Clarac (Nai)

Pels articles omonims, vejatz Clarac.

Clarac Clarac (1801) o Claracq (1793)
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas

Geografia fisica

Superfícia	circa 2 km²
Altituds · Mejana	265 m
Geografia politica
Region istorica	Bearn
Estat	França
Region [[Modèl:Nmrfr\|]]	Navèra Aquitània ancianament d'Aquitània
Departament Error d'expression : l'operador < es pas reconegut	Pirenèus Atlantics
Arrondiment	Pau
Canton	Ouzom, Gave et Rives du Neez (nom francés) (Nai Davant abans 2015)
Intercom {{CòdeEPCIError d'expression : l'operador < es pas reconegut\|{{{insee}}}}}	CC deu País de Nai
Cònsol	()
Geografia umana
Autras informacions
Gentilici	probablament claragués, -esa
Còde postal	64800
Còde INSEE	{{{insee}}}
Divèrs	anciana comuna (incorporada a Nai en 1863) e ancian canton

Clarac (Claracq o Clarac en francés) qu'ei ua anciana comuna bearnesa administrada peu departament deus Pirenèus Atlantics e la region de Navèra Aquitània, ancianament d'Aquitània. Clarac qu'estó incorporada a Nai en 1863.

Geografia

La vila de Nai qu'ei rancoenhada enter lo Gave de Pau e los tuquets. Tanben, tot çò qu'a besonh de plaça qu'ei dens la partida Clarac, qui ei planèra : licèu Pau Rei, collègi Enric IV, piscina, gendarmaria, cementèri...

Toponimia

Clarac qu'ei atestat en 1547 Sent-Johan de Clarac ^[1].

Lo nom de Clarac que s'explica com l'aute Clarac : un cognomen latin d'òmi Clarus e lo sufixe -acum ^[2]^,^[3], latinizacion deu sufixe gallés -ācon. Clarac qu'èra donc probablament ua anciana grana proprietat antica qu'avè per mèste Clarus.

Istòria

Clarac qu'èra ua abadia laïca vassala de la vescomtat de Bearn. Qu'èra ua dependéncia de l'abadia de Sent Pèr (Bigòrra) ^[4].

Lo camin Claragués, lo cami Clargues o le cami Claragues en 1536, le grant camii aperat Clergues en 1547, qu'èra un camin qui traversava Asson e Aigon e miava a Clarac ^[5].

Au sègle XVIII, sus la mapa de Cassini, lo vilatge qu'ei au sud-oèst e mei au nòrd, que i a dejà lo pont cap a Nai; Clarac pareish pas (o pas mei) com parròpia e la soa glèisa qu'ei arroeinada ^[6]. Totun, a La Revolucion, Clarac que vienó comuna deu canton de Nai. En 1801, que despartín lo canton de Nai en dus : lo canton de Nai a l'oèst e lo canton de Clarac a l'èst ^[7]. Clarac qu'èra ua petita comuna e la comuna màger deu canton qu'èra Coarrasa. Que hasón de Clarac un caplòc per duas rasons probablas : perqué podèvan hicar las institucions deus dus cantons en un sol lòc, Nai, e perqué la municipalitat de Nai desirava pas de deishar Coarrasa viéner ua vila concurrenta. Pr'amor deu pont, Clarac que podèva dejà estar un quartièr de Nai.

Per decret imperiau deu 11 de heurèr 1863, la comuna de Clarac qu'estó annexada a la de Nai; lo canton de Clarac que vienó canton de Nai Davant e lo de Nai canton de Nai Darrèr.