Filosa
La filosa (dita ''conolha'' o ''quenolha'' per francesisme) es un instrument per filar manualament de fibras textilas. Aquel esturment consistís en un baston, generalament de cana, acabat per un cap ont s'enrotla la flòca de fibra que se vòl filar qu'incorpòra una ròda, una pedala o manivèla e una debanadora menuda o supòrt giratori fix en lo qual s'enrotla una marga per ne facilitar l'estenduda e l'utilizacion.
Istòria
[modificar | Modificar lo còdi]
Las filosas son un esturment fòrça ancian e qu'an sovent agut importància coma simbòl. Entre las mai conegudas cal destacar la de Santa Elisabet d'Ongria que filava pels paures. Al conte de la Bèla Dorment la filosa representa lo destin inexorable. Malgrat que totas las filosas del palai ont viviá la princessa foguèron amagadas per evitar que lo malefici se faguèsse realitat, aquela s'acabèt per ponchar amb l'agulha d'una filosa, complint aital lo sieu destin.
A l'Índia la filosa es un simbòl de la lucha contra la imperialisme britannic. Coma part de la siá campanha de desobeïssença civila, Mohandas Gandhi convenquèt loss sieus seguidors que la manière més bona d'atacar l'empèri britannic èra de non pas crompar las fibres textilas de Manchester e fabricar sa pròpria ròba (khadi) a l'Índia de forma artesanala.[1] La campanha inspirèt fòrça gents e reüssiguèt a far de mal de biais pacific als poderoses interèsses del colonialisme, en ajudant los pòbles de l'Índia a aténher l'independéncia. Aital la filosa devenguèt un dels simbòls de l'independéncia de l'Índia.
Vejatz tanben
[modificar | Modificar lo còdi]- Fus (Esturment)