Corn Island

Las illas del Milh (en espanhòl Las Islas del Maíz, en anglés Còrn Islands, nom lo mai sovent utilizat), son doas illas de Nicaragua, situadas a mai o mens 75 km de las còstas, dins la mar Cariba. Constituïsson una municipalitat de la region autonòma de la Còsta carib sud.

Geografia

Las illas an una populacion de 7 429 abitants dont 6 731 sus Isla Granda e 698 sus Isla Pequeña. La màger part dels abitants son de Garifunas. L'anglés es la lenga usuala malgrat que l'espanhòl siá comprés. Se tròba tanben dels amerindians Miskitos. La febla populacion d'Isla Pequeña s'explica per l'abséncia de font d'aiga doça permanenta. La populacion, la lenga anglesa, la musica reggae plan presenta diferéncian fòrça aquelas illas de la Nicaragua continentala, los raprochant culturalament mai de Jamaïca.

Fins a la guèrra, la principala exportacion de las illas èra la nose de cocò. Dins las annadas 1960, l'industria de la pesca es venguda la principala activitat economica de l'archipèla, amb d'exportacions de langostas. Dins las annadas 1990, lo torisme, quasi inexistent fins aquí, s'es fòrça desvolopat, los escuèlhs de coralhs a l'entorn en fasent d'ara enlà una destinacion recercada per l'immersion sosmarina.