Celluliti
La celluliti es una inflamacion difusa severa dels teissuts conjonctius dau jaç dermic e soscutaneu. Es la consequéncia d'una infeccion bacteriana causaa per una ruptura de l'integritat de la peu (cremaüra, copura, morsura d'animaus o d'insectes, plaga, injeccion, etc.). L'agent patogene pòt èsser engendraa per la flora cutanea normala o per de bacterias exogenas. Lo caracter difús e non limitat de la celluliti o distinguís de l'abcès. La peu dau visatge o lo bas de las chambas son los endrechs mai tochats per aquelas infeccions. Lo trachament de basa es l'antibiotic adaptat au patogene, amb un periòde de recuperacion de 48 oras a 6 mes.