Culheron
Lo culheron es una aisina de taula servissent a bolegar lo sucre o assimilat dins un pichon recipient emplit d’una bevenda mai sovent cauda coma lo cafè, lo té, lo chocolat, lo lach, lo vin caud, d’aiga, de chuc de fruch, o del iogort, per ne facilitar la dissolucion o per accelerar lo refregiment.
Dins los païses grands consomators de té, coma Austràlia, Canadà, la Nòva Zelanda e lo Reialme Unit, l'aisina se nomena « culhièr té » (teaspoon pels anglofons).
Contenença
[modificar | Modificar lo còdi]Dins las receptas de cosina, un culheron, designa lo contengut d'aquela aisina dins lo dosatge de diferents ingredients; dins totes los païses avent adoptat lo sistèma metric, la contenença admesa es de 5 ml de liquid.
Per convencion, i a tres culherons dins un culhièr e dos culherons dins un culhièr de dessèrt. Mai, al subjècte de las polveras, cal destriar lo culhièr ras del culhièr comol; per convencion encara, aquela darrièra es exactament lo doble de la primièra.
Dins lo sistèma de las mesuras anglosaxonas, l’usatge d’autres sistèmas d’unitats mena a admetre des contenença diferentas:
- lo culhièr té canadian val 1/6 d’onça liquida imperiala, siá 4,735 ml ;
- lo culhièr té imperial o drachme (Imperial teaspoon), val 1/8 d’onça liquida imperiala, siá 3,551 ml ;
- lo culhiè té american (U.S. teaspoon) val 1/6 d’onça liquida EUA, siá 4,929 ml.
Notas e referéncias
[modificar | Modificar lo còdi]