Christiane Oelze
Christiane Oelze, nascuda lo 9 d'octobre 1963[1] a Colonha es una cantairitz alemanda de tipe soprano lirica, activa dins lo Lied, lo concert e l'operà.
Biografia
[modificar | Modificar lo còdi]Christiane Oelze estudièt lo cant a l'Acadèmia de Musica de Colonha ambe Klesie Kelly-Moog e ambe Erna Westenberger a Francfòrt de Main. Puèi agèt de classas de mèstre ambe Elisabeth Schwarzkopf.
Christiane Oelze trabalha ambe d'orquèstras e de caps d'orquèstra célèbres, entre autres regularament ambe l'Orquèstra filarmonica de Berlin e Sir Simon Rattle. Es solista dins de festenals prestigioses, dont la BBC Proms, Glyndebourne, lo Festenal de Salzborg, lo Schleswig-Holstein Musik-Festival, lo Festenal de Lucèrna, Tanglewood e lo Mostly Mozart Festival de New York. Sas aparicions dins de produccions novèlas son aclamadas e se mostrèt dins los grands operàs coma Covent Garden, Hamburgische Staatsoper, Opéra National de Paris.
Christiane Oelze es mai que mai una interprèta de Mozart e tanben de la musica del sègle XX, coma la que los nacionalsocialistas nommavan «Entartete Musik», las òbras defendudas dels compositors Hanns Eisler, Kurt Weill e Viktor Ullmann. Aima especialament cantar lo Lied, ambe son pianista de longa data Eric Schneider e los pianistas solistas Mitsuko Uchida (al Carnegie Hall) e Pierre-Laurent Aimard (entre autres al Festenal Mozart de Salzborg e al Festenal d'Aldeburgh).
Enregistrèt a las marcas Deutsche Grammophon, Teldec, Capriccio, Berlin Classics e Phoenix.
Ensenhèt de 2003 a 2008 en tant que professora de cant a la Robert-Schumann-Hochschule de Düsseldorf.
Ligams extèrnes
[modificar | Modificar lo còdi]Nòtas e referéncias
[modificar | Modificar lo còdi]- L'article occitan es una traduccion de l'article alemand