• Bathypolypus arcticus
• Callistoctopus macropus
• Eledone cirrhosa
• Eledone moschata
• Enteroctopus dofleini
• Hapalochlaena maculosa
• Octopus briareus
• Octopus cyanea
• Octopus ocellatus
• Octopus vulgaris
• Ocythoe tuberculata
• Thaumoctopus mimicus
• Wunderpus photogenicus

Liames intèrnes

• Cefalopòdes.